小朋友五歲半，讀k2。剛係家長日見完幼稚園老師。老師評佢話在校期間都傾向自己玩，唔識同其他人相處。情緒易大起大落。常常咬牙切齒咁講嘢。有時嬲得滯會打那些令佢唔順心嘅物件，如踢唔到個波，會用拳頭揼個波，行路kick親，會揼對鞋。自己觀察小朋友應該係有啲嘢嘅。但未百分百肯定係自閉。亦清楚佢要學會社交，情緒管理。
有冇做過評估的人可介紹邊啲中心。
協康會。
我當年搵協康青蔥
協康會青蔥計劃，如果你屋企有方便到嘅家長資源中心，你可以問吓join，因為家長資源中心course比較平，你去協康會問吓
如果負擔得到、可去試下位於旺嘅Links
同埋試下揾一樣運動比小朋友長期做、類似遊水、溜冰、射箭之類（自己挑戰自己、同人比拼可能對佢有壓力）
八至十歲前都係黃金期、小朋友學識點疏導情緒，點都會有改善同進步。
學校老師有冇話可以比到乜野support, 我記得學校係可以比信去政府醫院CAC做評估、如果結果係有需要、可以安排到訓練。（唔記得個程序係點、有錯請指正。）
Aba 最有效但貴
唔一定，唔係個個都啱
如果係醒目又有社交，但唔識社交技巧同情緒控制嘅，未必適合ABA
協康會
2-6歲係黃金期，你小朋友都有少少遲啦，所以要快啲做評估先，協康會就算自費都要等個幾月先有得做，快啲預約左先啦
係可以嘅
同埋最近O 位講緊9月行第一層支援，如果有事可能可以叫O 位幫手寫轉介
最好學前階段開到file，因為上咗小學要開file就冇咁易
咁佢喺屋企係咪咁，平時有冇人同佢玩
同埋O I E S位都只係服務到6歲，樓主小朋友已經5歲半，可以用服務嘅時間唔多了，所以真係要盡快評估，轉介去排隊
其實好多小朋友都有相似嘅情況，首先可以排政府，搵學校填表評估再俾健康院寫醫生紙先可以交去評估中心。我小朋友係K1暑假排到K3下學期先做評估。另外都要排協康會私人評估，有需要可以盡快治療，長遠排到政府始終平啲。除此之外，家長要多了解小朋友，問下點解發脾氣，教小朋友舒發情緒，家長要加油
1個讚
係呀….所以而家最緊要升小之前可以開到file，因為升小之後就冇咁易轉介去做評估
1個讚
其實除咗協康，可以搵兒科醫生填form2
如果學校有社工，可以搵佢哋做轉介幫手遞表去社署
如果咁樣就可以唔使等CAC個評估，就可以排服務
如有錯請指正
1個讚
O 位只要 9 月開學前仲係 6 歲，排到就可以去到畢業
我小朋友係細 B，原本可以 5 歲 8 個月升讀小一，佢 4 歲多響NGO做評估，4 歲 8 個月開始有 O 位服務，然後 5 歲 8 個月無升小一重讀 K3，O 位服務去到畢業
社工講係可以申請extend多 1年，我都有聽過Repeat K3都可以用多1年到校服務，亦有聽過S位extend 1年先上小學
唔認同，ABA 教情緒控制好有用、社交都有教
我見我朋友個仔上完3個月冇改善，仲衰咗脾氣仲大咗，當然我知要長期上先有用
同埋我朋友個仔係醒嘅，佢形容入面啲小朋友係傻嘅，佢話同唔到個d小朋友溝通，又冇乜安排上小組，所以我唔覺得對社交有用
同埋我唔相信li個方法所以小朋友都適用
好像要排好耐
係吖，學校已轉介。要排到明年暑假學校轉社工，黎緊又要傾一轉先有得開file 。