自己同先生都係香港人，做醫療行業
Plan緊懷孕所以愈諗愈唔想香港生
對去台灣生b同坐月都好有興趣
醫護同照顧者細心溫柔好多 
生bb 都想被用心對待 照顧得好d 
3個讚
專登過去生B坐月，好似誇張左啲，除非為了BB入籍就無話可說。比得起錢，不如係香港請個24小時陪月仲好喇，始終自己屋企最舒服。你唔想人打擾，一早通知全世界謝絕探訪。
7個讚
除非父母入左台灣籍, 如果唔係係台灣出世, BB
只係居台香港人後代, 係唔會得到台灣籍, 只有出
生証明, 唔可以享有台灣福利, 無得讀書無健保卡
連旅遊証件都唔有.
1個讚
負擔到去私家生再請陪月都一樣
2個讚
想被細心溫柔對待去養和/明德生啦… 喺台灣出世再返香港搞出生文件手續我估會煩覆啲… 一出世就要打嘅疫苗又要過落香港針卡… 同埋你諗住坐完月個 B 1-2個月大就要佢坐飛機返香港? 架機又多菌又氣壓…
到做咗人老母就好似打仗咁架喇… 細心溫柔留返媽媽俾 BB 啦
6個讚
同意無得入藉就香港生好啲。香港私家養和，仁安都照顧得好好。
之後再請陪月工人。
係外地生 B 要睇清楚個個地方，出生後是否
直接就係當地國籍做到當地人。唔係個個地
方都好似香港咁可以做雙飛。
既然樓主兩公婆都係做醫療行業, 咁收入都唔係問題, 好似樓上提議去明德養和生BB、請最好陪月24/7都冇問題啦, 點解反而要去陌生環境生BB同坐月?
你諗住1-2個月就返香港? 勞師動眾, 你咪仲辛苦,
而且台灣月子餐好似同香港唔同, 我驚你唔鍾意
1個讚
我打算去台灣生B同坐月呀
1個讚
但係你係打算生完坐完月就番香港?
聽聞台灣d 月子中心都唔平, 不過服務幾好
初生BB三四個鐘要食奶換片, 搭飛機聽到都覺得辛苦 (雖然飛台灣都係一個鐘, 但係都要提早搭車去機場, BB 搭車轉飛機到香港又要轉車)
另外好奇想知到時BB 點樣出入境, 因為佢台灣出世, 但理論上無台灣藉, 證件方面點搞
1個讚
我都覺得係香港生同坐就得，
特等搭飛機過去好麻煩，又要book機票又要轉機，又要拉住行李周圍走
除非你有好多假可以stay係台灣當旅行
而且你係台灣生bb又攞唔到台灣身份證
返黎又要搞出世紙登記果啲好麻煩
1個讚
摘要
此文字將被隱藏
去私家生都幾好呀
我早幾年去荃灣港安，服務都好好呀！ 開刀住左5日，8萬幾落樓
我有一咗就去台灣睇醫生+安胎至15週
（因為香港冇咩醫生睇免疫懷孕 超落後嘅香港）
台灣醫療真心做得不錯
醫療費用真的比香港平好多
一支針香港$240 呢度$180台幣 
但生仔都係翻香港
因為我唔想再食台灣嘢 
台灣冇湯水飲
而埋到時言語不通可能都會崩潰 
香港有酒店都提供坐月服務
私家醫院都好似有
去台灣坐月。。。我覺得人地都未必比你咁樣過去生 即係台灣雙非？呀b有台灣人身份？我覺得好似講唔通。。。。。
如果work咁咪好多大6人飛去生b? 佢地最叻做雙非
唔係呀，我打算stay喺台灣，等拎到身分證再諗返唔返香港。
台灣國籍唔係台灣出世就有台灣身份
我覺得你qualified攞台灣身份證，但至少1年多，你後續d野安排好未？如果係可以過黎生同坐月。坐月係對媽媽好，可以休息，之後就慢慢長路。記得搵醫院，唔好搵婦產科診所生
p.s.香港人搬左黎台灣，係度生同坐月，有野可以問，傾下
點解唔好搵婦產科診所呀? 我打算去禾馨生呀
你去禾馨咁okay啦，其他細既診所就唔好啦。