soft skill 呢
待人接物呢
幾十萬人讀=周街都係=唔值錢,
不過任何學歷出到來做野, 運+人際關係+進修都好重要
2個讚
逐步嚟！
因為你年紀唔細，如果有小朋友，會由誰照顧佢？
都畢業左十幾廿年, 我又覺得唔駛太執著…中學唔係band 1, 又唔係3大畢業呢D囉…
估計呢十年八年都有提升過自己掛
講真, 讀冷門好outstanding 就搵到食, 普普通通都係惡攪…
正如樓上網友問, 如果樓主有事業心, 呢十年八年早就諗盡方法提升自己, 而唔會突然而家先覺得人生玩完。
前幾日另一post講點解有D人事業好D, 有D人事業差D,
一命二運三風水四積陰德五讀書,
樓主事業上明顯冇一命二運三風水,
進修係唯一可掌握嘅佢又唔做, you get what you pay for, 我覺得呢個結果好常見
4個讚
多學習多進修，你平時有準備，機會一到你就掌握到
佢突然間"叮"返…
不過呢個世界8成人都係平平無奇, 返工收工, 吃喝玩樂又一世…
當然話真係財政壓力好大, 但去到呢個MOMENT先發現又難D
係架, 我不嬲覺得全世界大部份人都係平平無奇咁過, 完全唔覺有問題 
樓主既然覺得想要錢/事業, 起碼而家send cv出去, 見下工試下水溫先(我唔清楚佢仔女要幾attentive), 轉工起碼暫時有多D錢先囉, 之後再研究下進修
有冇小朋友呀？
如果冇其實都冇咩問題
其實樓主突然之間有這個想法，佢自己都講咗原因（住屋、結婚、小朋友），
首先針對返這三個嘅問題，
佢係女人懷孕有年紀限制，年紀越大風險越高，
孩子成長需要十幾年時間，必定此時有一個明確目標。
樓主沒有提過現在有沒有小朋友，
其實上面啲人講（進修）嘅問題，假如樓主現在已經有小朋友，除非佢將湊小朋友嘅責任交俾其他人，否則佢點兼顧咁多。
其實都係卅六𡻕，
你現在開始規劃自己未來都未算遲，首先要調整自己心態及心情。
現時你住嘅情況？
真實個案，文職女同事20+年年資，當時個女都入左大學應該佢都4X近5。
工作時間穩定，一星期返兩晚YOGA，開始為興趣同埋C奶街坊一齊學，學學下自己考埋導師牌，辭職轉教YOGA。
50歲都可以搵到自己既PASSION，36歲啫，仲有時間。
4個讚
我做左文職工10幾年，覺得自己除左現職就咩都唔識
後生同事愈來愈多，佢地時間/學習能力/接收資訊都比我快，工作我都會驚被逃汰
不過都唔驚得太多，自己盡力做，一步一步黎，唔好將所有事抄埋一堆，慢慢就會好 
絕對同意, 學歷家庭背景對一個人嘅成就只係作為錦上添花嘅作用, 人嘅品格同正確嘅邏輯思維先係成敗嘅關鍵… 樓主, 好好諗吓點去調整心態, 再去處理事情…
2個讚
喺香港大好容易會受啲框框限制，專業人士就係好，搵到錢就係勁，嫁到有錢老公就係嫁得好
呢幾年睇住咁多有識之士出賣香港，但又有好多讀書唔叻嘅年輕人冇放棄自己仲幫助其他人，都顛覆我個思維
所有嘢還原基本步：專業人士唔好為個title，要恪守個專業；做返每個崗位本來應做嘅事，不違良心，做個誠實嘅人，已經好足夠
你為自己成長奮鬥當然可喜可賀，但唔好因為啲咩年薪要有幾多呀要上位呀去睇低自己，仲覺得一生已經完，絕對唔好咁諗
搵個嗜好發揮下，自娛好訓練自己好，已經係一個成就。我有個朋友中年危機，自己試下跑步，每日跑耐啲跑遠啲，人又fit咗又自信咗，成條青山公路都跑到，我覺得佢好叻，佢只係四十幾歲
10個讚
喂…朋友@ Chibimaruko, 完完全全講中晒我心諗… 人到中年, 真係咩人都見過…唔好俾D世人嘅框去限制自己…唯一要堅持要守護就係自己嘅初心同善良…
5個讚
殘忍d講，如果你嘅沮喪根源黎自無錢應付將要面對嘅結婚生仔。咁真係無辦法。呢d人生規劃，要多年鋪排。
如果單純人生無方向，咁咪set個簡單d嘅目標比自己。
1個讚
點會無出路??何況36歲都唔係老, 好多路你未發掘到唔嚟
但而家太多人，4x歲，仔女仲係幾歲
又係30歲應該搵幾多年薪，40歲應該供滿間樓果啲…當然唔可以話去到飯都冇得開果飯，但有啲嘢，可以響其他角度諗吓
≈==============
歐州西海岸某碼頭上，一個衣衫襤褸的漁夫在破船中閉目養神，一位時髦的遊客攪醒了他並勸告他說：如果每逢好天你都多出幾次海，過一年你就可以再買一台發動機，兩年就可以添條船，將來可以建起自己的冷藏庫，燻魚廠，以至於用直升飛機尋找魚群，用無線電指揮機動船，成為一個百萬富翁。
漁夫問成了百萬富翁之後怎麼樣，遊客描述說：然後，你就可以優哉遊哉地坐在碼頭上，在陽光下閉目養神。
漁夫的回答是：現在我已經這樣做了。如果不是你攪醒了我，我大概還在繼續優哉遊哉地閉目養神!
===========
我唔知係咪亞洲人思維係咁，搵幾多錢係唯一成就，又當然有啲人負擔好大，生活要求好高，呢啲都要搵錢去堆砌
4個讚