見到FB 有人問:
我有bno 想帶亞女去英國讀書, 不理老公, 老公在香港不肯過來, 我只同女一起申請? 5年後不知女可不可取到ILR?
1個讚
呢啲case可能係本身瀕臨離婚邊緣嘅關係，你少替佢地擔心啦
又或者係，到底仔女需要有父有母但日夜嘈，定響英國得阿媽一個耳根清靜咁讀書緊要啲？
Well, 其實無人會知背後係邊種scenario
19個讚
或者佢地係對夫妻感情有信心，幾年後入左藉可以回流一家團圓
平時留學都係咁唔係？
平時留學唔會父母分開
咁又係…
何必比咁大考驗自己和對方
我個人覺得啦⋯⋯⋯⋯⋯⋯
2個讚
好難令人唔咁諗, 本身雙方應該有問題, 其實點會維繫到… 我身邊識人個老公都係唔肯走, 要番大陸做野~ 個女人自己一個帶住個女去英國。後尾個男人連錢都冇滙比個女人, 個女人覺得同離左婚冇分別, 之後喺英國識左個印度男友。
2個讚
一家人/夫妻可以唔一齊住, 話同一齊住一樣咁親或冇影響, 係冇人會信.
不過嗰家人ok咪ok.
一家唔知一家事。
女人係為仔女前途
男人係為自己錢途，如果係一家經濟之柱，唔怪得佢。
感情嘅嘢，男人去到由低做起，低薪低職，一樣會發脾氣，一樣會離婚。
人生無共識，已經好難一齊落去。
好多仔女仲細都會其中一個帶仔女走先，另一個在香港高薪厚職，搵多幾年錢。
我諗香港仲有份 senior management 嘅工，都會搵得多過 Prime Minister, 我只計 PM 份工來講。
係人都知就來陸沉，但計下數，就算仲可以做多兩年，呢兩年錢在英國都好好使。
5個讚
講到老公唔肯走，九成唔止做2年，或者永遠都唔會走
如果睇樓主純粹為仔女讀書，而夫妻感情冇生變嘅話
讀書真係淩駕一切？
1個讚
我身邊有幾對都係咁，老婆帶仔女先行一步，老公留港搵錢。
匿名先夠膽講，見到太多你呢類留言。
人人家庭狀況唔同，我同老公決意要小朋友離開香港，幼稚園都唔想佢喺香港讀，但當時老公因各種原因未走得，所以我先帶小朋友走，做太空人。
當然呢條唔係容易嘅路，我哋都經歷過唔少，但反而令我更睇得清婚姻係咩一回事。
幸好小朋友同爸爸關係都非常好，係錯過咗某d 時刻，但回望都係值得嘅。
父母對小朋友嘅教育、期望都唔同，我唔會鼓勵大家做太空人，同講邊樣一定好。
9個讚
有良知嘅媽媽都唔想自己仔女讀呢啲嘢，邊個唔想幾代同堂，中秋節就到，啲藍色月餅廣告 sell 一家親朋好友一齊食月餅，仲難聽過粗口，邊銀個攪到一家人各散東西。
人生係一種賭博，每一個家庭點落注係自己選擇，賭枱上係冇 model answer , 無話對錯。
4個讚
所以永遠唔會唔記得，特別對鍾意香港生活嘅香港人
咁做咗幾耐太空人?
我識人係咁，個阿媽帶仔女走先，老公留港搵多幾年錢，不過佢地全部都有共識，幾多年之後就會過去。
樓上講得啱，有邊個唔想齊上齊落，但每個家庭都有自己考慮。
即8萬磅呢個數？
咁英國好多工都有，係PM人工過低啫
但，千萬唔好睇net income…
都差唔多7年，比我哋預計嘅長。
朋友做1-2年太空人，已經叫哂救命。
1個讚
我同老公有初步共識，主要係我想走（為小朋友），佢跟
（我想話啲爸爸其實係唔知小朋友返學學咩，所以佢覺得係無問題
，走唔走其實唔太緊要）
我其實想我同仔仔先去睇下適唔適應到先，
但我知道如果一開始唔一齊出發，就永遠都唔會等到佢動身過黎
佢亦都話其實愈遲就愈唔想走，會放唔低份工（會升）同份糧（會加）