無錢無得醫，有錢又未必醫得好，又冇安樂死。
其實長期病患，有時好難話100% support 就無事嘅
好難講
始終都係病人身心嘅辛苦
有支援都好，但病人既痛楚就無辦法可以
幫到。有人講佢親戚就係咁，40+ 知道
癌症都好積極咁去面對接受治療，見到成效
點知又發現第度又有，無限輪迴到最後…
每日都好痛苦咁過…之後就走左。
作為過來人，政府治療一來要等好耐，二來無得要求服務，唔舒服都要硬食，每次覆診都要等好耐，腫瘤科每次覆診等見醫生都三個鐘起跳。
仲有啲後續跟進都等好耐，幾個月覆一次診，如果中途有咩突發症狀，心理壓力好大，想照下確定下，又係要等以月，甚至年計。
所以好似樓上咁講，有錢醫都好啲，每次治療起碼舒服啲，唔駛等。無錢要係政府睇真係好折磨，仲要好多癌症藥其實政府唔包，一家二個人中真係無咩可能夠錢醫。
就算有錢（唔係超有嗰隻），都未必想用唒啲錢嚟醫~ 如果可以安樂死，有尊嚴、有得預計咁離去，其實真係幾好!
我只覺得患咗癌，啲錢倒水咁，有樓要賣樓，無錢見人籌旗睇下有無熱心捐錢。
真，而家啲標靶藥，幾萬蚊一個月，仲要唔知食幾耐，有啲係要keep 住食到抗藥，一個普通家庭，每個月拎幾萬係好燒錢
我朋友太太肺can，佢用哂積蓄後要賣樓，但又賣唔到(超舊樓)，佢話連睇都冇人睇，最後要問朋友借，前後用左百幾萬，2年左右都係過身了。
我朋友爸爸發現cancer時已經末期，鏢靶藥要自費，正苦唔資助，去啲ngo度申請資助，全部唔批
每個月要兩三萬蚊，都係屋企人夾錢
難聽啲咁講，你都就死啦，唔好嘥錢食藥，留返啲資源比可能有得醫嘅人
其實真係兩難, 就算大家都知燒完錢後可能只買到一兩年(已算樂觀), 但又點忍心失去親人
人去到生死關頭, 唔係咁易做到(雖然我係認同唔好燒錢),
我反而希望安寧服務會更好,
倪匡住嗰間安寧醫院成萬蚊一個禮拜(not sure),
就算冇安樂死, 但連呢D善終服務都好缺乏
我包一包個頭先，唔係我咁諗，我係講緊而家個醫療制度係咁做緊
有資源就留比可能有得醫嘅人，如果已經係末期嘅病人就咩資助都申請唔到
所以樓主問正苦支援夠唔夠，當然係唔夠啦
我明, 我都算係過來人+納稅人, 所以理性上我係贊同唔好燒錢,
政府亦係呢個方針, 過左某個年紀佢都唔會做積極治療,
但係病人+家屬, 當然一定唔夠, 醫療+情緒支援都係完全唔夠, 而且我亦睇唔出政府打算改善, 佢唔cut資源已偷笑
我家人都係癌症康復者，點解佢遇到嘅經歷同你有啲出入，又有啲相似。
由確診患癌開始，我哋已經決定 私家醫生 及 政府醫院 同時登記，
那一方快安排到治療，就去那邊醫治， 由見醫生到可以做手術，私家醫生 只係 早過 政府醫院 兩日，
最後決定係私家醫院做治療，
切除癌腫瘤手術+化驗費+麻醉 住 三天浸會醫院，出院費 十幾萬。
出院之後 電療 又十幾萬，好彩無需要化療，
但係每日食一粒藥（服用五年後再評估），廿蚊粒，
之後跟政府醫院一樣，都係每幾個月返去見私家醫生，抽血驗指數，（每次千幾蚊）
大概一年後照一次正電腦掃描 ，檢查有冇返發，（萬八蚊左右），
再格兩年又再照多一次正電腦掃描，
每次複診都係要等個幾鐘頭，唔覺得好過政府醫院幾多，只係快啲啲咁多，但收費就貴好鬼多。
仲有電療後中醫調理，每次都係千幾蚊⋯⋯
因為要睇埋年份、癌症去到幾多期、病人年齡、人口,
我屋企人差唔多十年前, 由見私家醫生、檢查、出晒報告、排政府、見政府醫生、係政府做手術, 只係一個月時間, 復診係每個月見一次醫生(講緊政府),
呢幾年復發, 本身亦年紀大, 政府已經慢左好多, 2-3個月復診
政府醫院都有紓緩病房，硬件設施ok，但d員工就…病人都就c啦，使鬼咁好服待佢地 
申利，家人住過，睇到佢地既照顧就嘔血 
咩都係講錢，老弱病殘不嬲冇人理，政府一向係冇貢獻就淘汰何必嘥資源嘅方針。
以前要R選票怕輿論都可能做下樣，之後應該只會同某國同化。
唔好FF講咩人道主義，攞幾千億整垃圾都唔會用黎救下人，現實就係咁。
雄雞仔咁，冇價值咪生勾勾掉去攪爛佢，可能仲可以做下狗糧。
如果唔係，攪爛都廢事。
因為你屋企人治療之路算順利，唔駛化療體驗已經差好多，私家可以訓係度，聽住歌輸化療藥，政府要坐係度，一個護士睇好多個病人。
如果第一階段治療成功，係唔駛個個月去，因為去都係一般檢查，但如果中途出問題，政府唔係咁易改早覆診期，檢查因為你地私家照，所以無影響，如果純粹覆查排政府，又係以年計。
同埋因為二邊都睇過，我覺得私家真係令病人安心好多（可能我遇到個好），解釋得清楚，又會顧及病人感受，呢啲真係俾錢買服務。
咁好老實，好似上面咁講，用左一大筆錢去醫都未必有效，就算唔係政府，自己屋企人都未必肯出，好多連病人自己都寧願唔醫，留返啲錢俾在世人好過
我自己覺得安寧服務係可以俾錢做好啲，因為真係最後一段路，病人都走得有尊嚴啲