嘩！中哂呀！我就係一直幫開佢，依家終於大個醒左唔幫，但又覺得自己係衰人。
佢真係有著數從來唔預我，以前有一次幫咗佢，佢話請我食飯，之後側側膊想扮唔記得，我逼佢請，請完佢就黑我面。我而家諗返起覺得自己真係太傻太天真
1個讚
我正想講
以我性格我通常已讀不回，當笑話睇唔會嬲
5個讚
我有個fd 係做律師，另一個fd係創業小型公司老細，成日小小嘢就叫我幫佢問律師fd d 嘢係咪咁。佢好似覺得問一句好閑，但間唔中又一句間唔中又一句，律師諮詢費都要喇咁。
成日叫我代問搞到變我欠人人情咁，頭幾次唔好意思推佢真係幫佢問，而家諗番覺得自己好豬。
1個讚
我試過朋友問可否幫佢係英國買名牌手袋？因為想要個款香港冇，我立即話可以……不過要比左錢我先（full pay), 因為英國我用debit card，冇理由用我錢幫你買袋，仲有運返香港途中有咩事我唔會負責，嚇到佢唔敢再問
7個讚
吸引力法則
呢類人你估佢地唔識搵老襯咩
梗係揀啲不善拒絕嘅老好人
Say no 最好就清清楚楚一刀切
唔使俾對方覺得你仲有位入
一而再，再而三咁去試你底線
4個讚
我都試過有個舊同事,好耐無搵我,之前無啦啦好無禮貌咁係FB MSG我問我租務問題,我答完佢之後,佢唔該都無聲又消失左 
我之前都試過呀!約左個中同帶埋小朋友去樂園玩,咁我買飛有會員價,佢就叫我幫佢同另一個我唔識既FD買飛,我買完之後佢話佢女病左黎唔到,佢自己賣左自己張飛(我懷疑佢收正價),叫我當日係門口幫佢俾飛人
佢最BK係當晚佢有同佢個女去第二道玩,仲放相上FB 
1個讚
介紹佢哋用ai bot啦，好好用，十秒搞掂。至多自己要花少少時間執下
我都係呀,因為我屋企人做地產,所以D人好鐘意託我問問問…
之後我既解決方法係直接當佢客咁彈俾我屋企人,有D最後真係變左生意既
同意，前排我諗住揼封投訴信俾漁政，醒起有ai ，真係十秒，搞掂
我仲叫佢揼唔同意景嘅黎俾我參考，又得。
我後尾有俾卡片佢叫佢自己打去問，佢有公司諮詢服務，叫佢問下點收費。但佢都幾厚面皮，話唔洗喇我問一次半次。不過佢應該知我嬲嬲地，之後就冇再叫我做中間人幫問。而家諗番覺得自己真係要早d 拒絕。
1個讚
仲有啲人係覺得幫你一次半次，然後老奉要你十倍奉還。最好你成家都幫晒手去還。
當年人地嘅幫忙當然感激一世，但事後數以年計嘅托手踭，不但多謝唔該都無一句，仲要擺出大姿勢想你硬食。呢啲關係又係可以byebye
絕對明白你呀！我的親朋戚友，唔識嘅日文又走嚟問我，去日本旅行訂枱食飯又叫我打去訂，有d product想預訂，又叫我打去問下有冇貨、在試身室留低條頸錬，又叫我打去人哋間店問下，真係好多呢啲人，然後幫完佢真係一句thank you，然後10年都唔再聯絡你！
我舊老細都係咁，離職既時候已經交代清楚所有野，頭半年問番我公司啲嘢，我都ok. 之後耐吾耐又問，佢好似失憶咁。計計吓都走左5年都仲問。
個流程/問題咁多年都無改善/解決？
該主題在最後一個回覆創建後180天后自動關閉。不再允許新的回覆。