條路自己揀 
問得出呢個問題，咁你都唔係事業心好重嗰種人，倒不如知足常樂。
好有事業心嗰種人，我地由細到大都見過，中學就諗定大學想讀乜，點樣舖條路入自己想做的專業或政府工，暑假狂搵大公司intern, 未畢業搵定大公司training contract, 然後搵定一行安穩專業一路升，定時定候在自己set 的benchmark, X歲前要買到屋結到婚生到仔。
如果你理想中既人生係咁樣，咁冇錯，36歲都走唔上呢條路，就差唔多係此路不通。
但諗吓，人生係咪就一定就咁先叫成功先? 係咪一定咁就開心快樂先? 係咪一定人地覺得你叻你先係叻先? 答案好明顯，大多數人都唔係呢種人，咁唔通就死咗佢咩。
放大啲嚟睇，呢啲只係香港中層人的rat race, 世界大把地方人冇我地咁好彩有嘢可以爭，又或者個思維冇我地咁多競爭。生活在香港無可避免地要rat race, 咁呢樣我都同意，咁不如跳出少少諗吓，可以試吓揀一個啲錢見駛啲、冇咁搵笨既地方嚟生活。
如果一時離唔開呢個地方，咁都可以搵啲自己既寄託，學樓上咁講，學陪月整餅剪髮乜都得，成唔成功由自己定義。
6個讚
香港地條數圍唔到，其實我身邊都多over 40女人仲生
我成日覺得過左36都唔應該生
其實香港都一樣可以過夠搵夠食嘅生活啫
成日就係講儲錢買樓，再儲錢買多間收租，有第一間就第二間…loop
1個讚
本來我想覆，依家咁多人中年先移民，咪又係重新再嚟過，不過香港嘅玩法始終唔同外國。
我十分同意人生除咗職業，好需要搵到一項終身嘅興趣，最終可唔可以發展成事業都好，起碼可以陪你走過低潮。人到中年，又經歷過動蕩，老生常談，平安、健康最重要。
2個讚
係喎
幾有錢都好，可能一場covid 收皮
又或者好似coco咁有病gg
對對對，我記得我後生時都好多框框、棱角同偏見，而家真係化晒，工作上又被賤人sin過，又被廿幾年朋友傷害過、家事又有、香港又搞成咁，仲要係全部19年後發生，你話我唔死仲喺度已經萬幸，仲得閒數身家諗飛黃騰達咩，人哋點對我我唔執著，我自己對自己好就得
記住，上進唔好下下同錢有關，一個人保存對世界嘅好奇、對人嘅善同包容、對正義嘅追求、對核心價值嘅認同等等，千金難買
啱啱識人唔識英文但去教會上堂，睇啲小學書，溫半年考到Life in the UK，佢絕對係成功例子，好欣賞佢
5個讚
X2 佢提到仔女家庭支出問題，如果家庭收入高就唔會突然覺得事業不如人，更唔駛搵興趣
2個讚
唔係啊！未玩完啊！
但你心覺得係玩完就乜都玩完,
無論身邊幾多人舉無數例子話你仲有好多機會好多選擇,未玩完都好, 都只會變成廢話。
加油啦！
1個讚
又其實追得到又未必好…追唔到呢…諗壞腦~~ (年齡曝露系列)
其實你地都講得岩，到呢個年紀先‘叮’一聲開始醒覺證明我無乜事業心，想有事業想搵得多少少都係因為壓力(結婚生仔住屋，我有話要開始準備生bb啦，另一半話想有多小小錢先生，我都明既，唔通真係生出來無錢養咩，要供樓要生仔果到都唔係一筆小數目，仲要最近幾年樓價都跌，果種無形既壓力…係唔係捱下捱下就過架啦？）
好羨慕果種從小識得規劃自己人生既人，可能我見識少唔識諗，直到自己出來住先意識到規劃人生既重要性，但黃金時期已過，唯有接受現實，睇下有無其他小路可以行
想借呢個留言多謝大家講左咁多說話去提醒同安慰我，BD有愛 
2個讚
哇撞鬼，做乜咁感動㗎突然，搞到我有少少眼濕濕
有嗰句講嗰句啫，冇任何人應該睇低睇死自己
我都冇乜見過，我個年代大多係一讀完書就搵專業做，幾年後讀master，然後結婚買樓，唔使一早規劃，順住條路行就得
各有前因莫羨人，我冇宗教信仰，但我相信每個人出生都有佢一個位置，有錢係會解決到好多問題，但冇錢唔代表唔會快樂，健康已經令人好快樂
2個讚
我覺得因為香港日日啲新聞都係講啲物質野，做咩工買樓股票去旅行食好西。然後又講啲咩明星用啲咩chanel hermes。唔知點解女星揹個chanel都係新聞。
然後身邊所有人都係care人哋做咩工住咩樓去邊旅行，同地方細根本避無可避。有時人有比較就會覺得點解人哋做到，自己做唔到。
香港地方細，樓又貴，行出街真係可能有好多千萬富翁係左近，但外國應難啲撞到，地方大。
6個讚
啱…
樓主, 只要自己唔好睇唔起自己, 只有自己先要必需去愛自己, 唔好再諗人生一定要結婚生仔買樓…順其自然, 命裡係有,你想避都避唔到, 相反, 命裡無時真係莫強求, 坦白講, 可能有好多嘢你有人無… 36歲, 人生時間仲有好多, 開開心心過啦…
1個讚
李玟死左都係講佢有幾多樓
1個讚
樓主我同你依家經歷緊嘅情況一樣
但又完全跳唔出呢個框框
呢幾日麵係到諗
好似浮浮沉沉左咁耐都唔知搞緊咩
我諗起幾個新同事，幾個三十歲以上嘅都係第一日就四周圍問人住邊、買定租，而年輕啲嘅都唔會咁「積極」，可能有一定經歷嘅人都習慣咗用物質方面去評估其他人
佢地又住邊咁巴閉
拎乜嘢手袋，另一半做乜
我自認個人ok hea, 而家響uk，表面上啲人好似冇咁物資 （定太窮），感覺好似好啲