哦，咁應該係公立嗰邊先要排
請問有無講第幾代既IVF 呀, 我係佢個網到搵吾到
其實我都唔太清楚佢點分，照理解係如果做埋PGS嗰d就唔知第3定4代。
其實你都唔使理第幾代住，好似我咁之前喺度狂諗呢d嘢，想做PGS又冷凍胚胎又盛咁，但其實結果係點樣做，好睇你本身狀況同指數之類，如果好似我咁AMH咁低，其實冇咩選擇，因為抽到的卵真係好少，抽卵後醫生話我今個cycle內膜幾靚，所以就放鮮胎了，咩extra嘢都冇做。
你做咗基本檢查未？首先知道自己狀況，之後開始療程後一直監察住當時d指數同內膜等，再同醫生傾最好嘅方案，而家諗太多都冇用。
我嘅情況同你好似 兩年前去某大醫院做產前檢查 都冇叫我做AMH 淨係幫我check吓有冇傳染病同其他都唔知乜嘢檢查 呢幾個月發現都冇好消息 咁咪約咗上星期一啱啱喺第二間診所做檢查 淨係檢查我同我老公都已經洗咗$8500 上個星期四個report報告未出 但我已經開始第二日經期 我打電話通知我個護士 佢就係咁催我叫我快啲第二日去打針 我咪問返佢哋 我連檢查數據資料都冇 咁點打針 始終第一次又唔係好先發生乜事我梗係驚 我反問個護士我做檢查嘅意義就係想知道數據先至開始Ivf 後來再問因為醫生放假 如果我上個禮拜五唔打針 就要等到10月尾 後來上星期五香港世紀黑雨 咁其實我係咪都做唔到 而家諗一諗要等到10月尾 咁不如去台灣試一試 因為感覺香港好似好屈錢 想問吓你而家喺台灣做完 幾時先知道成唔成功?
如果你時間/工作上許可(其實都係請吓假啫), 我強烈建議你去台灣做，喺香港真係睇到一肚火，搞到自己心情唔好都好大影響。如果你都係做最基本放鮮胎，好似我之前講ard day 11取卵，day 14植入，然後兩星期後就可以驗孕，如果bingo就再過兩星期去照超聲波(其實真係要去到照到個胎先叫"bingo", 所以用驗孕棒驗到有都唔好開心得太早，除非你係用抽血方法驗孕)。
喺仁健醫學驗hCG係$340, 驗AMH係$1200, 即日有報告。
仁健醫學影像診斷有限公司
查詢電話： 2787 6118
辦公時間：星期一至五 9:00-1:30 ; 2:30-6:00
星期六 9:00-2:00
星期日及公眾假期休息
如需要即日報告，星期一至五請在9:00-13:00或14:30-15:00到/星期六請在9:00-13:00到，報告4-5小時email比您
如果不需要即日報告，星期一至星期五請在17:30前到達，星期六請在13:30前到
3個讚
好多謝你咁詳盡嘅回覆 我而家約咗香港醫生下星期一聽報告 想下個週期去台灣試 想問下你用邊個同對方既香港聯絡方法 咁我一攞到個報告可以即刻同台灣嗰邊聯絡 謝謝你
你可以pm我 或者 email
egoinvest
yahoo
com
Thank you!
之前好似有寫過，王家瑋
上網就搵到佢網站，可網上預約初診，之後就會有姑娘搵你，然後可以line
1個讚
謝謝你
我剛剛用Line聯絡了王醫生 謝謝你 祝你好孕
1個讚
呢間驗血真係快手呀, 我都上去驗過AMH, 下晝先去驗果日已經有email!!!
呢個數計埋植入了？
我尋日都睇左王家瑋 開左針 
佢張預算費用係24-30台幣including 植入
想問即係埋單會低過最低預算嗎 
謝謝你
嗰時佢畀我個預算係15-22萬台幣
我最後埋單係18萬+
你會唔會做PGS/timelapse/冷凍胚胎嗰d?
