不吐不快，純發洩，勿上報
唔知我額頭係咪刻住「英文好」三個字，咁多年以來，親朋戚友、同學、甚至公司嘅客戶，都好鍾意問我有關英文既疑難，甚至叫我幫手英文翻譯。
早年我比較得閒，確實有免費幫朋友做啲簡單嘅英文翻譯，純粹賣個人情，可惜有啲人真係唔識做人，人情一直都唔還，之後大個咗，時間變得寶貴，我都好少免費幫人做嘢。
最近發生兩單令我好氣憤嘅事。首先某個親友嘅仔10年都唔問候我一句，有一日，無端端send個message過嚟，話亞仔個補習老師甩底，而亞仔就嚟要考呈分試，「叫」我幫佢個仔補習。記住佢唔係問我有冇時間，而係第一句就話，阿邊個（小朋友名字）想搵你教佢英文啊，用小朋友氹我免費幫佢個仔補習。我當然唔睬佢，好仁至義盡咁，介紹咗個名師俾佢，但人哋阿媽嫌貴，我都冇辦法。
然後前幾日，有個半年唔聯絡嘅中同，完全一句問候都冇，就send message過嚟，長篇大論咁講自己黎緊個偉大project ，需要approach 外國客，講黎講去。其實就想就搵我幫佢做免費翻譯，仲要幾頁紙咁長嘅翻譯。我念在咁多年交情，好委婉咁講，我最近比較忙，幫唔到你。佢竟然可以再send個message過嚟，話自己其實唔係咁趕，話可以等我遲啲無咁忙，再幫佢翻譯都唔遲，真係黐X線，我真係勁想爆粗鬧佢。
5個讚
你啲朋友都好唔識做，錢都無諗過出叫人做嘢。
我老公都係人肉翻譯機，無錢無SＯ無乜必要佢都唔幫我翻譯。
1個讚
香港人特別係咁，搵人幫手好厚面皮，只要你有任何專長，身邊親戚朋友，那怕搭上搭都想利用你，仲要用到盡，你唔幫反而欠對方人情
5個讚
咁我相信你喺佢做完呢個偉大project之前或者永遠都應該會好忙 
同佢講：我冇做翻譯好耐喇，你比一萬幾千會搵到專業人士幫你，投資呢啲錢落你個偉大project到啦
我有單同你差唔多嘅
當時我人在外地，個friend問可唔可以幫佢買個名牌袋，但唔係佢自己要，係幫人問嘅，即係搭上搭
咁都不特止，佢畀我張相仲要唔係官網cap圖，而係去舖頭影嘅，爆曬閃光燈，矇郁鬆影到鬼咁樣，連畀我嘅product number都係錯，上網完全check唔到
原本呢個係最friend嘅中同嚟，估唔到佢可以咁樣做人，呢啲咁"破格"嘅request可以連filter一下都冇，就直接攞嚟同我講， 重要"功"(賣人情)就係佢嘅，"勞"就係我嘅，自此之後都冇再聯絡過
3個讚
啲人真係使人唔使本，樓主補習個單
搵埋補習老師做得好。至於翻譯個單
其實可以睇下出面人地收幾錢做，你
就報個價比佢。
1個讚
介紹佢用chatGPT，何止翻譯，成個project都可以幫佢做埋
而家呢個年代，搵電腦好過搵人幫手做嘢
4個讚
時間上無捐失，但個心唔知點解戚住戚住，如果唔係，就唔會上嚟開post。
可能我一直當佢係朋友，但佢咁耐以來，佢只係當我工具人。例如失戀先搵我，明知我中咗COVID，都扯住我傾到淩晨兩三點，冇關心過我嘅感受。同埋我好反感，我巳經好婉轉咁講唔得閒，佢竟然仲chur 住我，話等我遲啲無咁忙時幫佢，好似預左我一定幫佢咁。
1個讚
俾我兩者都唔同佢客氣，直接同依啲人講，哦，我補習／翻譯一向收開幾錢，見係你就俾個discount你（dis咗都要貴嘅
），不過我個期好忙，要等下喎。
2個讚
其實都係，有來有往嘅話，少少嘢我唔介意幫手。但係問題係佢而家要我翻譯千幾字，佢講到自己個project好勁，好似我幫佢我有著數，仲擺出高高在上嘅姿態，要打電話同佢傾，我係好反感。
因為呢個人識咗好多年，我一直好支持佢。
如果我咁做，就會冇咗個朋友，我做唔出
有啲人就係咁，有理無理叫人幫咗先，我以前都有個咁既所謂朋友，大家讀夜校同一個course, 佢可以話自己英文唔好叫我幫佢執佢份功課，去買參考書嗰陣叫我幫佢揀埋書，聽書啲concept 唔明，捉住我大半日叫我用中文解俾佢聽，佢幫老細訂嘢唔識online 訂，叫我教，教教吓即係我做埋。同佢講唔得閒係冇用咖，一X樣，又係話自己唔趕，叫我遅啲俾佢都得。
佢地慣用既技倆係，懶係by the way 咁問你識唔識乜乜乜，你如果話識，佢就好好口讚吓你幾句，然後下一句就係叫你幫。
以前細個唔識拒絕，但後尾發現呢啲人有著數嗰陣唔會預你，所以要識得拒絕，你幫咗佢，佢暗中當你儍仔，試吓幫9次，只有1次唔幫，你就變咗衰人。信我，我係過來人，千祈唔好咁儍。
6個讚
咁唯有話唔得閒，拖得就拖…
不過佢咁既態度，加埋咁耐無搵你，
你唔幫佢都一樣有可能一樣唔年搵你
