其實係大家都咁上下level架咋，但例如你去五星級酒店結婚，佢會比較唔想差過你咁。但我覺得你暗地裏比未得囉，唔使話返我知。
我就父母+老公。
我同異性朋友比較熟某程度上係這個原因. 對住佢地我放心講自己情況同睇法, 少左同性之間的猜疑.
2個讚
我有個朋友成日話佢d同輩或同事要同佢比較
之後就話身邊好多人都好唔抵得佢過得好
其實根本就係佢自己好鍾意同人比較
仲要成日想踩低人哋抬高自己
2個讚
咁我既具心朋友真係乜都講得，又無比較。
大家背景唔同無需要比
2個讚
其實乜都要比一餐真係好無謂
4個讚
我以前都係鐘意同異性fd，同埋有啲女仔朋友都幾公主病，唔想就佢。但結咗婚，老公介意就廢事。
1個讚
如果乜都要比較就好煩
咁不如唔好來往算
反正都唔見得呢d係真心朋友
其實我d朋友又冇表示過d咩
只係我覺得作為朋友
即使佢冇講，自己都要識顧及人哋感受
2個讚
我熟嗰啲都係讀書時識落, 老公嗰時都見過或一齊玩過. 工作後識嗰啲冇個可以熟到.
1個讚
真，呢d 真係同佢social 都曬自己時間。同埋講嘢有骨，你串下我我又會想串番你，谷住道氣，為咩呀，人際關係都要斷捨離。
1個讚
正常係…
但兩邊都有人會polly sum 或者講嘢over曬
我係真心朋友比較多，唔真心果啲一早已經唔再做朋友
但當中有一個朋友都係鍾意比較，成日都想人有佢有，樣樣嘢都想食好著好，比人覺得佢生活好好，但實際佢家庭收入根本比唔到佢過呢啲優質生活
開始覺得佢心理有啲唔平衡，見朋友屋企成日family day，佢又想個老公配合自己多啲family day，但佢老公就係唔鍾意湊細路嘅人，結果好硬夾捉佢老公出去然後影啲懶開心嘅想放上fb比人睇
佢又覺得自己個小朋友係天才，比勁多補習個小朋友，終於入到一間幾好嘅學校
但其實小朋友資質就好普通，入到去間學校成績極差，係全級尾幾，佢仲未死心，仲向度話已經比好多補習小朋友，問仲可以點幫佢
我哋班朋友都老實咁講，其實小朋友跟唔上不如轉過第二間學校，啲說話唔啱聽佢即刻扮聽唔到咁唔出聲，佢心入面仲覺得自己小朋友係叻仔
仲有好多物質上嘅嘢都未講，有時都覺得戥佢辛苦，樣樣嘢都要攞嚟比較，攪到自己辛苦，屋企人都陪佢受罪
1個讚
佢哋仲會幫身邊嘅人分hierarchy
第一層係啲人向佢上面嘅，佢說話時就會謙虛啲，但無意間都會話你知雖然唔及你，但生活都唔差
第二層就係佢覺得同你生活質素差唔多，所以樣樣野都要比吓係邊個好啲
最底層就係佢覺得向自己下面嘅人，講說話就明示暗示佢生活好過你，想你羨慕/妒忌佢
樓主同佢朋友就係第二層
2個讚
你點feel到嘅？
唔係feel到，佢老公講架，佢老公會同另一個朋友嘅老公呻佢老婆啲嘢
因為佢係連自己老公都要同人哋老公比較，話邊個邊個個老公好好，又會幫手湊小朋友，又會抽時間family day，叫個老公學下人哋咁
1個讚
識得有個人正正係d咁嘅人
佢都有將唔同人分hierarchy
佢永遠唔會同d勁過佢好多嘅人比
只會成日都要同第二層或最底層比較, 佢可能只係比佢哋過得好dd
但就有種要將人哋比下去嘅心態
之後就成日覺得好多人都要同佢比但又唔夠佢好, 而且唔抵得佢過得好
1個讚
記得好多年前有個朋友講咗句說話去同我比較大家嘅工作
我同佢講, 大家根本唔同行業, 點可以咁去比較?
之後佢明顯冇咗呢個比較嘅心態
所以我覺得好多野都係雙向
如果得一個人鍾意比較, 但另一個人冇乜反應
比比下佢都覺得冇咩意思
但如果兩個都有鍾意比較嘅心態
大家不斷鬥搵野去比嚟比去, 乜都要比下邊個好d
幾好朋友都好難keep到落去
3個讚
佢老公可能心想。‘你咪嫁比佢囉’
fresh grad後同學聚會,
都係分享下大家做邊行, 係邊度返工, 又會呻下食飯好貴, 又要排隊etc,
有個人咦咦哦哦唔肯講邊區返工, 後來終於講左係A區, 平時佢fb都好少講公事,
幾年後佢應該轉左工, 係一個幾decent地區返工, 就日日出story (返工lu, 嘩, 個view好靚),
然後我地其他人先get到佢原來好自卑自己唔係所謂decent地區返工,
其實其他同學大把係唔同地區返工, 都唔會好似佢咁
證明佢仲係自卑
先要咁做
1個讚