比起買嗰陣而家估價跌咗成球有多，本來想移民前賣樓，而家一賣就咩都冇，好sad…
會唔會考慮移民但唔賣樓?
蝕咁多個真係好肉赤
一路痴住又影響移民嘅費用
幾時買架
咁真係好無奈, 兩頭唔到岸
而家唔賣遲啲過幾年再賣，個價可能仲低，低處未見低
1個讚
係啊，好慘，賣左乜都無晒，唔賣將來又唔夠住，息又勁貴，都唔知點
都係4年前，摸頂 
比較擔心仲有得跌，息又未加完，真係gg
息咁貴，定係出租細既，自己租間大既算？
自己租樓好多限制，淨係想裝番個座地洗碗機都唔可以，有啲廚房無野掛廚房用具出嚟
朋友放租自己嘅二百幾呎單位，加多幾千蚊，地區遍遠少少但租到六百幾呎單位，生活空間真係大好多
個幾千蚊息都唔止喇，仲有管理費個d，所以我覺得大單位係幾抵租。不過樓上會員話冇得裝修個d 又係真既，或者可能租新/半新樓。