Leila
21
各位jm，想講講AMH…
之前有講過，我6月喺香港驗係1.9 (換算返台灣計法係0.27，所以同正常值2-5差好遠)，嚟到台灣初診抽血再驗，結果係0.38，雖然王醫師話係就係高咗d但效果都唔差好遠喇(因為都係低嘛)，但除非係之前香港驗錯喇，否則我個AMH都係有輕微逆轉嘅跡象。
呢兩個月我除咗食備孕綜合supplements (有各種vitamins、葉酸等)外，仲跟<<養卵聖經>>食額外supplements，包括DHEA、Vitamin E及D3、Q10、褪黑激素，另外有做咗大半個月婦科針灸，我相信或多或少都有d幫助，如果我早d開始食呢d supplements同睇中醫，可能效果更好(因為所有嘢都係起碼持續3個月先開始見效)。
畀各位AMH低嘅jm做一個參考，唔好灰心，呢d方法都可以一試，當然食supplements要注意份量，唔好食過量，例如DHEA，如果本身有肌瘤嗰D係唔可以亂食。
做運動都好重要，因為最直接地促進整個人血液循環同新陳代謝，加強子宮供血，D卵同子宮環境先會好，我嚟台灣前都係懶同忙，一星期做到1-2次only… 而家喺台灣，日日行好多路，又喺酒店gym做運動(王醫師都特別叫我要多運動)，仲每日做針灸(台灣針一次只係twd500)。
我都係相信，自己可以控制嘅部分盡做，唔想好似香港醫生咁中醫又唔畀你睇、supplements又唔建議你食，齋坐喺度等做IVF… 都係想睇到起碼自己有努力過嘛~
各位同路人加油！
多謝建議我睇<<養卵聖經>>的jm，真係好有用~
4個讚
你好JM, 想問問你是否已安排開針？ 預計需回台多少日？可以分享下嗎？
Leila
23
Hello, 我已經完成左療程
其實你可以上台灣d IVF診所網站，好多都有流程簡介timeline，你會睇得清楚d
我都可以簡單講下，如果係植入鮮胎：
Cycle D2-3(月經第2-3日)：初診，超陰超，抽血驗AMH等指數，見醫生，如無問題就會開針藥畀你拎返香港
Cycle D10-14：取卵，老公要一齊去留精，取卵要全身麻醉
Cycle D12-16，胚胎植入，之後會開黃體素同其他藥畀你返香港，到D26-28可以驗孕
因為取卵同植入之間係隔2-5日，如果請到假就stay一個星期做晒兩個steps，咁成件事應該係飛兩次就ok。但如果你係放冷凍胚胎，條timeline就有d唔同。(以上係我去嗰間診所的timeline，我見過有其他診所網站寫的Day數係有d唔同)
1個讚
Ks323
24
我想問我睇平時IVF 都要打好多針, 呢間除左取卵 吾洗再額外再打針?
Leila
25
要打針架，所以我話初診時如果冇問題佢會開針藥畀你，咁你帶返香港自己打，我就係打針唔使食藥，好似有d人要食埋藥咁。
我初初都好驚自己打針，但結果冇我想像中咁難同痛(可能我本身唔太怕痛)，同埋加加埋埋都係打咗一星期，雖然後期係一晚要打兩支針，但我都覺得成件事好快就過咁。比較辛苦反而係取卵麻醉前要禁食，連水都唔飲得。
1個讚
Leila
27
成件事真係比我想像中快同順利，同埋台灣係任何一個姑娘都可以講解得好清楚，你問好多問題都答到你，唔同香港嗰d真係似做admin嘢多d，深少少嘅問題就答唔到(而且好多都態度差).