因為我乜嘢額外嘢都冇加，我最後得一個胚胎做鮮胎植入，所以唔需要加錢雪起用唔晒的胚胎，我諗正常人有用剩的胚胎，要加錢雪起佢，就應該冇我咁平。
祝好孕~
原來係咁，明白了
謝謝回覆 
多謝樓主詳細的分享 我同樓主一樣都是AMH好低 
照超聲波都係大約得5粒卵泡，煩惱緊香港定台灣做IVF好 
樓主依家情況如何啊? 
以價錢嚟講，台灣真係平好多，係香港1/3價錢，你喺香港做一次，喺台灣做到兩、三次。需知唔係個個都可以做一次bingo仲要過五關斬六仗到順利活產，你同我一樣AMH低卵泡少，你都要有心理準備試起碼兩三次。
另外，台灣技術比較高，各樣硬件完善過香港，例如我之前有講台灣的診所自己有lab有團隊，所有化驗報告即刻知(1-2hrs)，香港係要送樣本去lab，來來回回要等幾日，等到d報告返嚟仲要等d姑娘慢慢follow up返…
當然你都可以喺香港睇吓先，去初診睇吓感覺如何，話唔定你同香港的醫生夾，如果錢唔係你主要concern，咁喺香港做始終近水樓台，唔使舟車勞頓。喺台灣做我覺得有一樣煩嘅嘢，就係植入後如果自己一個返香港，自己拎行李有可能動到個胎(醫生建議植入後唔好拎3kg以上重嘢)，所以最好係老公由取卵到植入到回港都可以陪你，咁由取卵到植入起碼都3-5日，你自己同老公都要預到時間請假過台灣。
本身都唔想提，但見你同我情況咁似就講多幾句… 我5粒卵泡，打完針最後都係抽得兩粒卵(期間照超聲波都睇到有3個卵泡係一直唔識大最後萎縮咗)，兩粒卵結果得一粒成功授精，所以我只放到一個胚胎，但胚胎係A級，內膜好靚，醫生都覺得可以試，回港兩週後驗孕bingo，但到第6週流產咗… 而家休養緊，調理好再試過。
P.S. 建議你到時驗孕，自己用驗孕棒驗到bingo後，去埋化驗所抽血驗懷孕指數hCG，keep住追蹤個指數夠唔夠高同埋有冇翻倍，可以及早發現有冇機會係陀唔穩之類… 其實台灣診所嗰邊做法都係抽血驗，我諗如果我繼續留喺台灣的話，佢哋做法都會係一星期驗一次幫你追蹤住… 係香港先至去診所都只係幫你驗尿，我嗰時又唔知去邊可以抽血驗… 而家知喇，去佐敦仁健驗只係$340/次仲即日有報告(連呢個都係台灣診所個姑娘話我知的)
大家一齊努力吧，好孕會來的~
謝謝你咁詳細既回覆啊 其實我已一早有心理準備要做兩三次去集卵集胚胎，都預左可能要幾次先成功。本身響香港都有睇開醫生，佢果度都有得做IVF，大約HK$10-12萬，醫生都幾好，但一諗到我可能要做幾次先成功，咁就要幾十萬，真係好燒錢，所以都決定左去台灣做，起碼平一半
我老公響抽卵 & 植入，都會陪我一齊過去台灣，所以都OK
好好休息下, 祝你早日如願
(你咁有心機, 響呢度分享咁多資訊, 相信好人會有好報。)
1個讚
真心謝謝你同我地分享啊 
可惜可惜
但同時都好鼓舞，因為第一次就可以bingo到，好好休養 
BB好快會黎 
謝謝你建議啊! 我響香港有睇開既婦科醫生，第日如果有需要應該會去佢度驗
咁下次會唔會做埋PGT?
各位好，我岩岩係香港第一次做IVF失敗左，我係到諗緊做唔做第2次IVF，又想去台灣做，我好想知道係台灣做IVF,係唔係香港無得跟進?我好想知邊間成功率高，因為我高齡了。同埋岩岩失敗要休息幾融先做下次IVF?