食完餐飯，有啲感慨分享下。
因為有兩個舊同學喺外國返嚟（走咗已經十幾年、一個返嚟飲、一個陪老公返嚟做嘢幾個月）、今次唔約出嚟見應該等抱孫先見（本身喺香港住果幾個都五六年冇見面）
約食飯地點係cwb(因為五個入面有3個住港島、仲要其中1個生完冇耐）
有人住大西北、話唔識過海… …冇所謂啦間唔中先見一次約佢黨鐵站等（我仲懶體貼話香港站Muji 等埋一齊搭去cwb),點知約五點等、佢四點九WhatsApp 我講話Mtr 要企好辛苦、自己坐咗巴士去天后總站
、呢傢盪失路唔知點返去cwb
睇完個wharsapp已經唔想理佢、最後覆咗個「吓」、佢打比我、我話：「吓小姐我地好似約咗香港站等傢喎、你搭巴士又出聲玩嘢咩。」佢發脾氣問我咁呢傢點算、我叫佢站頭問車長、佢話男人嚟唔敢、咁我叫佢問自己老公、之後我話肚痛要揾洗手間收左線。
之後坐低食飯、講開mirror、又有另一個人（一直住香港）話唔識佢哋、問姜濤同Anson Lo係咪同一個人 、Edan又係邊個？一味講唔識呀我淨係睇英文台 （其實佢中學已經好鍾意話自己唔知四大天王係咩人），又話自己準備返出嚟做嘢、日日跑10k練返好個身體（已經有人問佢日日咁跑驚唔驚腳痛）拎住個孖C袋、又話唔知呢個咩牌子（問呢個袋點讀呀？）、老公送傢咋乜好貴傢咩？
有人轉話題講The Witcher , 呢個話自己淨係睇英文台嘅人唔識Henry Cavill, 話自己睇新聞多，但已經冇人理佢
食完飯、正常嘅幾個舊同學一係老公過嚟接、一係自己走、住大西北嘅捉實我話想行街、我話唔行啦要返去訓、叫佢自己搭𨋢落去搭mtr (我地希慎食）佢話一定要搭巴士、但唔識點搭，帶咗佢搭巴士，佢又話條隊長、要返去搭地鐵。（其實佢中學果陣已經係咁）
本身呢個朋友同老公有啲問題、我忍唔住話佢其實你咁樣點樣同老公相處、你呢啲野唔改其實做朋友都唔可能次次都忍傢喎，你屋企人唔會話你傢咩？佢灰灰地話老公都係咁話佢… …佢話自己一年都未必出一次街、唔係我哋係咁叫佢都唔想出……
見到呢兩個人、由中學到40+都可以唔變、都唔知係唏噓定係羨慕佢哋冇乜人生風浪好。
