想問無錢醫，多數會點做？係咪只能等惡化／擴散直到死？
1個讚
我覺得好多國家都唔會夠資源去做足支援，但我希望會多啲地方易啲安樂死，起碼真係痛苦個陣都可以早啲解脫，有尊嚴咁走。
2個讚
其實復診等三個鐘，都只係為攞藥。
如果病人情況穩定，點解唔可以復診期長啲，每次俾多啲藥佢返屋企。
1個讚
全世界都係差唔多⋯⋯病向錢中醫。
香港有政府補貼醫院，
外國買醫療保險，現在連大陸都全民醫保。
1個讚
依兩年，阿媽腫瘤科覆診我都有陪，第一次等3個鐘，係新診同埋要講解化療，兩個月後開始化療，俾一個月時間阿媽考慮做唔做，寫紙三星期後照肺驗血，出黎等覆診紙就走得。
一個月後覆診，睇肺片同驗血報告同埋回覆是否化療，等3個鐘。覆診唔做化療，覆診期係6個月後，出黎等覆診紙就走得。
6個月後去，等3個鐘，入到去觸診，出黎等覆診紙就走得。
明天個期晏左，唔知係咪又要3個鐘 
1個讚
屋企人每次去政府醫院覆診 都帶定本書 ，或者download定電影係Ipad 去 等，
佢話等到個人煩躁，有娛樂分心，起碼心情冇咁焦慮，
佢係（政府和私家）兩邊都有一齊跟進覆診，佢話兩邊都差唔多，
只係政府醫院每次都唔同醫生，
私家醫生就每次都抽血驗癌症指數，收費又貴啲。
2個讚
我阿媽鐘意同我講是非，講得興趣我仲要噓佢 
幾個鐘都過得快既，不過就坐得唔舒服咁囉。
1個讚
話唔定這三個鐘係佢happy hour。
1個讚
登記左之後去食嘢得唔得？起碼消磨左1hr先
1個讚
該主題在最後一個回覆創建後180天后自動關閉。不再允許新的回覆。