我覺得係尷尬位嚟，唔通到退休先走？
1個讚
其實話遲2年走，揾多2年走個d，好大機會係唔會走，因為通常人工會愈黎愈多，拖下拖下就又唔會走喇。
4個讚
2年又2年，大家唔同步就多機會生變
特別有時一個女人帶個細路嘅困難
太多啦 男嘅一年飛幾次過黎短住
可能幾年後仔女大 都慣左冇呀爸嘅生活
個阿媽又慣左一個人, 老豆又慣左一個人
我中左，分別係我有穩定工作，經濟支柱，佢無工作，未到離婚，但佢日日放負，完全係冷暴力，再咁落去我會痴線，我要求佢反去做野，揾返佢自己價值。
現實環境，心理情況未必人人一樣。
男人既自尊心同工作成就掛鈎，當佢自尊受損，可以變成抑鬱，性格全變
2個讚
絕對同意。我老公試過轉工俾人迫放garden leave, 我覺得好正，有糧出唔駛返工，之後有份新工等佢返，但係佢周身唔自在咁，覺得好似無左價值咁，所以我想像唔到佢真正無左份工會點，亦都因為咁，我帶小朋友走先，佢搵多幾年錢，心態調整好先過嚟
對香港人黎講返工就係一個保護網
好似唔返工就冇野做 一無所有
所以一直比個網包住都未必肯放棄去嘗試另一種生活模式
2個讚
價值觀非一朝一夕可以改變，又或者可以改變。走得既好多已經人到中年，有幾多中年男人願意改？
女同事，上年5月左右我地傾落腳，8月佢買左WARRINGTON，當時講到今年3-8月就走，之後又係我地既問題，老公份約綁住唔想賠，話等埋一齊走，計落依家仲有一年，就睇佢係咪同我一齊咁上下走到 
又有時…其實心理包袱呢家野好難攪…成日覺得…自己有返咁上下…ETC
我覺得背後其實都係個錢字。唔止香港人，普遍亞洲人都係重視錢，會想賺多啲，會儲錢。因為有錢先有安全感同有養家意識。外國人先會chill。
2個讚
國策影響，外國多數有比較好既退休保障，而香港無，乜都靠自己所以咩都係錢錢錢錢錢。
假設題，前排法國/德國都罷工，原因係延遲退休年齡(好似一兩年之間由60->63->65)，影響就係會遲左兩年拎退休金；如果延遲退休年齡響香港發生，應該打工仔無感，反正依家60歲之後都係返緊工。
我覺得要睇係邊度，例如美國其實退休睇醫生都好貴，英國NHS都排唔到，有病既就要多錢，如果你話健健康康無咩事咁就外國係幾好。
我睇英國好似都唔覺得有咩退休保障。
我覺得都係返返去其實香港人真係好鐘意錢同返工，我會覺得係culture問題。多過真係手停口停。(我自己感覺)
係香港你可以見到啲執紙皮既人但有幾層樓，但外國執紙皮係真係要執紙皮。
只係我身邊例子，識既澳洲人個個都覺得返part time租樓好正常，唔想返full time小左時間休息，但亞洲人一定諗返工點上位，做full time，有錢就快啲買樓買車。
2個讚
外國有退休金，亦有類似MPF既基金，
香港只有MPF。
有病要好多錢？touch Wood 唔想用呢d 福利，但朋友後生嘅有急病，佢話NHS 包哂，一蚊都唔使出，仲即時安排treatment。相反另一人一樣病，喺香港排到2029呀陰功。
我唔敢講英國醫療好好，我知嘅問題都唔少，但返香港退休養病嘅真係考慮清楚，可能有保險去私家會好d? 但老咗保費又會唔會好貴？
1個讚
當然無人想用，但老左正常都會多左病痛。
我有NHS，無睇過但聽local講排好耐。
香港私家貴但外國私家仲貴。
但例如英國，退左休個基金係每月大概幾錢？係睇你返工個陣供幾多定點work?
我剩係知澳洲有交稅，老左就有啲類似生果金既野。
只能講，兩害取其輕