大家會蝕賣自住樓，拎返錢移民?
A. 會蝕賣，拎錢移民
B. 唔會蝕賣，會移民
C. 唔會蝕賣，唔會移民
B
其實算搬屋(回流)多過移民. 將來都會返香港.
A啦，我朋友本身有錢，都將所有樓蝕賣哂，佢有8層，帳面唔知佢蝕幾多了。
有8層樓都蝕，早年買落正常都賺錢，佢手上啲貨都好蟹吓
5個讚
識有多過一層樓的人冇人賣晒樓移居
係喎我冇諗過呢點添
1個讚
唔係蝕, 係袋少左啫
5個讚
心水清 
可能只係近排放賣果D蝕
有冇平手？
正路入肉嘅機會應該唔係好多
而家係 B
不過想賣，暫時收住租先
煩裝修
唔想賣，但係租出去又有稅務問題，好煩
唔賣的話去到外國是否要租屋
如果越跌越有，會唔會早d賣比較好
起碼而家只係蝕少少或者賺少左，再遲d就再蝕多d或者平手，老實講支持樓市嘅2大基本因素都冇，人同錢，都離開緊香港，都未計來緊明日大嶼同北部都會區，未賣嘅新樓都仲有8萬個，對前景又冇信心，真係睇唔到有反彈嘅可能
衰d講，就算人唔走，都要考慮將香港嘅樓換貨，港樓而家風險高回報低
1個讚
好多人移民唔肯蝕賣、覺得仲會升返、接受不到從高位跌落。
其實、如一層樓只買左2 年、要蝕150才賣得出、咁其實佢賣左後係咪仲要拿過百萬出來還比銀行？
負資產先要
1個讚
正常買樓嘅時候都有付首期。
但近年新樓銷售手法層出不窮，都唔可以一概而論。
賣出價 減去 貸款額 嘅 剩餘，如果係正數就有錢收，負數就必須填補差價。
因為提早贖回按揭貸款，銀行會收取手續費，
三年內賣樓，稅局也要收額外印花稅。
唔確定是否需要律師事務所代辦報稅，如果要，又要多一樣手續費。
1個讚
如果覺得仲會升返，我諗都唔使移民啦，自己都對前景冇信心，個市場都一樣架咋，就好似股票咁，要識止蝕
我覺得係要睇佢買入價係幾錢。
我係外國都有間屋，我自己無住同都唔係好賺錢，仲要交稅交管理費，我都唔想賣，諗住兩邊都有地方，有咩事想住邊都得。我諗香港同理啦。