呢個真係一個好好嘅提醒，我地以前喺香港會成日一家人踩吓單車咁，有時佢喺屋企都會拉吓繩咁，嚟到真係冇見佢做過運動，不過估佢放工返到嚟都應該攰到唔想做運動
之前有輕輕佢提過想做gym，不過最後都冇去到，或者要鼓勵下佢去啦
我都借個位呻下
3月時老公心情好差，直頭panic attack，想走，但我同佢有約在身最快都要8/2024先唔洗賠，舊錢都大佢都唔想咁樣蝕俾公司，所以就target左10/2024起行。
但佢panic attack既情況近兩星期又出現，個人完全無動力，野又唔食，佢自己走去做下d anxiety test，建議佢去counseling，佢話講既野會被篤，因為好多counsel係藍/紅。
我都同佢傾過不如提早啦，我地今年唔放annual都早到一個月完約，雖然唔係早好多，佢又唔想。
咁又唔得 咁又唔得 我都無計可施。
為d好實際既野煩易搞，為d無得處理既事焦慮，社會環境，周地大劣人呀，日日角安法，我都提佢唔好睇新聞，日日佢返到屋企我都係開下膠戰 error之類等佢輕鬆唔好睇新聞，但其他時候佢又走去睇 
1個讚
多謝你呀
係呀，我地係賣咗香港樓過嚟full pay買樓嘅，雖然買完樓淨返唔多錢，但係有份工做的話，經濟都都還可以，就算最低工資都可以cover到日常支出
因為一直以來都係full time mum, 嚟到呢度都係full time mum, 可能係咁我的確係比較上易適應呢度，加上我又好鍾意呢度，而佢又要面對新嘅工作環境，新嘅語言環境，我真係好明白佢嘅困難同挑戰，或者你講得啱，樽鹽問題
之不過，要崩潰的話，我諗我不知所措唔係因為移民呢件事，而係因為佢
走左唔係好耐? 我估頭果一, 兩年應該都仲係陣痛期…
睇完你post, 我都反思緊
我都係想走，老公唔想。但我不斷同佢分析，當然我覺得係分析，老公覺得係施壓
雖然老公讓左步，但我心底都好怕佢去到英國會適應唔到，情緒出問題，令家庭出問題
到時我唔知道自己有幾強大可以面對這些可能會發生既問題
有JM講得好岩，你都係一個女人離鄉別井帶住細路，所以你都唔好將所有問題放在自己身上，你都要好好照顧自己 
1個讚
首先俾個攬攬你先
呢part你做得好好呀，係要搵啲簡單嘅書入手。你有無帶佢去圖書館俾佢自己揀下？又或者搵下打機topic嘅書引下佢？我仔都會睇Minecraft個啲打機書。仲有一啲英文漫畫，有本叫Bunny vs Moneky, 我仔係圖書館借過後就reserve埋同系列，佢話好搞笑
仲有你話會同佢讀呢個方法好好
keep住做，唔識同佢一齊查字典慢慢會有成果架啦。
劇集我小朋友最近鐘意睇BBC 套Jamie Johnson. 如果你小朋友鐘意足球，呢套會好適合。仲有Horrible Histories佢地都成日睇。
我自己英文listening 比較差，有個新聞叫newsround, 6-8分鐘到，係for小朋友嘅，但我自己攞黎練精聽，慢慢都有啲進步架
加油呀
暫時冇呀
勸佢做councelling啦!只有專業報告指出生理或心理有問題，拎住同HR&信得過嘅上司傾傾，好多時可以和平解約唔駛賠，頂多要同意半年一年之內唔可以去競爭對手度。
無公司想出糧迫死個員工嘅，另外報咗案，表現有影響時你唔好賴哂個員工!
我都簽過D好辣嘅，最後都成功和平分手!
2個讚
適當時候扮柔弱無助，等老公可以刷存在感，覺得自己好重要
之前已經勸，佢認為香港依d機構既人唔係藍就紅，佢覺得講真話會有後果。
之前佢自己都有問過提早解約d terms，當時個hr又係就快走所以都開左個唔錯既offer，但差不多埋門佢又縮，都係d工作狂上身覺得d野唔係佢搞就唔掂果d啦，雖然佢老細係堅錫佢同重用佢。其實佢自細都係好矛盾既人，成日都跳出跳入唔知佢真係想點。
同埋我都有觀察佢既行為，佢唔係由佢口中講既咁嚴重，佢同我講搭車時panic attack休刻，我非常pk咁諗，其實係咪坐車訓左?
