36 女，工作上仲係低層到游走緊，身邊朋友都搵得比我多，我仲未搵到自己興趣嗜好同自己屬於邊條路，好沮喪好迷惘
1個讚
36歲仲係盛年, 好後生咋噃… 講多少少嚟聽, 做邊行? 咩學歷?
5個讚
36邊係中年吖！仲有好多時間，點解要同人比較呢？
人比人比死人，自己舒服咪得囉
4個讚
興趣同返工係2件事
4個讚
你自己覺得人工生已完先大劑，個心態唔好咁，世界一定有嘢比你做，你一定搵到自己興趣，而家社會同以前唔同，好多資源同資訊
仲有，搵錢同自我價值唔可以直接掛鉤，你家庭幸福教到仔女有乖又快樂已經好多人羨慕
3個讚
點解突然之間有這個想法，
如果你係一個好有野心嘅人，就唔會卅幾歲先覺醒。
2個讚
非常同意
睇下Erb，或者有嘢啱，進修下。
都有好多其他夜間課程，反正都冇方向唔知想點，咩都試下。
唔好嘥時間hea ，好快hea多十年仲冇選擇機會。
3個讚
可能因為壓力，要諗住邊/結婚/小朋友等等，另一半又唔係搵得多，而且女人都要有自己錢先有安全感
我都係
打份普通工十幾年
普通大學畢業
而家黎到加拿大
先發覺自己真係咩都唔識 冇特別技能
一般文職工作，讀搵唔到食既bba
對於人生來講可能仲有幾十年，但工作上已經無咩機會，依家後生大學未畢業就開始規劃，我依家先發覺錢既重要性 
平時有無嗜好？例如煮嘢食，扮靚？
一個人嘅心地修養器度等等比金錢同事業都重要
三十幾歲好多嘢可以學，仲有幾十年，台灣有阿伯讀PhD添，點會係人生完？
搵個興趣先
2個讚
如果技能同學歷目的為搵錢, 咁真係sorry你過咗最黃金既起步期. 要追唔係唔得, 但要俾多一倍effort去追, 要犧牲嘅嘢更多.
但人生黎講梗係唔係玩完啦, 唔追求大錢, 都可以追求生活. 例如學剪頭髮, 去做義工幫人剪下頭髮都可以好開心
2個讚
如果要揾錢。
學門手藝會揾到食過返一份普通工作
例如 陪月，紮肚，採耳等等，呢啲工種無客介意年齡。
3個讚
係香港而家進修真係會難D+辛苦, 但如果一心覺得玩完, 就真係玩完。
前同事差唔多40, 剛生完BB就去讀master進修, 一畢業公司即升職, 後來移民, 而家做返本行,
我絕對相信佢當初同樓主一樣咁迷惘, 佢仲要有個初生BB, 移民更係重新洗牌。
我唔係叫樓主即刻學呢個同事去進修, 而係想講日日係度呻只會令你鑽牛角尖,
你都要搵D野做下, 見下唔同圈子, 會令你有所感悟, 或者到時你會對事業有新ambition, 會去進修,
又或者你會覺得平平無奇無咩大不了, 大部份人都係平平凡凡過一生, 唔通佢地都玩完咩
8個讚
識人當年三十幾四十先至入行做compliance, 十年左右已經係dept head, 又識人因為鍾意飲酒而讀品酒課程，而家已經係品酒師。你花少少時間諗下自己想點然後就去實踐，乜都唔做，十年後你仲後悔
3個讚
我又唔覺得BBA咁差, 幾十萬人讀呢個