仔嚟到英國雖然返學開心咗，但英文追唔上，嚟緊升中，佢自己都覺得有啲擔心，老師提議我同佢一齊睇多啲書，佢睇兩睇話悶就走咗去，淨係想打機，諗唔到點幫佢
同另一半關係好差，佢覺得我迫佢嚟英國，工作辛苦咗好多，錢又搵少咗，又令佢離開咗香港嘅家人，成日對我冷言冷語
無力感好重
1個讚
仔仔睇YouTube , 聽英文歌會唔會都幫到手？可能有趣味啲。或者同佢去下啲科學館 博物館睇下？
始終聽多啲講多啲睇多啲會幫到手特別係語言
1個讚
佢自己都識得擔心， 即係知道自己事。 不過可能仔一般都係比較遲熟，所以真係要畀啲時間，英國升中係咪得11歲到？
媽媽慢慢嚟，知你擔心少不免，我都經過你嘅階段(不過係中文，考試成日唔合格)，或者搵同學仔一齊相伴睇書/YouTube/電視？
3個讚
另一半唔支持你唔代表你失敗
如果佢咁樣生活你都諗清楚要唔要同呢個人繼續
點解要接收佢啲負能量呢？人生仲唔夠苦啊？大家唔係一齊面對真係好冇意思
小朋友方面，真係要多睇書，多睇英文劇集
先要求睇一個chapter 每日，再慢慢加上去睇下得唔得。限制打機時間，不過用軟功，呢啲歲數唔可以黎硬功
5個讚
佢鐘意打機，咪由打機度識英文，我當時就係咁學
6個讚
真心睇書真係好悶，我都覺得係
不如識下啲本地細路，講下嘢響呢個方面學
或者打英文game
我係會打英文game查字典嘅人
1個讚
既然行左呢步，就要積極去解決而家面對嘅問題
做人做事，響邊度都會有啲沖擊
香港都唔會一份工，一間屋，一個區一世
如果太辛苦就break下先
處理仔仔問題先
同仔仔一齊學英文，鼓勵佢多識本地朋友，一齊玩，多D用英文溝通
搵個時間同老公攤開傾，佢咁大個人自己都要出力，希望你地可以減低分歧
1個讚
我覺得移民係共同決定
點解遇到唔順境你老公就要咁樣推卸責任…
5個讚
有冇俾個仔出去參加下踢波欖球，好多地區都免費玩或者俾好平費用玩，多d同人接觸英文進步得快
2個讚
我覺得要處理左夫妻問題先，但好多人其實唔會攤開來傾。
人到中年先來揾工同重生適應唔易，set個目標，住5/6年先。咁佢可能易過啲
仔係慢啲。黎緊中學，要多啲留意下佢係學校情況
1個讚
我個仔英文都係唔好，同老師講過！但老師愛理不理咁，頂唔順自己搵左個英文補習老師比佢！
補習老師要求我每日都要同個仔睇書，係屋企都要講英文！同埋佢叫我帶個仔去公園玩多啲，接受多啲小朋友講多啲英文，可惜我仔係A仔成日係公園鐘意自己一個玩
！
其實係，講無所謂又真係無所謂嘅人好少
會唔會你說佢嚟嗰陣開咗好多空頭支票
2個讚
移民係共同決定，一有不如意事就懶另一半，有啲「那個」喎⋯⋯⋯⋯⋯⋯
2個讚
另一半既問題，叫佢返阿媽度啦，
幾廿歲人，你提出移民佢都係同意左先一齊過黎，大家咬住牙關渡過先係一家人。
乜L野『令』佢離開左香港既家人，躝返香港囉，搵錢多D TT多D過黎添呀。
佢離開家人，你唔係離開家人咩? 多L餘。
同佢計返回流條數，仲有小朋友留UK讀書條數就收嗲嫁喇。
13個讚
我老公過到嚟都係一直唔開心咁，轉左工都係唔鍾意，辛苦工，人工少過香港一半有多，無怨我因為大家協議要走嘅，但因為唔開心會容易發家人脾氣，我諗都係捱到入藉睇吓佢到時自己返唔返香港工作啦。。
3個讚
叫佢返香港發佢家人脾氣算啦，
你同佢係隊友打緊同一場逆境波，佢發脾氣落你度有9用咩，咁你又可以向邊個發脾氣?
當一個想嚟，另一個唔想但為咗小朋友勉強迫住要嚟，咁所以問題咪嚟囉
2個讚
我都有叫佢不如佢自己而家返香港但佢又唔想