好嘅, 無論得唔得都多謝大家嘅意見 
我都係單親家庭長大，屋企人咩都唔識，無咩support，中學入band 3尾(5個band)，學樓上話齋唔讀書佔大多數。所以出好少力就名列前矛，教師有一半都無心教。
由小學包尾比人標籤為壞學生，變左中學嘅精英學生
一間屎嘅學校其實好適合建立自信。呢樣對日後其實幫助好大。
我有親戚以前係band5學校，都可以拿高成積入中大。大前提係小朋友性格要有主見，不輕易受人影響。中學校長因為從未喺學校見到有人拿咁高成稹
所以都寫推薦信去大學。之後又成日吹噓學校喇
我係親身經歷，band 3-4 中學高分考入大學。我可以用過來人身份講，咁多年讀書生涯我係孤獨嘅，有心讀書嘅人已好少，一齊上到中六嘅最後一隻手數得晒。
如果有得揀，我一定會入校風好有好朋輩嘅學校，點都好過挑戰自己定力。就算你有定力考上大學，但出到社會，功利啲講，你會少咗一班可互相幫助嘅人脈。我老公band 1 仔，啲中同好多專業人士，打個電話解決好多問題；我呢… 有次收到電話，有個中同打嚟話佢因為吸毒打劫坐監，神父叫佢出返嚟要搵返啲好人嘅朋友，唔好群壞分子…
唔係歧視，但大家都做人父母，應該明我想講乜。
10個讚
呢個例子同band3都有醫生、band 1都有人讀唔到書一樣，唔係無，不過要睇比例
1個讚
係比例問題。所以說需要小朋友不易受人影響，有定力。雖然自己都叫做名校出嚟，不過就得唔到特別人脈了
近年有退學潮，可以試吓扣門。
我覺得呢啲都係萬中無一囉，強烈建議樓主聴下谷友意見，搵一間校風好D嘅中學
2個讚
聽過一個朋友（band1)分享，我地剛剛升大學嗰年，佢讀band3中學嘅小學同學都係剛升學，不過係佢6歲嘅仔升小學。而小學同學當年係乖學生。咁當然啦，band3亦未至於好多人咁細個就大肚。
人脈已太長遠，當下唔好學壞更重要
中一二就大肚兼生埋甘誇？咪同brand 5 考到好成績一樣，萬中無一 …
囝囝小學成績 band 2，入左 band 2c中學，校規偏嚴，有一半老師都佛系（但兩個班主任好好），同學又偏hea，囝囝以第二年退學去英國而不努力的心態都竟然取得不俗的成績
如果你細路成績可以, 都建議試下叩門，老實講某d band 2b 讀書風氣都已經好一般了，但最緊要係校風好小小，宜家試下先啦！
所以我都加多句band3都唔係咁多人咁細個就大肚。
我讀band 1, 身邊同學真係冇一個係未成年就做阿媽
1個讚
我中五果年，臨考會考之前有個同學突然退學。幾個月之後收到佢請帖，原來奉子成婚。
中六果年讀到一半左右，又有個同學退學。果次都係結婚，不過唔係奉子。
仲未計中二、三嘅時候，聽到隔離班女仔講落仔，不過唔知真定假，因為當時太多人以「變成大人」為榮，唔排除吹大咗
2個讚
讀住德萃果d先啦
我讀Band 1尾，同學都冇乜專業人士，親戚讀名校，一有醫療問題大把醫生朋友答
樓主，唔好灰心，你比好多人叻同堅強，單親媽媽能頂半邊天。你首先盡力做，仔仔真係入band 3咪入去做學覇囉，學態重要啲，仲有咩學校都有好老師，加油
你唔認命，奮鬥行落去，冇任何嘢可以打敗你
1個讚
3A，係咪唔係差到貼地？了唔了解間中學校風？
我以前讀band5中學（呢家見佢BAND3B)，８成都升唔到F.6，個２成有一半仲要係外校插班生。
當年我讀個時，好多都無乜心機讀書，就算有心去讀個料都唔係好掂。
學唔學壞，睇同輩同埋睇小朋友夠唔夠硬正。如果學校有宗教背景，就試吓入去團契，無，就入去其他團隊。
1個讚
我讀band1 尾 ，升大學率一半一半，同學都無乜專業人士
，不過就好乖，多數升中六或大學先拍拖
校風比較樸素，放學都係去同學屋企玩，行下街，
會考有一齊溫書，雖然搵書時都成日傾計玩，
但都係美好回憶。如果讀理科學習氣氛更好，
多些人考到三大。
試下叩下門，睇吓直資私校，朋輩影響都大
1個讚
去東區叩吧、除顯理外、可試嶺南、嶺南衡怡、慈幼
正常唔係太差嘅中學，唔會想像到Band 5中學入面係幾惡劣，大肚落仔做雞我都聽聞過，仲有啲上上下堂突然拎把cutter玩自殺搞到即刻要call白車。唔單止學生，老師都騎喱過人，精神失常咁，會對某啲學生講粗口，又會用粉刷掉向學生，又會用十大武器之首車埋個學生度。（個時資訊無咁發達，肯定又會上晒網）
2個讚
今日下午12點幾外出，我經過間band3中學放學.佢啲學生喺學校門口不遠處一路行一路點煙
我間b1尾，F班直頭係課室食，以前冇冷氣，佢哋吹出窗
我當年都係Band 1尾，曳班都係唔點上到堂嘅