所謂的「食子」（或殺子），並非真的毀滅、分解掉孩子的身體，然後啖食肉、飲其血，而是指在精神上吞噬其個人意志、獨立人格和理性思維。所謂的食子文化，就是上一代犧牲後代本該擁有的物質、意志、生活、未來，為的是自身的舒適安逸和面子。上一代自矜為「永遠的父母」，視下一代為「永遠的子女」，並且要求子女「永遠地孝順」自己，即使子女已經長大成人。
富貴人家嘅情況？
窮人就無本事咁樣嘅⋯⋯
一樣會，自己做唔到醫生寄望下一代代佢完夢做醫生之類
2個讚
富貴人家：想要仔女copy自己成功之道
冇錢人家：想仔女圓自己夢
自己係冇錢人家，都係俾父母盼望做專業人士所以好多野冇得揀（但最後都係嘍囉一個
），而家有細路就希望佢搵到自己興趣同方向。都係想佢完自己夢嘅一種。
4個讚
都係。
自己唔算自由，會希望仔女大咗唔好因為我放棄想做嘅事想去嘅地方。最好佢地有咁遠走咁遠，心入面有我呢個阿媽就得。
high five 我都係類似，希望佢唔好顧慮我好好發展自己
如果唔係呢個topic 我都唔知原來我想俾佢自由呢樣野係源自自己成長嘅小小缺失
窮人一樣有窮嘅苛求
3個讚
西方國家教育福利好，也是行行出狀元，父母都唔係咁管仔女讀書，無付出，就唔會 expect 有咩回報。聖經都有講子女成年後應獨立成家，唔應該再附著父母生活。
亞洲區多怪獸家長，養仔女係一個投資工具，心態完全唔同。
1個讚
另一角度，望都望一代比一代好
6個讚
我反而覺得而家新一代家長好少咁諗，已經有意識養仔女洗費大成本好高，以前就話會收家用，而家諗法係唔啃老已算贏左。之前睇過一句話中產變窮其中一個陷阱就係生小朋友
亞洲生育率好似仲低，睇下香港韓國日本新加坡，都少子化。
2個讚
香港地嚟講，搬走嘅成本太高
亦唔興幾個後生share room咁住
1個讚
好嘅定義，每個家長都唔同
有啲根本夾硬嚟，或者錯配就變左唔好
想仔女圓自己夢並唔係錯,最緊要係仔女自願. 要明白勉強無幸褔.
同意
依家搞埋D共居/青年宿舍，一個床位都要3.5K，只係膠囊酒店咁。
以上capture from書匯
1個讚
香港而家廿幾歲嘅屋企，應該點都好過瞓呢個
我都要定時檢討下，小朋友對呢樣野嘅感受，會唔會有時佢係唔要自由
（例如有啲人鍾意俾人完全管住）
1個讚
其實係，
我近來聽到個朋友呻，佢話無論佢做乜野佢父母都支持佢，佢覺得父母好討厭，因為淨係得把口，無方向無誘導無支援(情緒上)，佢覺得成長無依無靠。成績唔係幾好，朋友自己唔滿意，同阿媽呻，佢阿媽答佢"我從來都絛俾壓力你"，朋友覺得一直都係家長孤立左佢。
我本來都諗，如果我有父母唔俾壓力自己幾好，但睇返朋友既表白，我都有反思如果作為父母都應該適當既參予。
1個讚
呢樣都幾難做到
有啲小朋友會依賴父母多啲，都有啲比較獨立，甚至唔想人哋俾意見，最理想係兩邊都樂意溝通，有足夠交流又互相體諒，但現實好少咁理想，往往好多情況都係去到有爭拗先會知道對方想自己點
1個讚
自由同自生自滅唔同
1個讚
我呢排聽過一個十四五歲嘅小朋友講過類似嘅野、佢話「阿媽梗係唔俾壓力我啦」、佢覺得父母唔係錫佢所以放手、而係佢地唔想煩、唔想駛錢補習、唔想學野要接送、最緊要唔好阻住佢煲劇睇電視………
有時我覺得小朋友有時係冇果樣要果樣、好似我屋企果個係獨生、去到人地屋企就算好多野好亂、要撥開餐枱啲雜物先可以做功課、都會話羨慕覺得人地好熱鬧… …話想要咁嘅屋企