本身成績平平, 6年班兩次考試, 英文總係得40幾分唔合格, 佢都算係懶, 不過6年班除左英文, 其他科目都有少少進步.
尋日派左去鄧肇堅維官, 老師叫我地叩門, 但係果刻我冇. 到左下午, 不斷有朋友/舊同事叫我試叩門, 果陣都好夜啦, 有好多學校都截左收申請表. 返到屋企, 我諗住比佢讀囉, 睇吓第時成績好d, 可以嘅, 咪幫佢轉校囉.
我係單親, 每次小朋友一遇到讀書成績, 成長上嘅問題, 我就會lay埋喊, 個心會問老公我應該點做. 我一個人決定, 最好成功, 錯左就責無旁貸, 其實我都好迷茫.
小朋友冇咩邊間學校想入, 我明白主要係我, 要去接受呢件事.
最怕學壞，坦白說，band3 生唔係話全部壞，但比例高少少唔多讀書嘅學生，中學係好易受同輩影響既階段，壞左好難教返好，到時仲辛苦，盡量扣返好一些的學校，唔好再懶了，單親唔係藉口，更加要比心機養育小朋友
我係廿幾年前讀band 3-4中學，即依家band 3, 班入面唔讀書佔絕大多數，我係極少數潔身自愛嘅學生，亦係響呢間學校絕無僅有中一讀到中七上到大學嘅人（沒有之一）。就算係我呢類學生響咁垃圾嘅讀書環境下，都好易受壞分子影響。所以可以嘅話，轉去好啲嘅學校啦。十幾歲朋友重要過一切，比個好啲嘅朋輩環境佢成長好重要。
截左都照send下, target唔好太高
始終中學走左好多，的確位比較「鬆動」
流動性高左
唔好諗過去，諗未來點樣為自己、為小朋友做得更好！
一個人養大小朋友真係辛苦
最緊要同小朋友有溝通，講到底讀書唔係終點，大家都唔好太大壓力
不如試吓搵一間校風好D嘅！
宜家係咪話有好多學校都要搶學生？點解你唔叩門啊？只有努力做啲嘢先可以改變，傷心人之常情但都應該為咗小朋友化傷心做動力啊，起碼教識小朋友唔好失去希望。同佢成績麻麻會唔會搵下補習教下。
我未經歷過呢啲但加油啦。
為母則強呀，截左都好，今日逐間學校打去問啦
其實我有幫佢搵補習, 又有自己教佢 (盡量抽時間啦)
我認自己都有責任, 我想叩門果幾間都截左接受申請啦,
果兩間自行時去in過, 小朋友係好努力準備, 但最後佢預備左嘅,
老師冇問, 問另外一d, 佢又唔識(平時常打機, 變左日常生活反應差, 冇常識)
我都覺得自己好差
呢幾年真係流失好多學生，盡量打去心儀嗰幾間問咗先，唔好咁快就放棄
因為啲老師控制唔到場面，同埋啟發學生學習能力係差啲 （來自自己來自band1 嘅阿媽說法）
不過都睇仔女係乜嘢人，我係band3 畢業
仔定女？
女嘅試吓何東
唔好放過任何機會啊，又或者有學校未收夠學生呢？
即管試吓，若果試過真係學校唔收，總叫試咗，無晦麻
畢竟要讀6年書，可以好大影響的。
樓主你想唔想幫個仔叩門？定照讀住先？其實最好即時派完位即刻叩門，但今日你都仲可以博下！
打左去啦, 都話尋日deadline
話出年6月留意吓轉校申請
咁我就唯有希望小朋友今年努力發奮
唔好介意，屋企人經歷，純分享，希望你明白中學生活對一個人一生的影響：
男仔品性乖但成績唔好，派咗band 5學校，媽咪幫佢叩到band2尾但佢唔肯去，就入咗band 5。
全班無人上堂，放學門外有黑社會踢人入會，荒廢咗初中三年被踢出校，中四去讀瑪利亞。
到呢一刻先明白讀書重要，後悔已太遲，會考當然唔合格但半工讀最後在40歲左右完成大學。
佢話如果可以再揀，一定轉去band 2尾
我知你辛苦，但如果唔盡力嘗試過，怕將來會後悔
我係你會寫定求位信同幫仔仔執一執個portfolio再拎去學校，程序上截咗就截咗，但為咗自己仔女真係唔好咁被動，做咗先算
多謝你,
佢地叫我比小朋友嘅成績表佢地睇吓先.
入唔入到都好, 真係多謝你 
問埋顯理
祝成功！
打左去顯理, 職員叫我21/7前寄晒申請表同成績表, 月尾會通知有冇機會,
真係多謝你 
好好啊，起碼都仲有機會麻
襯呢幾日準備好，加油啊媽媽