最近有網友放緊 / 成功賣出層樓嗎?
長遠黎講同先生仔仔都會離開香港但暫時仲未有實際計劃
本身有一個供緊嘅單位, 租左出去, 自己另外再租自住
近期租客退租, 心思思想睇埋賣, 叫銀行估價, 銀行話8m… 我再上網睇, 近期成交好淡, 我個屋苑好似無咩買賣
無咩頭緒應該叫價幾多好, 想睇下大家近期情況參考下
大升冇乜利好因素
8m係咪市價？
都算係嘅… 我個單位中層 (~20樓), 未算高層 (~35)咁好景觀, 但都唔差. 有一面前面全無遮擋, 開揚
我見呢兩年成交, 同一個面積同layout 嘅, 相差20-50萬不等
不過agent 話最近好靜… 連近地鐵, 2房好價, 都無人睇… 唔知係嚇我丫定真係… (我係港島西)
佢壓價就一定架啦，想走就套現先囉
我自己就覺得市價慢慢放囉
當然吉屋都有成本啦
都可以連約一齊賣, 或者… 比一個月通知期叫租客走到時
不同銀行差價可以差幾十萬。個市好現實、估8m 咁你可以試下8.2，想快賣就8、冇客睇/出價你自然會降、有客爭你又自然可抬價。出左價先看看吧
個市係好差，樓價又跌咗，新聞都有報，唔係嚇你
但咩時世都總有人接貨，你咪試吓放盤先囉
銀行估價都反映樓價，買家都要做到按揭先買到你層樓，如果你開價高過銀行估價好多，買家點做按揭
有租約會壓價, 難賣D
大貓銀行定中資銀行？
2邊嘅估價唔同喎….
匯豐
估價足但冇人買，有價未必有市呀
估埋中銀啦…
可能會高啲？
1個讚
放盤等D客鋤下你價,睇下你接受到咩程度嘅價位先啦
其實而家肯放都未必有人睇樓,你唔試探下更加難放
1個讚
我都想賣樓換大啲，但未夠三年，加上比起買果時估價跌左差唔多一百萬
多謝大家意見! 試多一間估價, 再放睇睇點
同意, 搵一間問太少, 不如問多一間啦
個市好靜。其實你唔洗理銀行估價，銀行間一向相差好遠，你應該睇下其他賣盤開幾多，放賣左幾耐，你就知個市場底線。
good advice
而家市價應該都要放番一陣，我有朋友擺左幾個月，因為佢靚單位所以keep住有人問，但係d人會壓佢價想低過銀行估價。佢唔肯平賣上星期轉放租，租就反而好快租出左。而家d人唔想買樓，情願租樓。
我都留意到係咁
如果買黎投資, 回報未必好高, 做定期好過
自住… 除非好肯定唔移民離開香港, 如果唔係租更自由彈性
我租客8月頭走, 到時或者試下放下睇下點… 唔理想就繼續放租先或者…
1個讚