結婚後奶奶經常催我生小朋友，多次同我講話要個孫女，同埋個樣最緊要係似佢（因為佢覺得自己好靚，但無女，想有人遺傳到佢美貌）。
佢經常自己讚自己（直線及曲線），聽到我反晒白眼。至於佢靚定唔靚？只可以話佢keep得好好（佢識專業人士幫佢美容扮靚），但未稱得上靚。
唔知係我敏感定點，老實講我聽到佢話要我個小朋友似佢就好反感。想問下大家如果係我會有咩反應同點處理？
2個讚
子宮在你身上，連你老公都管唔到你生唔生。
唔俾反應係最好反應。
點處理係拍邊方面點處理?
2個讚
佢係搞笑講定認真？咁聽到仔女唔係似父母一定係奇怪/反感，但都唔會因為咁正面衝突既。
如果想串下佢，咁咪笑住講點解你有咁好基因唔自己生啊。近排有個90歲啊婆大肚既新聞，笑住串囉。
1個讚
道理係咁講，但成日俾人情緒勒索都好煩，但無嫁啦，呢啲奶奶個腦植入左結婚生仔程式。
近排我都聽到個老人家俾人迫生前就分身家，我一時間都係覺得唔洗聽佢講咪得，但個老人家俾人情緒勒索同佢耳仔軟都會好煩。完全唔理屋企人言論都要心臟好強大先得。
其實我次次都無咩俾反應佢，就咁答話順其自然啦。表面上扮到無野咁唔想起衝突，但我真心介意，因為好難當無聽過囉。除左呢件事，佢仲有好多經典野，性格難頂。我相信佢有自戀型人格障礙，經常講大話而且唔理其他人感受，覺得自己永遠是對的。我真係開始頂唔順啦⋯⋯
生前就迫佢都知咩人啦
有咩後果自負
係嫁，但自己個仔就會心軟，驚唔聽會唔會係自己唔啱，當局者迷。
同老公講叫佢處理，我老爺奶奶有同我講過生仔話題，我叫佢哋自己同個仔講。我老公同佢講我哋有分數。不過都係照煩架啦，但我主張就係無理由我一個人受嫁嘛，一定要拉老公落水，同一陣線。
疏遠佢
1000%認真！有次佢突然轉口風話"生仔生女都唔緊要啦，最緊要似我"。我次次都吞聲忍氣，而家真係開始頂唔順啦。佢就係自己生左幾個都生唔到女，所以先恨到上晒腦。如果我串佢的話佢一定好委屈咁周圍同人講我壞話。。。
咁真係老綠茶喎 
咁你都扮慘，係一個老公或者有其他人都係度既情況講，你都係女人，你個陣生幾個都生唔到女，你都知生男生女唔係我一個人決定到嫁啦。必要時就喊，對付綠茶唯有用綠茶方法。
任何人首先要有自己諗法
我諗十個有十個媽媽都聽過奶奶講自己個小朋友無忽似自己，靚既位似男家，衰既位似阿媽。
唔好誤會我想話依樣野常見應該吞左佢之類。
串返佢，dna唔好隔代遺傳喇，梗係你自己繼續生啦，個b溝左我dna可能會突變。
我真係有同奶奶講過，
佢拎老公bb相俾我睇話好得意，又話我地兩個生既bb都會咁得意。我答佢唔會，你生出黎得意唔等於我生出黎得意，我叫佢唔好博應該繼續生先生到得意bb。
得你一個新抱?
1個讚
真心，我心靈都好弱小，如果我心臟夠強大都唔會因為呢D事困擾。
我明啊，我內心都算強勢既人，但對住屋企人，就算你口串左佢，之後諗返都會嬲同激氣。又唔想講到絕無彎轉喎。
所以拉老公落水啦，同佢賣慘，起碼你要老公企你個邊，槍口對外。
不過真係忍無可忍個陣都要爆架啦，呢啲關係，唔係奶奶唔開心，就係我忍住唔開心，咁我會揀奶奶唔開心囉。
係呀，我地講左都係照煩架。我老公都已經幫我擋左好多。最近有個親戚口快快話：“你奶奶同我講左幾次話你減肥減過龍，搞到身體唔好，咁耐都未有小朋友，佢好介意”。
呢下俾人屈我真心堅嬲！！
老實講我都好想好似你咁有吉士串奶奶，但我仲未有呢個勇氣，唯有逆來順受。
我唔係唯一新抱啦，佢另一個新抱生左兩個仔架啦
咁你同返佢委屈講，係奶奶俾好多壓力我，搞到我成個人瘦哂啊。但呢啲親戚都係花生友。你只可以疏遠下奶奶。
親戚可能唔係口快快呢，可能係受人所托呢 
個個人做法同心態都唔同，唔能夠一句就走天涯。
搵老公頂，同埋答返口快快親戚游水游得慢都懷唔到孕嫁嘛，等佢學返俾99聽
你谷住谷住，有一日就大爆。
間中串左，自己洩到少少唔洗谷到爆。
如果又唔同住，你地自己真係有plan(不論生定唔生)，咪理直氣壯d講。
一日你唔串佢一日佢都唔知佢on9，如果個孫女似你當係老爺同你再生喎，你唔怕俾人笑你唔知醜生到69咩?
岩呀，好驚唔生女會令99失望搞到瘦晒
係呀，真係唔想一家人搞到無彎轉咁僵。但而家搞搞下我自己心理都開始出現問題，所以都唔想再收收埋埋啞忍。
1個讚