有樣好好嘅嘢係台灣d診所自己有lab, 驗血係可以即時有報告睇(一小時內有), 而且都係平香港好多。
嗰時我喺香港初診，醫生除咗幫我照陰超，仲有檢查乳房，佢摸到有粒粒，而我其實幾年前有照過係知兩邊乳房都有水囊但全部良性，不過醫生話我隔左幾年冇做檢查，一定要再去check過冇問題，先會畀我做IVF，話因為要考慮小朋友福址(我諗意思係如果你有乳癌佢就唔會畀你生仔咁)…
我諗住既然喺呢間睇開，就叫醫生轉介我去睇佢哋同院另一位專責乳房嘅醫生，我本身以為上到去就係即刻做全面檢查，點知等咗成個鐘入到去見醫生，佢係照左兩照，但主要係照之前個醫生摸到嗰一粒，然後對比返我幾年前的報告話應該係同一粒，我問佢咁有冇照到有新生出嚟的，佢就唔答我，話佢淨係幫我照嗰一粒啫，全面檢查就轉介我去出面lab照…
咁我畀咗$1000診金又等咗成個鐘原來係畀佢望下only，之後又畀$2000去lab照，又要花時間約過，照完又要等佢哋send返份報告畀醫生，我等報告出都等咗兩星期，之後診所打嚟叫我上去見醫生睇報告，我又特登由大西北出尖沙咀，上到去姑娘就話我份報告冇問題，照到全部都良性，懶好咁話唔使我入去見醫生慳返$1000診金，但我心諗其實冇問題你可以喺電話講，我就唔使特登出嚟，份報告可以我搵日出開去先上去攞…
叉遠咗，總之喺香港睇醫生呢，係好嘥時間，又貴，畀人點來點去，照個胸都搞成個幾月，meanwhile IVF個醫生都有追問我check左乳房未，強調我一定要check過冇事先可以做IVF… 另外就係我之前講過FSH個指數，香港呢邊係話太高唔可以開療程，即係要驗到有一次個指數合格先可以做IVF，但台灣就係完全唔睇呢個指數。
我嘅感覺係香港呢邊喺d唔係關鍵性嘅嘢上面蹉跎，但同時又不斷同你講你時日無多，對比台灣，我同醫生講我高齡(37), 佢都只會笑笑口話高過你嘅大把。
(唔好意思狂呷… 之前喺香港真係睇到一肚氣又畀人㩒住嚟搶咁…)
1個讚
我㨂左係威爾斯私家証黎緊10月開針做ivf, 暫時感覺都良好。除左事前要起碼見兩至次醫生簽埋同意書先可以開始療程。暫時只得Amh & 先生精子係醫院驗。其他乙肝、HIV等可以係出面自己揾lab驗。
Leila
30
威爾斯私家係咪7萬左右？我之前都有諗過排，你排咗幾耐？
其實我同老公本身好多嘢都喺外面lab驗左，喺佢哋度係驗AMH嗰d同埋精子。後來決定去台灣做，台灣規定兩老婆有半年內梅毒negative證明，但我哋喺香港驗已過咗半年，初初諗要再驗過先去台灣，但一問之下知道台灣間診所係即驗即有結果(而且平好多), 我哋就過到去先驗，唔使擔心逗留兩三日出唔切報告會延誤開療程之類。喺香港就算去lab驗都唔會即日有報告。
我喺香港嘅體驗咁差，其中一個原因係喺我AMH報告出咗之後，下一步佢哋就係叫我決定做定唔做IVF，做就約姑娘上去簽同意書(仲要畀$300)，過程中係冇再安排我見醫生，即係我只係初診時見過醫生一次啫(你都叫做見過兩三次)，連consult下醫生、講解下報告同我嘅實際情況都冇機會，我覺得就算醫生忙都唔係咁呀，導致咁多嘢唔清唔楚同有誤解都係因為咁。
Leila
31
我嗰間計計埋埋大約7萬港紙，已經包埋植入後佢開咗成個月的雌激素+阿士匹靈+黃體素陰道塞藥+後備用的黃體素針
1個讚
