又唔好咁快叫佢自己返去住，take個 break 返香港行下，再返黎睇下點先
1個讚
都係，諗住出年返香港take個break
take 個 break 先囉，反正 bno visa有時間可以比人離開下 uk
萬一佢真係比你趕走咗，你係米真係堅持到單親留係到？有啲野唔好亂開口講
2個讚
我好獨立可以照顧小朋友，因為而家要照顧埋我老公仲忙又要受氣，所有家事決策都係我搞，當然一家人一齊最好，但我都唔想我老公抑鬱燥狂，佢英文唔好所以住得好辛苦
，唔好意思好似騎劫咗樓主個post但難得可以有個post係一齊移英放下負
仔英文差，係邊方面差？語言都係要浸，如果聽講差，同佢出去參加多啲活動，例如boy scout，多啲同local小朋友傾講。如果讀寫差，要睇多啲書，不同類型嘅書都睇
打機唔一定唔好，打英文game可以幫助到英文，我女未嚟英國前玩game傾計已經可以全英語好流利，睇電視英文篩目都有幫助
移民係一家人決定，要共同進退，你老公唔開心除咗工作上唔適應，仲會唔會有經濟上壓力，如果有，你有冇可能搵份工幫輕下？
呢啲唔算放負，係家事問題。c9 forum講呢啲好正常
4個讚
你地去左英國幾耐？係咪未適應咋，遲下一切穩定d可能會冇野。
仔仔嘅英文，真係要d時間，只要佢肯開口講，肯同其他人相處下，之後就會越嚟越好，當然初頭係難架喇，但只要跨過左，就冇問題。
可能老公需要多啲肯定同鼓勵？
唔係職位人工先代表佢嘅努力架。
小朋友英文又唔使太擔心，我未聽過細個移民英文會差到大，最多都係頭幾年，反而夫妻關係會影響佢就真。
1個讚
假設兩公婆一個想移另一個唔想移
無論最後移唔移，都唔存在共同決定
一定要是但一方妥協，但一有事妥協嗰一方就好易拎返出嚟講
同生仔一樣, 但應該妥協左又想講返轉頭, 就真係有D 無謂
想練聽，就俾你仔仔睇英文卡通片，電影，電視劇，一定要有中文字幕。你睇下可唔可以subscribe 到香港account 的netflix.
想練講，最好就係同真人對話，但如果怕羞，就每日讀報紙（網上BBC都好多），唔駛多唔駛好長，一日一篇。仲要錄音或錄影。
錄完聽返你就會發覺自己有咩音讀唔準架喇。日復日，佢就會大膽好多講架喇。
好多自學英語嘅人都係咁練返黎，佢又細，好快上手架喇。
反而你到時要擔心GCSE完左，升A-LEVEL。因為GCSE啲程度同A-LEVEL有好大分別，真係要儲定錢到時找補習。
希望以上資訊幫到你啦。
勉強真係無幸福
另一半唔想移民就真係唔好迫
黎到仲要短時間面對好多改變同壓力
關係只會愈黎愈差
好多謝各位意見同開解
平時我會安慰自己我已經盡力做我能力做到嘅嘢，盡人事聽天命嘛，有好多嘢我都控制唔到
唔知點解尋晚突然好唔開心，覺得自己乜都做唔好
阿仔嘅英文聽同講佢覺得自己還可以，係writing同reading，啲comprehension完全唔識做，writing寫到兩三句就唔知點寫
有用打機時數嚟獎勵佢，但佢有時寧願唔打機都唔想睇書。
佢好抗拒補習，話就算幫佢報咗名補習，佢都唔會去上堂
另一半就…一言難盡
係我唔好嘅，佢係唔想嚟，仲話佢唔想為咗小朋友放棄咁多嘢，佢認為我咩都為小朋友，係嘅，大家價值觀好唔同，但無辦法，我認為我做父母嘅都唔為小朋友著想，咁邊個會為佢地著想
