係吖。諗緊外間機構做咗評估，睇吓份報告可否幫忙排到政府或學校某些服務咁囉
上面會員都寫咗好多意見，你可以去試吓，我唔再重複⋯⋯
平時你可以吓俾啲兒童集體活動佢玩，
例如：足球、籃球、 就算去公園玩，都係對佢好。
小時候我哋玩啲咩羣體活動，對佢都係有益嘅。
123紅綠燈、捉伊因、猜皇帝、跳飛機、爬馬騮架⋯⋯
唔好睇小呢類兒童遊戲，一班細路仔玩，係兒童社交技巧訓練。
多謝你的建議。我會帶小朋友多去玩。
希望拎到
有呀。不過嗌交同打架多。
分享下個人經驗：
K3發現小朋友坐唔定社交又有困難，本來幼稚園可以見EP，但因為疫情停課冇左。升小後來朋友介紹去左私人機構做初步評估，初步評係ASD，於是返學校搵SENCO請老師填評估表，再拎私人機構轉介信排政府智力中心評估，但排到一年半後
最後去私人機構做評估，再join私人speech therapy，半年後再join私人社交小組，上左一堂社工覺得佢係叻仔，就上高階社交小組。最後小三學校俾佢上社交小組，就停晒私人服務。小三中段終於排到智力中心評估，CP覺得似ADHD，而家再排政府兒童精神科。
我覺得而家小朋友社交係大有進步，起碼去公園玩唔會同其他小朋友鬧交，小學又冇被人排擠同都有好朋友。不過情緒控制仲係差啲，控制力較弱，等下學校仲可以有咩小組俾佢參加。佢都有打籃球隊等，從中又學下紀律。
其實坊間仲有個自閉症協會，都有好多家長講座同小朋友活動。你可以search FB睇吓
3個讚
ABA通常都係一對一，一班人嗰啲堂其實未必係ABA。坊間好多無牌自稱教ABA 既人，如果係有牌既導師（要有臨床實習經驗1000小時、考試合格率得六成），其實會幫每個小朋友設計一個獨一無二嘅個人學習計劃，用ABA 既theory教導， 用得其所，呢套其實係一套好有效幫助自閉症小朋友學習嘅方法
1個讚
請問可否分享哪裏有高階社交小組？
純討論
佢個問題係社交同情緒，一對一又如何實踐社交技巧同獲得社交經驗？
我見我經朋友同個導師講小朋友嘅問題想佢哋跟進，但導師指要處理咗認知先，但我朋友個仔IQ都有110以上，所以唔明點解要處理認知
而我哋見到小朋友未上ABA之前喺幼稚園嘅情緒係漸趨穩定，反而上咗ABA之後經常喺幼稚園情緒失控、大叫、掉嘢出手打老師同小朋友，但當佢平靜落嚟其實佢係知點做，但控制唔到
1:1 係教咗察覺同埋觀察同埋控制自己啲情緒同埋社交技巧先，真正實踐就要入小組。同埋IQ有110 ，唔代表認知上跟到同齡嘅程度，同埋咁細個其實根本都做唔到IQ Test。當一個人嘅習慣開始被改變，初時會係抗拒同埋嚴重咗，只要跨越左呢一個高峰期，抗拒同爆發嘅次數就會慢慢減少，呢一個高峰期可能維持一個月或者以上，以我理解， ABA係做半年以上先至真正見到效果。
我見佢老師話佢認知跟到同齡，比同齡更好，但社交同情緒就係需要關注嘅部份
因為我識我朋友個仔嘅社工，社工都有讀過ABA，亦都有喺好出名個間ABA度做過導師，大家一致認為唔適合我朋友個仔，可能我同社工朋友都係buy人本理論
不過朋友話要俾個仔去，我哋都有同佢講至少要一年先可能見效
可能佢返得三個月，正正就係遇到你講嘅高峰期，所以爆得咁勁