我先，
放低咗部手機向老麥，不過未行出門口就發覺唔見咗，就返轉頭搵見到漏低咗向枱上面。
大頭蝦事件經典，唔係漏野
約左朋友食飯，早左一星期去餐廳，等黎等去唔見朋友，
打俾朋友扮曬野問，做緊咩呀，跟住扮曬野收線，先知睇錯日期
11個讚
我就好少，老公就會，去日本旅行係同一間舖漏低相機同錢包，仲要分2次返轉頭拎，個婆婆係度等咗佢兩次
1個讚
唔係喺街
帶住兩個小朋友出門口，揹一個拖一個「bang」埋門就走，成個手袋唔記得拎（無電話無銀包無鎖匙喺身）
如果喺街，試過同小朋友上完playgp，落到樓行左幾條街排隊上巴士，臨上車一刻小朋友大叫「媽媽我無著鞋呀」（我揹hip seat ，一上完堂就塞佢落去，完全唔記得幫佢著鞋）
4個讚
我有預感呢個post 所有留言都曾經發生過喺我身上
(上面幾層我都有試過)
(係…我個人係好大反差…完全唔似咁大頭蝦…)
1個讚
喺日本，漏低過好多嘢，次次都擺攞返。
3個讚
前幾年去日本, 因為行到攰又未夠鐘去食晚餐,
三點幾諗住返酒店瞓一陣再出去, 點知職員執緊房,
咁就落大堂等半個鐘再返上去, 我就將個斜揹袋和
風褸除左出黎, 上房個時無為意自己除左斜揹袋就
攬住件風褸上房, 就瞓… 瞓醒諗住出去就揹袋, 跟
住先發現唔見左個袋, 馬上落大堂問職員, 原來佢地
見到就收起左, 職員仲認得係我留低左就咁比番我.
唔見左銀包証件好大鑊, 真係嚇死…
1個讚
我就外套，不過已經上咗車懶得回頭攞
最深刻係我同囡playhouse 玩時候，見過有個爸爸唔記得個細仔
聽到哥哥大喊話：爸爸，爸爸你唔記得細佬呀！
爸爸：係bor!
3個讚
試過住一家住機場酒店，早上搭佢啲shuttle上機場。但行李要全部放車頭，人坐後面。到落車時老公扶人落車，就漏咗其中一個手提喼係車而完全唔知。到在候機室時先發覺。直頭唔記得係邊度漏低。同機場講比佢特別走回頭搵都搵唔到。諗住無硬，裡面主要係啲污糟舊衫，本來放棄。回港後搵咗個做航空公司做嘢嘅大嫂打去日本間酒店問，先知原來在車無拿，他們拿回酒店。咁佢就叫酒店keep住，下次佢地有同事去日本時才拿回來。然後再打比我地去拿。足足搞咗好似兩星期才拿回
呢單係最離譜一次，又好好彩。
1個讚
試過係日本搭火車將個背囊放咗係上面行李架，到站走就唔記得。好在好快發現。跟住要同車站職員講佢又唔多識英文，搞左一輪先可以入返閘去返車箱攞返個袋，比老公串左好耐。
不過最經典係姐姐接女放學，成個書包留低係巴士，架巴士開走左，要專登放工後去巴士站攞返
1個讚
八達通，嗰陣中學最尾一年，補領又用唔得耐，唔補又要畀成人價，當然畀阿媽省到上天花。
不過突然醒起，屋企/學校/公司唔見嘢多，反而就好少出街唔見或者漏野。
1個讚
最痴線係明明大近視加散光
都可以唔記得戴眼鏡
又試過下半身乜都未換出咗門口
同埋行半個鐘去搭車發現冇銀包
行返轉頭再行返返嚟
1個讚
外國坐火車去旅行，去程落車嗰陣瀨低咗回程火車飛喺枱面
知道之後當堂冇晒心機
好在朋友幫我打電話去車站，最後尾搵到我張車飛，叫我隔幾個鐘頭去攞返
1個讚
帶仔去買校服，
結果跌左阿仔張八達通。
老公係咁鬧。
1個讚
我後生嘅時候真係好大頭蝦，成日唔見嘢
試過一次同阿媽搭的士返屋企，拎住好多嘢，落車嘅時候淨係掛住拎嘢，成個袋漏咗向的士
一路返到屋企settle好晒買返嚟啲嘢，先醒起個電話唔知擺咗向邊，搵搵下先發現成個袋唔見咗
然後阿媽個電話就響啦，原來個的士司機開走左先知我留低個袋，袋入面搵到我個電話，佢向電話簿搵到我阿媽嘅號碼，就打電話比我阿媽
後來佢車返個袋去我屋企樓下，我準備左500蚊比司機，佢話唔洗比錢，我話收返車錢都要啦，但個司機最後都係冇收到
3個讚
我老公成日日本唔見野…
前次喺酒店漏左拿白恤衫 揾唔返
上次就漏左條apple watch 差電線 呢次揾得返
1個讚
試過放工行到去地鐵站先發現唔記得帶銀包，要行返公司攞，當時大約8點，而我亦都係全個部門最遲走嗰個，當我攞返銀包後，竟然係公司大堂見到同部門既男女同事由只往停車場既電梯拖住手一齊行出黎，當時好震驚，因為佢哋一向以兄妹相稱，個男人結咗婚，個女既又正被隔離部門追緊，同埋明明見到佢地早未夠7點就分別走咗，點解會仲係度。後來佢地越黎越揚，好多人都撞到佢地一齊，老闆好唔鍾意同事間亂搞男女關係，無耐之後佢離開左公司，但就唔知仲有無一齊
2個讚
出到街想買嘢先發現無帶銀包，
趕番工去到地鐵站先發現無帶好彩遇到媽咪比幾蚊我坐車，
放工唔記得攞手機回家，
同事好好比番我。
1個讚
我都試過，結果個電話喺公司過咗一晚夜
仲要唔只一次
1個讚
國內人媽咪帶個12歲仔睇醫生
之後漏低個仔係醫院，自己返回國內
4個讚