之前上網睇過一幅圖，話父母無論點做都會俾仔女埋怨。俾仔女自由選擇，仔女大左怨父母做乜當初唔push下佢；push仔女個堆，又俾仔女怨當初迫到佢無乜自由。
正如我媽為左我做ftm, 我會覺得我由細到大都自律，洗鬼佢理。而且佢唔做ftm反而可train到我做下家務成熟啲，又可賺多個錢，等我而家負擔唔洗咁大！
但我99顧住返工，無乜理我老公，我老公又會覺得阿媽細個多啲陪佢就好。
所以，做父母嘅野，我一直覺得，自私啲啦，你想點做就點做，唔好太顧慮仔女諗法（又唔係話唔顧慮，係唔好「太」顧慮）
6個讚
平衡啦, 其實同上司管下屬一樣
都係
以前讀書同學屋企係雙職，我都好羨慕，家境好過我，負擔得起歐遊日遊又可以養狗，最重要係屋企冇人嘈鍾意做乜都得。佢地反而羨慕有 FTM 24 小時陪伴，不過呢點我到依家都理解唔到。FTM 人生目標寄託曬仔女身上，反而會過份緊張。
2個讚
睇人咋, 有D 師奶懶到乜咁
1個讚
個師奶人生目標已經全部達到，所以可以懶下去 
我英國個親戚就係咁，佢上年年中被炒後，係屋企日日無所事事，但仲保持被炒前叫晒老公做野嘅生活模式。即老公收工後仲要煮飯、洗碗、湊仔女上興趣班去公園、同去超市買嘢。而個老婆，聽返黎，只係跟個女數學。佢老公係勁怕老婆，敢怒不敢言，我都係聽佢老公呻先知佢老婆懶到咁。
我自己又覺得…
唔係個個FTM係因為緊張小朋友而唔做嘢、可能只係唔想返工、有時聽到呢類人周圍講自己點樣為頭家犧牲事業前途都係得啖笑、真係要你又返工又湊仔咪又係嗌山嗌死。
或者人性就係咁、同樓上所講其實父母點做仔女都會有怨言一樣
又或係老公揾到大把、自己做唔做都冇所謂
小學都仲理解到，到中學時做ftm作用應該不大，而且中學生應該都唔會想呀媽全日對住自己，會想有d 空間。
不過確實人係冇個樣想要個樣，做咩都有可能被仔女怪的話就隨心算。
呢個問題我都一直思考緊
小朋友已經五年級
但佢專注力不足、組織力好弱、又有焦慮
之前見心理學家
佢話其實小朋友個腦發展到十八歲都仲係發展緊
初中時期有能力嘅話、其實都需要家長輔助
即係就算我揾工、都只係揾半職、要三四點可以走果啲
Sorry離咗題
如果經濟負擔到，小朋友有需要，咁又唔係話中學就要即刻番工唔可做ftm既，人人個case都唔同。
只不過我覺得中學青春期，自己當年都唔想呀媽管住哂，鐘意有空間感
1個讚
我都唔鍾意人管
同埋又驚自己拿捏得唔好，搞咗個裙腳仔出嚟禍害人間
屋村師奶打牌打到借大耳窿果D
該主題在最後一個回覆創建後180天后自動關閉。不再允許新的回覆。