果時用咗好多原因說服佢嚟，其實果時最壞打算係佢唔走我就帶兩個仔走，當然佢最後妥協我地先可以一齊嚟，我係好感激佢嘅，仲寫咗張感謝咭俾佢添，初初都冇乜嘢，因為佢英文唔好，所有要用到英文嘅嘢都係我做嘅，而且我仲要湊住細仔，佢都會話辛苦晒媽媽啦咁，係有時都會為鎖碎嘢嗌下交
我感覺轉捩點就係買咗樓再加上佢返咗工之後。買樓好多煩嘢令佢覺得本地嘅人做嘢好求其，又話呢度啲樓好垃圾，佢好似完全面對唔到英國嘅負面嘢。而返工方面，一開始我係話我返工佢湊小朋友嘅，不過佢話佢唔想湊，如果我返工就要搵份可以湊埋個仔一齊返嘅工，咁最後都係佢返工，份工令佢個人好攰，成日返嚟呻話做得辛苦
自此之後個人躁咗好多，郁啲就鬧人，包括我同大仔，以前佢唔會用粗口鬧我，我好憎人用粗口鬧人，但佢而家好多時會加粗口助語詞鬧我，試過有一次嗌交，佢係咆哮式咁鬧我，自從果次我真係驚咗，我唔敢再同佢嘈，亦都費事同佢嘈，我突然覺得呢個人唔係我我之前認識嘅果個人
我好明白佢應該係有好多唔適應，好多嘢接受唔到，始終呢個唔係佢想嚟嘅地方。我曾經好認真咁同佢講不如我地傾下啦，佢話我地唔需要傾，我問佢覺得我地咁樣冇問題咩，佢竟然話佢唔覺得有問題
早前提出過不如我地返香港抖下，你quit咗份工，我返嚟搵嘢做，佢只係回應一句話暫時唔想返去
有諗過佢會唔會有情緒問題，但佢連傾都唔同我傾，專業人士我諗佢更加唔會去見
我唔知我仲可以做啲咩
2個讚
俾個抱抱你
心裡面都有諗，如果情況都仲係咁，我同佢應該都好難行落去，太辛苦啦，明明本來係最親密嘅人，而家當咗我仇人咁
小朋友都係每日同佢讀一本好簡單好短篇嘅書，成set 果啲，可能啲內容唔吸引佢，我諗要我要搵啲佢有興趣嘅topic嘅書。劇集方面有同佢一齊睇過bbc入面果啲例如topsy and tim，佢都唔係好感興趣，唔知有冇咩劇集啱佢呢個年紀嘅可以推介呢？
1個讚
game我之前有見佢玩過fortnite同minecraft, 不過而家冇玩，而家佢最鍾意係玩pubg,其實真係唔係好想佢玩呢啲game,但見佢同啲朋友玩時又有好多話題講，同聲同氣，成個人活潑晒咁
都想請問下英文game方面有冇咩推介下？
佢除左返工湊仔 有冇做下運動? 男人做運動發洩下會好啲
睇到你呢個留言，喊咗出嚟
冇錯，唔止佢，我都離開咗我嘅家人
我都好懷念以前可以返娘家做女嘅日子
如果可以俾返以前嘅香港我，我打死都唔會走
1個讚
唔會騎劫呀，大家一齊呻下啦
好明白果種要承受佢地脾氣嘅痛苦
知道佢係做嘢辛苦，英文差又唔易同人溝通，唔明點解唔可以同屋企人訴苦，傾下唔開心嘅嘢都得啫，係都要發脾氣鬧人，我都驚佢會唔會係控制唔到自己有情緒病都唔知
都係同一句，一家人就咬緊牙關一齊捱。
再睇原來買左樓，你地本身香港都係賣樓找舊錢過黎?
雖然都無得返轉頭，可能佢覺得供樓?(唔知係係full pay)有壓力，因為搵到既錢俾之前少，財政覺得有壓力。
另外，老婆原來o係係度生活比自己易同快適應，自信上既壓力。
依兩樣都容易令人轉變，要發脾氣鬧你先搵得返所謂既男士樽鹽。
我會咁既，合適時間崩潰俾佢睇，提返佢你都係一個移民左過黎不知所措既女人。
1個讚