放租又要搵agent打理
係
但頭1-2年多數都係租
1個讚
投資出發我都覺係
唔蝕賣，留個地方可以第日返黎探親住
不過唔係FULL PAY樓又要預筆錢供
1個讚
如果係我，會揀B
但都要睇層樓係咪仲供緊，唔賣去到外國仲有冇能力應付供樓+外國生活開支。唔夠銀彈嘅話，蝕都要賣
但1-2 年後先賣、個價應該仲差。收租又要比外國稅。人不在港賣樓、個價比市價低。
加上不是full pay , 即要供樓+比管理公司費用打理+ 出租稅+ 差响地稅管理費、外國生活開支！sure 搞得掂？
如果供起左又錢多都可以冇乜所謂，但未供起就多左份支出，會唔會即時止蝕，等日後真正有需要先再買入仲好啦，冇人會攬住舊明知會跌嘅資產，除非覺得蝕哂都冇所謂
港樓我覺得會以每年2成速度跌，大陸人冇錢來買，香港人又冇哂歸屬感加唔睇好前景唔買，對樓demand最大嘅一班移民又走左d，投資者又唔會考慮，冇人承托就只有跌，2年後收返嘅錢只會更少
一黎啦，如果真係兩邊開支負擔唔到會止蝕。
但都要諗下係咪一世唔會再係香港有住屋需求。去咗外國返黎想再買就未必借到錢再買。租樓無入息又未必租到。但如果好肯定唔會想返香港住咁賣都正路。
同我覺得四五百萬買既樓跌極有個普，就算日本泰國樓都要呢個價啦。你話千萬既樓就賣，有cash遲啲最差都只係買細啲。
我係識人三百萬度買左屯門，佢移民個陣無賣，放租俾人。我只知佢移個陣層樓係仲賺百幾萬既，之後就唔知啦。
我自己外國層樓應該有蝕，同唔似會升，但係外國啲valuation無咁透明，我無keep住check，我買個陣唔貴對比香港，如果賣又要交稅，所以我無賣。
有需求但唔一定要keep，到第日真係返香港個時先再買，今日低位，明日高位，四五萬細價樓理論上係會穩陣d，但當買呢個價位嘅人都可以低門檻移民嘅時候，其實諗深一層係冇咩承接力，賣樓最可怕唔係俾人劈價，係連睇樓嘅人都冇
我唔知你買邊度外國樓，英國為例我覺得樓價資訊幾透明，過往成交，幾時market過，market時狀態都好輕易搵到，連同一個postcode嘅成交都搵到，so far睇大城市條樓價線都係向上，表現比香港仲好，加拿大都有同樣情況，美國我睇youtuber講就要識揀位置，不過我有親戚住美國2線城市一樣話要搶樓，不過買外國樓就好睇城市，買岩城市可以係好好嘅投資，但買錯真係可以成世都唔升仲要跌
細價單座都一樣跌緊，我指香港
當然有錢唔至在又唔同
我係買左係melbourne既，但唔係house。我買個陣都唔係諗住炒既，我係諗住退休想去其他國家都有得揀，所以都無係咁留意樓價。但之前睇就唔覺有升。
香港啲樓係去銀行上網就valuate到，但澳洲佢都有啲trend同附近成交，但就唔係exactly我間屋。
澳洲就差d嘅，因為2手樓只限本地人，同埋邊度都係，house一定係升值最好，其他嘅都麻麻，你不妨諗下換貨，就算自住都好，都唔可以唔諗投資價值
香港就更加，一座大廈幾十件貨，件件貨都一樣質素(景觀座向)，同一時間幾十個盤擲出來，個價唔夠低根本連睇嘅人都冇，唔似外國house，每間都係unique，隔一間屋景觀座向就唔同左
香港地，大家全副身家就響間屋
講真自住果間，點蝕都應該賺左住掛
係，但我長期唔自己打理house好麻煩，同買house一係自己起一係要bid，價錢都爭好遠。我志在有個地方，都應該唔會換貨啦。個cost都大。
如果仲係香港住緊都可以叫賺左住，但人走左個d就冇咩必要keep，親仲值d錢就拿拿聲擲左佢
1個讚
如果真係移民 蝕少少都賣 因為怕麻煩 放租又交稅又剩 息口又上升 放租未必夠cover 供嗰筆錢
人又去咗外國 工資可能得一半甚至更少 但仲keep住有香港層樓嘅支出的話 壓力好大
1個讚
正確，賺左住係講賺左之前響香港住咋
之前個d已經過冇野好講，而家個重點係之後
及利息高企中、樓又跌、收租回報率低下不少人寧願放錢做定期算了
1個讚