喺屋企冇人扶住，自己企唔企到？
如果喺屋企冇人幫都企唔到，就係能力問題
當然都要睇下大人之前有冇俾機會bb學同練企
係屋企情況我冇問，但係街我見其他1歲上下的bb都係一放落地就自己行唔使扶，所以先覺得奇怪
又唔係密申全部唔使扶嘅，但就算行唔穩要人扶嘅bb，至少都可以自己企得穩
但你好似話你朋友嘅bb連企都唔係好得嘛，咁就真係最好去健康院跟進下
其實佢係第2胎應該係知有問題，可能佢有睇醫生？
咁…你少為佢擔心，佢一定知發生緊咩事及跟進緊
其實之前都有提過下1歲幾仲未識行嘅，但佢話細b冇問題，識得模仿大女，所以我覺得佢應該冇去問姑娘醫生意見
如果連企都唔太ok其實一定要睇醫生
你講到佢個樣都有d唔同，可能家長都知係有d特別？
不過接唔接受到係另一回事
如果佢咁答，我就會點到即止。
到佢考N班/K1，自有分曉。
我試過見到個客的仔行為上有點似自閉症，但當時太細個，唔可以一概而論，我婉轉地問，佢當時都答我唔係，只係內向，怕生保等等原因。
到個仔大大下，個客主動問返我 佢個仔唔係點講嘢，唔同其實人玩，又同人無眼神接觸，我建議佢去做test先證實真係自閉症，要讀特殊學校。
1個讚
親戚嘅B B， 14個月大，已經係圍欗內，枎欗竿周圍行，
我記得以前仲係細佬仔嘅時候，見過有兩、三個（老表），仲未企得穩就突然之間識得行幾步，這情況大概一歲前後發生，
18個月係底線.
但見多數係15個月前就識行
如果17個月都未識, 九成有問題
行只係一部份
就算18個月勉強行到, 大d 實發現其他問題
我個6個月時都係坐唔穩, 9個月時要返健康院. 雖然之後14個月識行, 但再大就發覺行得差, 到4/5歲落樓梯都係唔穩. 先至明佢核心肌肉唔夠力, 要做好多額外鍛鍊
我女都 8.5m 先真係坐得穩
6m 先啱啱識轉身
但佢 6.5m 爬，7.5m 企
8m 其實已經扶行
一歲行得穩喇
認同 18 個月一定要識行，最低最低要求都要扶住行到幾步。2 歲就要識自己行到路。
驚係有其他問題，例如耳水不平衡、眼仔出事，導致佢搵唔到平衡感行唔到路，或者係腿部肌肉弱、骨頭/髖關承受唔到重量。check 過冇事可以順其自然，但如果 touch wood 有事，會後悔自己唔早日求醫。
如果讀 N 班都未識自己行好大鑊，跌親唔識起身會畀其他細路踩扁。
正常1歲就要識行既
聽完都擔心
既然有第一胎應該知一般小朋友發展
無理由差咁遠都唔留意