嗰時剛剛有uber taxi,有promo,咁就叫啦
CALL咗之後,個司機打嚟,死都要我講路線,開頭我都唔想講,佢又堅持問,我就答咗佢,荔枝角去荃灣
然後我就等佢過嚟,點知睇個app佢一直唔郁,開頭我唔知咩事,以為佢停燈位,點知一等等咗十幾分鐘,佢都係唔郁,大佬我一家大細喺條街呆等
結果我唯有CANCEL再叫過第二部
後來我先諗到佢想我主動CANCEL張單,我真係嬲到震
我有投訴,但唔記得後續啦
總之的士佬真係好乞人憎,雖然間唔時有啲好嘅,但都係衰嘅多
6個讚
之前call 同路人的士
很好
可惜唔係成日落到
1個讚
有次坐短程，個司機係咁講粗口鬧話咁短程，由上車鬧到落車，如果唔係同老人家一齊，我一早鬧到佢pk.
又試過落大雨，同小朋友一齊，等咗好耐先有的士，一上車聽到話過海，佢話唔識路過海叫我地落車。
1個讚
態度咁差
1個讚
多年前考會考, 幾個同學約埋一齊搭的士去考場,
的士司機知我地係會考生, 同我地吹水,
點知講講下, 佢話, 我個仔上年都考會考, 不過衰左, 今年再考, 所以你地唔駛怕架,
我地靜左, 冇再理佢, 落車後先敢爆個司機,
touchwood我地都考得唔錯
1個讚
N年前，半夜响美麗華門口截的士，截咗架經過嘅，唔係冚旗等客嗰啲。上咗車同司機講去圓方，個司機話唔識去，我心諗一定係嫌我近，兼且上到圓方冇客出返嚟。
我：你咪唔去？
司機：我唔識路，你上過第二架啦
我：咁你係咪拒載？
司機：我唔識去吖嘛
我：咁呀，你車我去對面間警署
司機：洗唔洗呀
我：我識路，我帶路
跟住個司機响walkie同啲friend講我啦，又係咁chok架車，最後車到我去圓方
另一單
第一日拎新車，panamera 4S，要去土瓜灣，泊街位。撞啱的士交更，咁我第一次揸架車，泊位梗係要小心啲慢啲。泊完之後，响前面嘅的士佬行過嚟話 「唔識揸車就唔好揸咁大架車啦」
嬲到我 
1個讚
哈哈，你形容得真係貼切，
腦海即刻浮現左好多屋企老人家在生時截的士嘅話面！
1個讚
由愉景新城上山去港安醫院, 一上車已經比說話我聽. 後來我講電話講到睇病嗰位好嚴重要趕去見佢, 佢先至無再留難我.
我地好怕坐的士, 包括我父母.
1個讚
Lock 住度門，唔俾我落車。因為佢唔聽我講，行錯路，我指正返佢，佢態度好忟，跟住我又好嬲掟啲錢俾佢，佢話我侮辱佢，lock 門唔俾我落車，話要車我去差館
我最後係報咗警嘅，咁當然我結果係不了了之啦
1個讚
我都試過，個肚下個月就生得，拎住外賣拖住大女搭的士，街尾上車，佢係咁鬧鬧到我喺街頭落車，原因係佢話我啲外賣會整污糟佢架車
3個讚
DC9真係抵俾人鬧，你日日吉車冇客咪冇人會整污糟你架車囉
7個讚
學揸車先知道路上的DC9都好仆街
上落客霸住半條路，唔會理後面條車龍，等自己最快駛走
自私到無人有
1個讚
係喎~ 恰大肚婆 d pk 實有報應架
1個讚
大肚時在養和門口搭的士，想去黃大仙，上咗車司機話車你去最近地鐵個位啦！結果去到跑馬地電車總站放低我
果時個肚好大雖然嬲但廢事同佢嘈，照俾錢落車。好痴線咯其實行都行到去啦電車站，咁就俾咗廿幾蚊
1個讚
當年大肚剛抽完羊胎水，搭長途的士返屋企，個司機chok 到爆，好聲好氣同佢講我剛做左小手術，點知佢不斷追尾同踩 brake，好似坐過山車
另一次半夜由醫院走，好眼瞓，關門時車門夾到鞋彈返開，個司機好開心甘問我痛唔痛，知道真相後個樣好失望
1個讚
嘩咁賤格??? 呢d 人恰大肚婆一定有報應
3個讚
我少搭的士
要講勞氣只有1單
不過我男朋友勞氣
當時港島坐的士，我都唔太記得路程係點
上車無耐，司機串串貢話唔識路
(我估短途唔上載我哋掛？)
司機車上當然有google map
我男朋友直頭已火火哋，因司機態度唔好
教埋司機點行
最後到目的地，的士車資40頭元，忘了42？43咁
司機無意識找錢
我哋唔落車
男朋友開聲叫佢找錢
仲好意思反問我哋「你哋想找錢㗎？」
1個讚
新鮮滾熱辣琴晚因為車資找續問題同司機嘈咗幾句然後佢突然停車落嚟開我車門，強行搶我手上既銀紙，再扯我個人落車搞到我失平平衡跌落地，擦損咗我手部皮膚，有街坊幫我報警再分開我地直到警察黎到佢就即改話係我車上面打佢所以我落車防衛自己喎。
坐程的士都比人告公眾地方打鬥，DC9真係好癲
What??? 痴線。的士入面正常佢都有車Cam
個的士司機咁癲。
最後有無去醫院？你有無事啊？
1個讚
所以我只會叫 Uber Taxi, 和 credit card 俾錢。
無得玩嘢講唔識路。
截街車容易中 DC9