問題佢真係唔會覺得自己on9 
就算我老公同佢傾完解釋完，佢都唔會覺得自己有錯，錯嘅永遠係人地。我都無晒符，最多當佢發up瘋
我會忍唔住講佢知隔代遺傳機會率唔算高，除非靚到好似李嘉欣咁款先有機會，主要要啲基因好強大先會霸到一個位置
呢個答法都幾好 
但到時可能佢就會話"個仔似我，所以個小朋友似佢即係似我"
同佢講基因咁好唔好嘥快啲同老爺生多個
笑左
其實已經有人同佢講過佢仲可以生，但佢當聽唔到
講多幾次，係咁問，問到佢嬲。
下次再講，又再loop，等佢又嬲，好快無癮。
依樣野係我老公咁對佢阿媽，問到佢應問到佢忟問到佢唔再出聲繼續問到佢發老脾，兩母子冷戰，隔幾日無事。
隔幾個月奶奶當無發生過又講同樣既野，上面個loop，兩個cycle之後老公就轉問"仲問?"，奶奶即淆底收聲。
1個讚
你老公好正 
呢個不失為一個好方法，以其人之道 還治其人之身 
勸佢趁新抱你未生，佢再生一個，然後等你生時會就有個小姑姐一齊青梅竹馬長大
我都試過。
果時想生第二個但試左兩年幾都未得，我奶奶講得比你仲好笑，佢果時晌我面前對住叔仔佢地講，話可能我輸卵管塞左，因為某某親戚都試過塞輸卵管。我即刻大聲答返佢，我睇左中醫，中醫話我好健康，但佢話你個仔虧虧地喎（事實）。然後我奶奶就敗走左。
聽到真係嬲，咩事都關個新抱事，自己同自己個仔就好好嘅！
1個讚
適當串下佢係必須嘅，必有隔代遺傳外表咁易㗎
Hea 好丫好丫答努力緊傢啦、個肚唔生性冇計
之後佢講咩補身果啲一路哦哦哦….
有時啲老人只係口痕
見你未生問幾時生
生左又問幾時生多個
我冇做野、我奶奶講過你冇野做咪生多個玩下
我答佢傻傢咩、咁辛苦捱到咁大我唔會重頭嚟過、我片都唔識換啦
之後又話獨生好悶好慘
我話人生不如意事十常八九啦…
一
唔奇怪…如果有人同我講小朋友唔似我兩公婆
似6299…我一定好唔開心
10月懷胎咁辛苦…個小朋友竟然似人地
1個讚
正常, 俾我都反感, 個小朋友係你同老公生架嘛, 點解要似佢?! 你奶奶仲要成日有意無意讚自己靚, 真係好煩膠
1個讚
我會反白眼反到去背脊
我生左三個
三個都係被老公嗰邊話似佢嗰邊既人
我次次聽完好嬲
又有乜用，
唔俾佢哋講嘢唔得
當八掛野聽咗就算