人越大發覺朋友會想你過得好但唔想你過得比佢好，好多比較。
有個自己都覺得幾fd既朋友，發覺佢成日有意無意鐘意比較。明明自己無咩錢但鐘意講到幾十萬去生仔都好平好抵。但其實佢拎唔出錢。
佢會比較我結婚洗幾錢，佢結婚洗幾錢。利申，我無興趣知佢結婚用幾錢。佢主動黎問我，然後要專登話我知佢洗幾錢。我仲以為佢真心唔知budget要問我。
諗緊好似得老公同媽咪係可以似朋友咁傾到計但又唔會唔抵得你過得好。
你哋又有冇真心朋友定朋友都鐘意同你比？
我4張，仔讀小學，可能同你背景唔一樣。
我剛畢業時仲會有可以無所不談嘅「真心朋友」，但隨著年紀漸大同埋圈子唔同，已經無晒呢啲朋友。
19之後更明顯，我想講嘅嘢佢哋唔想傾（可能怕比人拉？），我直程放棄佢哋。
好彩我身邊無人鐘意比較，若你覺得佢葡萄你，比著我就會唔講呢啲，盡量轉移話題。
2個讚
真心當你係朋友唔會比較，呢個好明顯唔當你真係friend
2個讚
我無主動同佢講，係佢之前驚結唔成婚，搵過我傾，我仲開解佢。然後佢宜家firm結婚，就主動問我個陣洗幾錢，想比較下，點知發現佢自己想曬，一朝得志語無倫次。
本身係好小事，但我覺得我認真答佢蠢左。
係呀，但識左十幾年，近排越嚟越變質，感覺可惜。
其實幾好朋友都係要保持距離，先至會長久。
8個讚
我嘅理解係其實大部分人都怕選擇錯/錯失機會，所以佢要透過不停同身邊人比較去確認自己揀啱路。如果佢發現自己生活較好，就會叻唔切咁指指點點。相反，佢會對生活較好嘅人會酸言酸語，去保護自尊心
4個讚
係個朋友既性格問題, 唔關人年紀大/細事。
我都有個算係真心既朋友鍾意比較 & 認叻, 就算我自己阿媽都係呢啲格… 我好過佢, 佢會有啲唔抵得 feel 
其實都無乜野, 知佢地介意咪講少啲物質 / 價錢上既野…
而我身邊仲有好多完全無比較心既朋友, 經濟比我好/差既都有, 而都會傾到日常洗費既話題, 唔會有 hard feeling 
3個讚
人性係咁
2個讚
本身想串佢，不過算，好黎好去廢事搞到咁核突。
係，宜家完全唔想分享
係咁架，唔好太介懷唔同人識既人都唔同，
受影響都有分別，每個人都會變睇下佢會
變幾多。
1個讚
呢句真係至理名言
5個讚
所以話唔同朋友有唔同topic
幾時都要避重就輕
乜嘢都受嘅朋友，我估好難搵
1個讚
真正朋友見到佢過得好, 會好替佢開心。我身邊都有朋友經濟比我好, 我好鍾意同佢地傾計, 我覺得擴濶左我眼界。我同老公都一般打工仔, 佢地既世界係我好難接觸到 
2個讚
我自問朋友都算幾多，真心朋友一定係有，大家經濟背景差唔多，家庭都尚算美滿，所以好似少d 比較唔抵得。
會比較既朋友亦有，有個本身讀書叻過我，但係畢業番工同結婚後我生活應該好佢頗多，跟住佢會成日比較同暗串？講嘢有骨？而家已經退到去2線，我好少同佢講私事。
2個讚
總會有嘅，成世人流流長，我有啲朋友係大家做完媽媽後先發現價值觀係咁夾，咁啱傾，當中有啲感情好到比家人更親密，希望你都會遇到，而當你遇到後，會慢慢發現自己已經唔再在意靠比較去令自己自我感覺良好嘅「朋友」喇
6個讚
我都遇到呢啲朋友 以前會覺得人大左好難識朋友, 但而家覺得其實仲有好多機會識朋友 (例如小朋友既媽媽咁)。又有啲係讀書時識, 但一班人玩無特別 close, 大家做左媽媽後變到勁 close 
我覺得仲啱傾過自己個妹 
4個讚
我都希望之後識下小朋友既媽媽。唔想只係同老公同媽咪講到真心話，圈子好細咁。
我以前都覺得我同個個fd 好似妹咁fd。成日去旅行。不過算，宜家保持下距離先。可能大家結婚之後放大家既地位都唔係以前一樣。
窮L一個，無野好比
但唔覺朋友會搵D比我強/多/貴，可能知道我唔識欣賞呱 
定係比左我無感 
點都好，朋友相處都係要舒服唔洗左諗右諗，但凡講句野都要就下佢感受既一般唔會再聯絡。