原來諗下諗下我去旅遊常漏野
試過漏求婚介指
又試過因為買外賣，跟住留低左袋外賣
好crazy
1個讚
我由細到大都幾大頭蝦…
小學時試過放學搭校車但漏書包喺校車 (比阿媽鏟到上天花板
)
最甘嗰次, 係去意大利旅行, 買左個袋, 全新未用過 (full set 紙袋咁), 漏左火車上面, 結果去到下一個城市先記得, 之後搵唔返
我老公知道我好唔開心好自責, 返到香港嘅時候買返個一模一樣嘅比我…… 人生最貴嘅袋 雙倍價錢…
另外一次, 係帶隻狗去散步跌銀包. 幾分鐘後意識到行返轉頭但搵唔到, 心諗不如搏一搏, 去我區嘅警署睇睇 (隔幾條街). 點知勁好彩, 企我前面報案嘅人, 就係執到我銀包個人, 1蚊都無少到… 多謝左佢10萬次
3個讚
我太多喇。。。。
如果講漏。。。餐廳食完飯，明明自己拎住個電話起身走，但唔知點解放返低個電話，然後走左
如果講大頭蝦。。。左手 拎住500，右手拎住dirty tissue， 想去買杯涼茶，點知掉左張500蚊 （仲要揸到變波掉左），行過左一個街口去到涼茶舖，拎住張tissue比錢先知道出事
2個讚
有冇返轉頭執返？
1個讚
小學試過幾次漏咗成疊功課喺補習社，返屋企俾呀爸打到飛起，然後去補習社拎番
1個讚
我好少漏野，以我記憶，淨係試過漏支搓手液喺餐廳。
1個讚
我成日係咁，仲有漏銀包無錢搭車要返轉頭，點知因為無staff card入唔返公司，又咁啱無同事仲係公司。要落樓搵的士再問的士司機借電話叫屋企人黎俾錢
1個讚
我老公試過啦
嗰陣我大女五六歲，細佬得兩三歲，爸爸一拖二入迪士尼，帶住兩個細路個背囊又塞多咗嘢
行到獅子王慶典對開嗰小食檔，對仔女扭佢買雪條食，佢自己又想食，原本諗住響褲袋抽個八達通出嚟付款會方便D，點知檔口個讀咭機又壞咗，唯有響背囊底抄返個銀包出嚟俾現金，買咗三條雪條，找完錢就一路行，一路塞返D硬幣入銀包，然後又塞返個銀包入背囊
跟住就繼續一路行一路食雪條！食完都差唔多去到森林河流之旅嗰度，先發現得返個女擔住條雪條跟住佢行，唔見咗細佬
即刻拉住個女走返轉頭搵仔，好采離遠見到細佬仲企響小食檔旁邊，氣定神閒咁食緊雪條，仲食到成件衫污糟晒，但一聽到爸爸叫佢，即刻掟咗嗰半條雪條落地，然後放聲大喊
3個讚
差唔多上機就去左廁所先，手fing fing 咁出返廁所會合朋友先發現成個手袋漏喺廁所門，好彩立即跑入去仲攞得返，證件，電話乜都喺入面。
試過帶女返學，唔記得帶書包
仲有好多次銀包漏喺公司，返大陸漏左回鄉卡喺屋企。
1個讚
突然諗起，有一次我真係跌左銀包！
嗰次係落紅雨，咁啱係去好吊腳嘅地方，夜晚要 call 的的返歸。用的士 app call，諗住用八達通畀錢，點知 app 失靈，用左現金畀錢。當場即刻打客戶服務，成身濕曬又冇避雨位，又攞住一大袋嘢，就係咁樣銀包跌左落地都唔知。
第二日訓醒先發覺唔見左銀包，嚇到報卡遺失，之後就去警署報失，啊 sir check 到有人執到，擺左另一個警署，即刻衝過去，謝天謝地一個崩都冇少到。
3個讚
講講下先記得當年老公送嘅求婚戒指係公廁洗手時除低左，跟住走人。記得果時返轉頭已經冇左
1個讚
發生過2次。。。1次執唔返。。。一次執得返但。。。過程嘔心
垃圾桶呀呀呀呀
2個讚
漏咗張單唔埋大搖大擺走，搭的士試過，食飯試過，買嘢試過。好彩冇比人話搭霸王車食霸王餐偷嘢。最後當然道歉畀錢。
1個讚
同阿媽跟團去旅行，睇完個景點上車前佢要去廁所，我上車先同導遊講要等一陣。
佢上車後旅遊巴開左車，行左200m左右啦，佢大叫漏左個袋o係廁所，原車兜返去景點入口拎返袋。
其實好小事，拎返咪ok囉，佢拎返之後上車鬧我話我咁都唔發現佢少左個袋，又話我催佢快d搞到佢心急所以漏野。
我升P3，阿哥升F1，返學校拎左書就放學，阿媽同我地去屋企附近餐廳食LUNCH，埋左單走人行左5分鐘去到屋企街口發現我地兩個都無拎書包 
行返轉頭去餐廳度拎返 
是頭婆自始叫我大頭妹叫我阿哥大頭蝦
1個讚
好多年試過去日本城睇家品，無放低部電話落去手袋只係放咗響貨格上，然後攞起件貨睇完唔記得自己部電話，離開咗間店一段時間返轉頭，部電話仲響貨架上面
1個讚
失而復得真係好開心
1個讚
你真好彩，我就咁唔見左，可惜機入面有大量19年嘅回憶
1個讚
有…早兩個月帶住小朋友搭tube, 出閘時唔記得左行闊閘，普通閘機一嘟就出，我個女跟住我行就夾住左，之後佢縮返後，我要搵職員幫手放返佢
1個讚
八達通跌過幾張
回鄉卡岩岩換完新又唔見左
電話跌過兩部（非智能）（一部自己，一部男友）
MP3
求婚介指（執得返）
外賣（消失得好快）
生左小朋友就試過唔見小朋友兩次（係兩歲同兩歲半）
兩歲個時，開始識行路，咁岩老公行開左，我著住
高踭鞋，無啦啦呀囡開始跑，當時佢係地鐵一個出口，
前面一條直路，有好多好多梯級，我無諗過佢跑得咁快，
係後面氣定神閒咁追，追到樓梯底竟然唔見呀囡好驚，
覺得佢無理由會短時間已爬埋梯級走左，又跑返轉頭搵，
真係搵唔到佢，個心好慌，又跑上樓梯搵，係個出口係求
度大叫，後來係對面轉角小食店俾個姨姨截住佢，
佢跑完樓梯，仲自己過馬路，想自己返屋企。成件事
真係搞到我暈低咁濟，真係唔好睇小小朋友，隨時跑得好快
2個讚
你真係超級大頭蝦喎，唔係少少。
連小朋友都可去甩幾次？睇嚟唔係你小朋友走得有幾快，係你要知自己係咩人，咩都要做double至得呀。小朋友時刻都要睇實係常識，仲要係公眾場所。你要比其他人努力更多去改善。唔好當講笑呀。
1個讚