咁我都有識過呢種人，有莫名其妙優越感，幻想人地當佢假想敵，其實大家只係差唔多，呢種又係好難頂。
2個讚
以前覺得自己有真心fd, 大左先發現其實係冇。
有段時間諗唔明點解佢變到咁假咁虛偽，原來佢一直都係咁，只係自己細個on dog dog唔識睇人，我只係佢放負既垃圾桶，佢生活如意開心係唔會聯絡我或約見面。而家我都好小主動搵佢，因為佢想放負時必會出現。
1個讚
近排仲有其他事令我覺得佢無當我真心朋友。就係佢只會搵我攝時間而唔係真心想見面。
佢成日都whatsapp我同我講我哋應該多啲見面，起碼一個月一次，但有好幾次都last min放飛機。對上一次話黎我屋企，成個月前約好，我都執埋屋，見面前30分鐘先話唔黎，無俾原因，我都廢事問。
仲要佢呢排平日放假，話如果我都放假就見面，但正常要返工都係星期六日先見到啦，點會專登請假就佢放假。仲要我問佢係咪好忙又話唔係。
不過宜家get over左，先唔聯絡咁密，廢事越諗自己仲有hard feeling。
自己珍惜朋友先會抽時間同遷就對方
對方唔係咁諗，自己都要調整心態，盡量對等，唔好令自己失望
我果位朋友識於微時，小時間大家背景相若，所以真係好好感情
長大後，各有生活，佢生活亦頗順利。大家價值觀開始走遠，佢亦時時口不對心
我地其中一個朋友話果位朋友冇變過，一直都係咁，只係佢以前會較隱藏
而加我都放開左，我地都會聯絡會傾計，只係叫自己唔好太上心
1個讚
明白你覺得無左個朋友既失落 
但有時人同人既緣份好奇妙… 或者你疏遠左呢個朋友, 多出黎既時間就識左另一個真正既知心朋友 
我都好信緣份, 人生有好多過路人
岩傾就傾多點 
2個讚
其實呢個朋友可以唔聯絡了
鍾意比較已經黑人憎，仲要加埋放飛機，再同佢做朋友真係嘥晒自己啲時間
4個讚
同埋比人zip時間
我識一個係咁，不過唔係zip我
人大左都仲係咁，佢都唔好怪自己冇朋友lu
1個讚
我真心朋友多。但我一向只係抱著真心對人、寧缺勿濫、話不投機半句多。啱就keep, no 就bye bye
2個讚
前排我都斷聯咗一個由細玩到大，大家知大家底細（大家咁高咁大）嘅「朋友」。
原來有啲人就係咁憎人富貴厭人貧，有錢過佢嘅就話嗰啲人好扮嘢，窮過佢嘅就睇唔起人，同佢差唔多嘅就搵嘢嚟比較、覺得自己識嘢多，高級過你。
又公主病，咩都要其他人遷就。
係呀，仲要其實我對佢真係唔差，先覺得點解佢會咁做。之前佢黎我屋企，我老公專登買啲靚野食等我哋可以一齊食。佢生日我都有準備好既生日禮物俾佢。覺得真係付出唔成正比。
我個fd一定唔係公主但都真係幾公主病，我大肚同佢行街，個間店我無咩嘢啱，佢叫我幫佢排試衫條隊然後佢去睇下有咩野啱，之後仲要試左勁耐，我心諗叫個大肚婆企咁耐，然後行完呢間鋪就走。真係近幾次同佢接觸都有唔好經歷，仲有其他例子都未講。 
我嗰個所謂朋友，陪佢買嘢耐一耐，個幾兩個鐘，岸居居等佢就得，調返轉頭就黑面，已經係上網睇啱入鋪拎咗去比錢，十分鐘都唔知有冇。
試過有次年三十晚嗰啲時間，配咗眼鏡嗰日去拎，陪完佢買呢樣嗰樣，搞咗好耐，諗住拎埋眼鏡去食飯，點知間鋪收咗，新年休幾日冇得拎
1個讚
我都係，所以我冇一d自私或者奇怪嘅朋友，真心朋友都多。
同埋做得朋友嘅，我就唔會講佢壞話或者喺度猜度佢。
我覺得呢啲嘢係雙向，你要人哋對你好，你自己都要對人好。當你喺度講緊佢壞話嗰陣，其實你都已經唔當佢係朋友，咁不如唔好再做朋友。
曾經我都好簡單地覺得朋友之間好簡單好真. 但有幾個中學成日一齊玩的同學, 到大學都有見面, 直到畢業後突然一個個消失. 佢地唔係淨係避我, 係避晒全部中學同學, ignore所有共同朋友的聯絡. 自此我發覺原來曾經好friend的可以咁兒嬉.
1個讚
係，我試過唔少次，可能係我自己將人哋當係好朋友，但人哋唔係咁諗，而家將呢啲時間，留返俾屋企人好過。
2個讚
仲以為會放負傾心事先係真朋友、風花雪月先係豬朋狗友
1個讚
係、米浪費時間。及我不需要朋友讚或欣賞我。唔知點解有d 人好需要呢類朋友、eg 我阿媽但呢類人既人最假、out!
及曾經返教會、有個女仔不停煮野食比人、喜歡被人讚、又話記得每一個人生日、sorry 我唔會讚你的！out!
要煮野食不用show off, 我其中一個best frd 成日上我屋企煮、我地仲一齊去買餸、佢煮野好有天份、我向佢學習、呢d 先係我要既朋友
2個讚
我同個fd 以前都有一齊煮野食（bb 班，甜品，章魚燒之類）不過就好似拍拖咁，變左就變咗架啦。
宜家我都無hard feeling。就當佢係朋友中既ex咁啦。
嗰個女仔，係唔係想識男朋友啊？
討好啲年長嘅教友，希望佢哋介紹男仔比佢識？