我岩岩收到移民通知個居留證副本批咗，希望趕得切過去生同坐月啦。
1個讚
想問下你去台灣，bb出生後，點樣申請回港？因為未有身份證明文件
台灣既政策，社區support的確比較好，但突登走過去都有好多野要考慮
咁有冇考慮邊度坐月
定係翻HK?
台灣坐月好似會食咩麻油雞，
好似都好補，
好d既月子中心應該都可以揀食咩？
個仔變咗台灣人 
喺台灣book月子中心啦當然
五萬蚊左右住30日
24小時照顧BB同媽媽 包伙食 爸爸都可以一齊住同食
香港呢個價錢點做到
我唔想麻煩長輩幫我坐月 佢地D思想觀念同習慣唔係咁適用
月子中心包3個正餐3個點心/湯水
佢地集團式運作咗十幾二十年 已經好成熟 知道媽媽食得咩唔食得咩
相反一個陪月姨姨 未必顧到咁全面
1個讚
想問下你當時情況？
喺邊度睇醫生？
你自己一個？定老公一齊？
15週時飛返香港，驚唔驚影響個胎？
我而家喺台灣做IVF，上年8月做第一次，bingo，但到ard 5w流產… 當時其實本身只係有小出血，但冇經驗太驚去左公立急症，結果本身可能無事都畀佢地搞到出事，講到我9成9流左產(但其實我入院第二朝已經冇出血)，兼且原來後來第二個驗血報告HCG有翻倍升但唔同我講，我打定輸數連續幾日以淚洗臉又冇胃口食嘢，之後先真係嚟M咁出血十日(即係後來才流產)，醫院本身安排我3星期後返去覆診，我以為只係照下惡露流清未，但當時醫生先同我講之前驗血報告HCG有翻倍升，佢以為我返去做產檢照BB心跳，係我話佢知我流左十日血，自己出去驗血HCG已跌到<5，佢先笑住咁話：「咁今次流左產喇~」佢地真係唔覺得自己咁樣跟case係有問題，未流產話你流左，流左又以為你返去做產檢，害左patient一次唔夠仲要再二次傷害，但仲可以笑得出…
我唔知呢D係咩醫療服務/「專業」嚟… 之後我同老公都對香港醫療完全冇晒信心，而且喺台灣做IVF的體驗係睇到台灣醫療同服務各方面都好過香港好多好多，所以有諗過下次IVF放胎後我繼續留台。但後來諗諗下，因為長期留台就一定得我自己一個，老公最多係間中飛過嚟一兩日，我地擔心嘅係萬一有起咩事上嚟要去睇急症之類，我一個人可能好拿手唔成勢(上次出血後嗰種驚，入醫院後各種折騰，真係永世難忘)，然後我地先醒起其實喺香港有咩事唔一定要睇公立急症，私家都有急症(上次完全冇呢個意識)，可能睇私家急症會好D？老公都唔想我到時所有嘢要一個人面對又冇人照顧，所以我地打消左留台安胎的念頭… 但見到你咁講，又覺得好似都可行？可唔可以分享多D？謝謝
Sorry呀 好耐冇上嚟babydiscuss
我係睇愛群翁醫生（大安站）
租左service apartment 喺大安森林公園附近
我9月頭過咗去台北，自己一個人住，老公一個月嚟一至兩次
去到10月就有兩個朋友分別嚟搵我探我
時間就過得容易啲 如果我有唔舒服，我就即刻打去愛群，邊個醫生我都睇
另外我亦有睇另一位醫生叫宋碧琳，比較遠，喺樹林，要搭台鐵去（但都好快到）
所以其實我當時一星期都至少照兩次 價錢平又安心
重點係台灣有多一點藥物可選
我去年11月尾翻到香港，右眼又有免疫病攻擊
去左睇中大眼科，雖然醫生好好，但該藥物會穿過胎盤，間接減低胎兒免疫力
好彩我有在台灣帶了針藥回港 即刻用
12月再翻去覆診再打多次針
我真係好感恩我有選擇留喺台灣過頭幾個月
翻到香港政府做產檢，完全垃圾
態度勁差又落後
我下星期開刀啦
祝福你呀都
請問咁樣租 apartment 既費用要幾多錢?
五萬港幣可以住30日呀？！
仲咩都包埋？
好似真係好吸引
同埋台灣d姑娘應該比較nice，唔會西口西面XD
我喺台灣生完兼坐完月喇
我喺禾馨生 順產住咗3日2夜 無健保之下 埋單13萬台幣 （有健保平4萬左右）
另外間月子中心真係好正 Day 1開始慢慢教你所有湊BB同照顧自己嘅知識 這唔明隨時call護理師上房一對一咁教 塞奶可以叫佢地幫手擠奶 而且佢地作息好規律 我出咗月 Day 45 BB已經瞓過夜 夜晚10點11點瞓到第二朝6點7點
30日包晒所有野 埋單20萬台幣
2個讚
如果冇台灣居留證, 可以點樣喺台灣生完再帶返個B返香港?