-
半夜由華富邨去藍田，竟然行薄扶林道行東隧，問佢點解行薄扶林道，佢話香港仔隧道塞車，（半夜香港仔隧道塞車)吹漲！
-
由牛頭角地鐵站附近搭的士去藍田，一上車落旗就話咁短途點解唔搭地鐵，又話最憎呢啲短途客，全程哦到落車
-
詐詐諦諦找少錢或者找其他地方嘅貨幣
好多好多
有次葵芳去黃埔，兜去擎天半島然後入佐敦？？？？
問佢點解唔行去油麻地嗰邊入，佢話佢識路，咁樣係最快，我地唔揸車唔識咁多喎，一定係咁啦 
1個讚
帶個女去補習，等左小巴20分鐘都唔見
見到的士就上喇，上到去明顯唔滿意咁近
香港腳發作咁，「作」到仆街
唔係帶住個女我一定問候下佢對死人香港腳！
我知近，但係帶小朋友行唔到既距離
而且唔係等到差唔多遲到都唔坐的士
你估我好想坐你
2個讚
港島入機場嫌遠趕唔切交更，
全程eeoo。
（我地唔介意等下一架的士，唔好上左車先俾說話我地聽）
疫情下搭短途的士，
又係起標後先俾說話我聽，講到明，如果唔係疫情生意差，一定唔接我呢啲短途客。
另一次搭短途的，
揸得慢、隔離電車快過的士都算，
佢係綠燈嘅路口前停車等紅燈（都等左半分鐘先轉燈）。
同老人家同行有如貼左一道符，
好多的士司機會睇我哋唔到、唔停車。
3個讚
大住肚剛剛向醫院行出嚟就落雨，見有的士就即刻跳上車
唔知係咪短程車個dc9已經唔多Nike，問我行邊條路，我話直行佢係咁就話直行塞車，話轉彎快啲，無視我就轉左彎
點知轉彎要兜個大圈，果度要比多廿三十蚊，行到一半我就話你咁行遠咗喎，之後個dc9就開始鬧我，出面落住大雨仲叫我落車，我話我唔會落，你一定要車到我去目的地
到目的地，我照錶比錢，佢找錢仲用啲錢掟落後面話收少番我廿蚊
我真係勁嬲，我𢴇番果廿蚊，掟番比佢同佢講：「廿蚊比你睇醫生呀，死x街」，之後我就落車
唔係大住個肚，我諗我小7佢好耐
9個讚
以前住黃埔冇地鐵，每次由尖沙咀返屋企截的士一係直接拒截，一係話唔識路，成功上車多數比人問侯
終於等到地鐵通車同的士say goodbye
5個讚
帶住小朋友，全程Chok到架車就嘔，一落車佢即刻趕住去死咁好快關門，度門啪一聲撞咗落我小朋友個頭，個司機望一望即飛車走。有時嫌短程就唉唉聲e e or or 俾說話我聽。 我非緊急必要都唔會再坐的士，真係大部分都好黑人憎，貼錢買難受。
2個讚
趕時間永遠無車，早半個鐘call 車都無車，樓下長龍無止境咁等，個種心急同絕望永遠都記得。
一跳上車即賴皮唔識去都試過，前面擺左google map都話唔識真係好野！
2個讚
都遇過唔好的士佬，又係兜遠少少路，架車chor chor下，但又未去到同佢嘈，亦唔想係車廂同佢嘈，會改口提前一兩個街口落車。
大肚婆都蝦真係pk
4個讚
至憎坐的士，態度差不特只，仲污糟夾臭
1個讚
大肚時作小產，11pm左右落樓下截的士由大埔去威爾斯急症室
俾紅的佬話我應該要截綠的，話佢等左好耐要出九龍
佢唔肯開車，惟有衝落車再截綠的
因為一心諗住出沙田已經要截紅的，但唔知原來綠的都可以去到威爾斯，不過我夜麻麻截得的士去急症室，都唔會係好野啦
4個讚
有一次，個的士司機前有好多部電話，（五部以上）
總之上車後，司機就不停傾，最後到左話無落旗，跟住話
車錢約數，因為路程短，所以算，但真無奈，而且覺得好危險
1個讚
仲有一個女人仔拖住幾個小朋友，佢地都好似時運高咁睇唔到。
4個讚
勁陰公
1個讚
有輪椅真係10部有9部車D 司機係睇唔到你嫁… 隻手伸到斷佢都照係你前面過
4個讚
我多數都用app call的士，除咗有啲司機揸得好chok之外我又無覺得佢哋好差。我試過一次call的士佢揸得好chok，我負評佢，仲有人打返黎跟進。
3個讚
咁我好好彩，冇遇過仆街dc狗。
最近一次，試過個司機行錯路，佢主動出聲話唔好意思，行錯左兜遠左，落車主動減10蚊
2個讚
我又無遇過啲好衰態度嘅… 不過擔心自己安危, 特別是今年都試過2次…
有時啲司機年紀真係太大啦… 好似2日前, 我自己同仔仔搭, 個司機好似係聽同睇都唔清, 差啲比另一架車撞到 
但呢啲有時唔上到車又唔知. 但總之成程車提心吊膽, 不停諗住想落車
1個讚
紅的應該可以去
無話一定要綠的
佢只係想去九龍O者
(a) 市區的士 (紅色的士) 可在香港任何地區行走 (東涌道及南大嶼山的道路除外)。
的士經營範圍
1個讚