佢話成晚無訓到，我電腦都未熄佢已經扯晒鼻鼾，我爬上床佢都無醒，有時又話半夜扎醒，只有依個我無從考證。
我真係明白佢肯去councel會對佢有幫助，但佢真係唔肯，講多兩句就會話佢自己精神病唔好理佢叫我離婚。
99有次問佢，你覺得o係香港繼續住會精神有問題，你點確定去uk就會好返呢?條友又斷左線咁話佢阿媽唔會關心下佢心理健康…
總之就順住佢想點就想啦，早走到既就走。
99有sense, 其實去到uk都未必會好啲，俾佢試下囉咁先會知道
1個讚
其實我係提議返美國，但佢話美國要入籍搞好多野，有bno visa不如就去uk啦。
暫時令佢覺得困擾既事物主要都係來自社會環境，轉一個社會環境抽離返應該會好d。
我同意你話我99有sense，只係依句說話係唔係需要直接地咁同一個表示有情緒困擾既人講，依樣先係重點。
一係試下你出去揾工先，如果揾到份工好過佢嘅，就大家交換下，你返工佢湊仔，當比佢抖下囉
我同你差唔多case, 先生係妥協咁黎，好快搵到工，開頭第一年無乜嘢，直到買咗屋搬左入去，但慳錢好多嘢都自己落手整，佢變左燥狂症咁，咩都唔順眼，好少事就算有外人係度都會咆哮我，下下都想當我仇人咁鬧，有次鬧到我坐左出車到喊，整嘢嘅當地師傅問我有冇事。
我同小朋友都好驚佢係屋企，因為真係呼吸都有錯咁。
最後我用左個好唔科學嘅方法，睇風水話床對鏡鏡令人精神衰弱，搵膠紙遮左床嘅鏡，佢又好似平靜番。
後來，我地再傾番當時情況，佢自己都知自己情緒有問題，對所有嘢都唔順眼，佢控制唔到自己。
坦白講，我包容佢時，又要安慰小朋友爸爸係好愛你，我自己都壓力大到甩頭髮，仲要無人可以幫到你。純粹你一個人諗辦法解決，呢段日子得一個月但我真係怕伯。
希望你快啲搵到突破位，又或者搵佢啲好朋友幫手
14個讚
你老公知唔知自己係咁？
有冇睇時事kol？
我嗰件同你先生差唔多，19年後長期抑鬱咁，唔係好點食嘢，亦唔消費。
但佢會睇好多時事kol，感覺上佢可以藉住聽佢哋日日鬧政府而舒緩到情緒。
1個讚
我同你情況好似，經濟其實唔大問題，而家唔係以前咁鬆動，但亦唔會赤貧咁。我有返工，人工以本地嚟講中等，老公嗰行窄，未搵到工。
英國所有嘢佢都唔滿意，D人做嘢唔掂，甩漏，比唔到service，乜都怨，我同過佢講唔好同香港比，冇意思，自己調教下expectation，最緊要開開心心咁生活，我自己覺得你著眼唔好嘅地方自己辛苦，情況係唔會改變，佢就不停喺度批評D人唔掂。我曾經問過佢英國真係冇好嘢？佢話冇。啱啱到個時佢仲會成日發脾氣。而家就生活好似冇咗目標。
之前佢都係妥協嚟英國，因為我已經想移民好耐，想為小朋友搵出路，係漁港我見唔到將來，我好坦白咁同佢講係香港我唔知點樣可以同佢行落去，當然佢有屋企人要照顧，亦好大原因佢要放棄努力咗好耐嘅事業同搵錢能力，但係我想睇遠啲，睇將來。我眼見其他人嘅男人係英國都努力掙扎求存、搵工，甚至未買樓都開心地生活，我都唔知點解佢會咁，可能原生家庭影響，傳統又計較錢，我已經努力做嘢令大家冇經濟壓力，但係佢都唔開心，我有時都唔知點，係咪我累咗佢？但係一齊係漁村又會開心咩？
2個讚
我同你一樣，佢係妥協嚟，仲未搵到工
其實我哋女人都有好多地方要適應，有自己嘅壓力
1個讚
好多夫婦來到英國都冇晒愛情。
可能因為工作，經濟，買嘢比對方同揾餐廳食飯冇咁方便，冇得成日製造情調有關
1個讚
我見好多男人移英唔開心主要係英文唔好同搵唔到工
香港人好多時睇人嘅成就就係人工同樓
佢一下子冇左本身嘅優愈感
可見將來又因為英文問題事業上難以發展
冇左目標, 個人唔知點好, 所以容易燥
3個讚