醫生報比我預大概$10萬，但其實威爾斯私証有份價目係網站有得睇既。我自己計就10萬個數係預鬆左既，當然最後幾錢未知。由致電約期見指定醫生大概2-3星期，第一次見醫生照埋超聲波、抽血，到老公其後自己去醫院交精，到出報告後姑娘再打黎（約兩星期後）通知醫生想見夫婦解釋報告。不過最煩威院見醫生又要另外再book期，如果第一次見完醫生馬上book一個月後會快少少。第二次見醫生已相距一個多月。第二次見醫生就可以即時簽同意書架啦。因為我想考慮一下，所以我係見第三次醫生先簽同意書
。呢刻為止威院都無要求我驗fsh,只係要驗既野都唔算太多。我係用藥調節經期的，所以醫生已經比左10月份既期幾時開針、覆診、抽等等卵，預計都會係放鮮胎。
咁後既數我又無問到添，我只係覺得威院個價比一般私人平d（價格from 各大討論區）。同埋信醫院咋，所以無諗咁多試左先。
Leila
34
更正返，我啱啱嚟返晒d單出嚟計，總數係TWD 183695，圍返係HKD 45108 左右
我喺香港睇嗰間，最低消費HKD 1500000
Leila
36
係呀，我都係睇forum知道威院私家比其他平，所以都有諗過排，但因為當初睇原本嗰間時，我老公已經冇諗錢方面嘅嘢，只係想快d做，個醫生問使唔使寫轉介信畀我哋去排政府之類，我老公一口就話唔需要，所以我想排都冇得排，最後決定去台灣，就冇再煩點樣攞返張轉介信…
Leila
37
即係你唔使排？打去預約就2-3星期後可以見醫生？我之前睇呢度d jm寫話要排嘅…
呢個都係一個問題呀，香港d醫生好難約呀，嗰時我喺香港揀嗰個醫生，預約初診要排半年呀。反而喺台灣，其實我覺得個醫生好似都幾出名呀(不過可能係喺香港人之間出名，因為我喺台灣睇中醫時，個中醫問我睇邊個醫生，我講王家瑋但佢話冇聽過… 可能因為台灣的IVF診所真係成行成市，太多喇，對佢哋嚟講冇話邊個出名d), 但我當時7月上網預約想8月初初覆，都即刻約到，唔會話想見醫生但約到天荒地老都約唔到。雖然姑娘同我講王醫師比較多症要睇/手術要做，見醫生時的等候時間會比較長，但佢哋好好有個網上輪候情況，實時睇到醫生睇到幾多號籌，你可以見差唔多叫到你先出發去診所(當然儘管如此我都有試過喺診所等幾個鐘，因為佢要做手術d時間就話唔埋)。
1個讚
Leila
38
係呀，我本身預最少7萬架(所以頭先潛意識答你7萬), 但原來5萬都唔使，計埋機票酒店都仲平香港一截
Leila
39
原來威院冇驗fsh, 咁佢哋應該先進d
嗰時台灣診所連個姑娘都識答我，話fsh會fluctuate, 冇重大參考價值，唔會用呢個指數嚟做決定性指標，佢哋聽到我話香港醫生話fsh太高唔會開療程都O咗咀
你試諗吓，fsh高低係每日唔同，每個cycle唔同，冇原因，冇藥物控制調節，如果學香港嗰間話齋，我今次cycle第2,3日畀$2000去驗呢d指數，結果fsh太高，唔畀我做，我等下個cycle再返去驗過，又$2000，又太高，又再等下次… 咁條數都幾襟計。又話我時日無多，但又kick喺個fsh度，係咩玩法？所以咁睇，威院好d喎，起碼唔會蹉跎喺d唔關事嘅嘢上面，又令個patient心理壓力咁大…
威院私症的確係唔使轉介信的，我當初睇係當普通婦科咁睇。診住check到差的話可直接係埋威院做咋。診住香港黎講叫比較平
