做得好
話不投機半句多
人同人既分別真係可以好大。際遇同環境shape a person。
5個讚
實在敬佩樓主既PATIENCE.
我接受唔到同尼D人做朋友. 因為MINDSETS好唔同.
追唔追得上時代, 係睇自己, 確實身邊有有家庭有小朋友既同事, 因為屋企太多野要理, 無時間留意其他…如: 唔識DEAR JANE, 唔識FPS, PAYME…最近先開始用ALIPAY…唔知道可以坐東鐵直接去到灣仔會展…只FOCUS係小朋友身上
我當然唔會怪佢, 這是每個人自己既選擇. 但自己追唔上時代(起碼BASIC野), 慢慢就真的會脫節…遲D就會變所謂既廢老架啦…T_T
學習是任何時候都必要的.
9個讚
火滾位係：其實部巴士經銅鑼灣、佢唔敢落、但其實你去到天后又係唔識路
不過我都係師奶冇嘢做喺到揾人吹下水、多謝大家陪我傾計
1個讚
我舊同學中都有類似’奇人’, 原來奇人周圍都有 
btw佢哋又係好幸褔喎, 要羨慕啦~
2個讚
我早十年八戴都已經飛甩左嘅離地x
1個讚
你唔記得港女三式
分別係「點解嘅？」、「真係㗎！」同埋「你好叻呀！」
8個讚
定扮嘢咋
有少少分享，不喜勿插
關於依賴，我覺得最大問題係佢父母，無教佢獨立；當然人長大咗亦可以自我提升，不過通常依賴咗人幾十年嘅人都要有好大挫折才可覺醒，而呢個挫折如果佢用咗負面態度去面對，後果可能更大。
我都40+，對住呢啲人都唔會再勸了，咪就下佢囉，一次半次者。
至於富貴人家扮無知，我覺得出身真係會影響處事態度同心態…有個朋友細個住私人樓（80年代美孚嘅級數），大個同屋企唔啱key搬出嚟住劏房，沖涼見到飛曱甴嚇到成晚瞓唔著…我真係覺得有啲大驚小怪嘅（抱歉，朋友都係咁話），我細個住唐樓曱甴老鼠係屋企常客，小學時父母唔喺屋企咪自己搵拖鞋打死隻飛曱甴…
我同佢同一間小學，當年轉校入去曾經好自卑，因為同學屋企都比我有錢。但係望返轉頭，不是出身富貴都有佢嘅好，有啲嘢富貴人家嘅細路就係學唔到！
6個讚
灰,我有個中學同學都係咁,用哂呢三招係我地身上
到而家周不時有野要人幫先揾我地 
2個讚
我以前都識咁既奇人、一齊食飯唔會叫、小巴落車唔會、問路唔會、一齊去街要約係佢落車嘅巴士站等、講咩都唔識而家「真係架」咁款、頂唔順成日要服侍公主、之後都疏遠左
樓主朋友都話真富貴、我都唔知假公主點會咁
樓主朋友係古怪. 不過我想講我20歲頭都係好怪/內斂.
嗰時初出來工作, 有時要同其他部門或客用電話聯絡, 我係唔敢
更癲的係男同事會幫我聽電話, 甚至有個同我head講我個位因為電線問題安裝唔到電話
去按摩店按摩唔敢同技師講按邊個部位多啲, 大力啲, 細力啲…
去美容院唔敢同美容師講唔使針清…
搭小巴唔敢叫有落…
不過廿歲中後開始有轉變. 後來冇返工後個人更外向.
4個讚
唔識搭巴士果個普通身世咋
1個讚
可能樓主朋友係有啲社恐，我由細到大都好怕對住人講嘢，細個時連同人打招呼都覺得有壓力，到大咗先慢慢迫住去改善，因為知道會令人誤會我冇禮貌
到出來工作係同事眼中我係3-80歲都岩傾嘅人，成日要對外做presentation，對內要負責做training，但私底下我依然係唔敢搭小巴叫落車，寧願麻煩啲轉車返屋企嘅人
4個讚
未有app前我都唔識d巴士同小巴線. 要人帶先識.
我廿歲左右都係社恐
同感~
你FD勁煩!我都係住大西北,以前係CWB返工,又去過天后上堂學野,咁大個人一早知約左係邊度,點會搵唔到路呀!
1個讚
舊同學又好，老朋友又好，人年紀越大變化越大，友誼 Keep 得到就 Keep ，Keep 唔到都唔好強求。朋友唔需要多，就算一個都已經夠。
有時朋友可能比家人、或親友更好，所以唔需要分關係。見好多好耐冇見舊同學聚會，通常聚一兩次都散散地，下次就越嚟越少人出席。有啲就曬命、有啲就自卑、總之就唔多啱傾 !
我都好憎樓主所講果位朋友性格，優柔寡斷、令人討厭 ! 舊同學舊同事舊朋友、或家人親戚都好，啱傾就來往，唔啱傾就真係不如不往來，最緊要自己舒服開心 ! 
7個讚
孖C 係咪coco chanel?
其實我都好羨慕呢D一世都可以唔需要長大既人
一世都係糊塗落去, 但又有人教, 有人幫
唔需要自己長大, 羨慕
3個讚