唔係我的BB，係朋友嘅BB，見佢成17個月仲未可以自己行，連扶住野企係到都唔係好得，一放手就成個坐低，觀察佢個樣又同其他BB好似有D唔太一樣咁，應唔應該叫佢去檢查下呢？其實17個月大仲未識行係咪要見下醫生？
我覺得要見下醫生
未識都無咩，但連企都唔夠力就有啲令人擔心喎
不過一講可能會傷感情，係咪喺香港？18個月大都要返健康院檢查嘅，可能姑娘會觀察到都唔定，如果無事發生先再考慮提出囉…
點解你覺得17個月大就儲識行？
健康院護士講過18個月前要識行，因為我1歲返去時，我女未識行，同月果d已經行得好穩，我女14個半月先行得穩。
我個仔係13個月可以自己行。
17個月未識真係要見吓醫生，而且樓主提到BB連扶住嘢都企唔穩，又真係誇張咗啲。
我小朋友係14個月自己行. 17個月連企都唔得一定要睇醫生.
我個仔8個月已經扶住企，12個月已經周圍行。17個月連扶都唔企就真係好慢。
我囡依家18m已經跑緊
步行嘅底線係 18m
但如果連企都唔穩就好嚴重
一歲應該已經係警號
正常係夠力企只係未敢行
如果連企都企唔穩，真係好需要睇醫生
應該要去檢查。
無事就當買個安心，有事就盡早醫治。
Book健康院都可以做轉介，要快快正視問題
阿女13個月，跌跌撞撞咁算係自己行到
如果有返健康院打針，見姑娘嘅時候都會簡單問吓小朋友嘅成長
例如我個女6個月時就問佢識唔識坐、坐得穩唔穩，果時阿女仲未可以自己坐穩，姑娘就話一係9個月返嚟見醫生（正常9個月係唔需要返健康嘅）
健康院指引就話18個月前識行
我仔就黎15個月
但都只係放手企到幾秒架行到兩三步就跌/搵求救
我就唔會同其他小朋友做比較
每個小朋友時間表唔同
但如果你bb 已經17個月都未放手企到
就可能自己要留意下
佢係信心方面唔夠
定係真係腳仔嘅力度唔夠？
平時係屋企點樣幫佢練企同行路？
其實呢啲唔係同人比較, 係幼兒生長數據. 跌出個range可能有問題.
8個讚
同佢唔係熟到無所不談，所以諗緊出唔出聲好，因為佢對仔女好有要求，對大女要求佢要讀名校，我驚佢會嬲，但同時我覺得細b係奇怪，即使17個月未識行應該個人都有一定的硬淨程度，但佢仲係好軟奶奶咁，好似9個月大bb咁，當佢話已經17個月大我都有d驚訝
其實會唔會佢自己都知亦睇緊醫生? 或者你間接問下佢bb去健康院定私家打一歲同歲半針, 順便問係咪有得免費做啲咩檢查. 你冇小朋友就話幫親戚問.
Same,我嘅小朋友都係9個月返健康院檢查雙腳夠唔夠力，而佢14個月就會行。
有無比機會BB練習走路先? 如果無特別練習, 17個月唔識行唔出奇呀
又唔覺，因為去公園都有俾佢落地，但一定要大人戚住兩隻手先棟到個人係地下，連瀡滑梯都要扶住瀡，所以有時都分唔到係大人太保護定能力上做唔到