一月出左證書，個個都話好事黎好有運 
但係開始睇樓就遇上疫情，一堆話唔好入市、一堆就話係時機 
到宜家睇左三個月，兩公婆舊首期話大唔大話冇又唔算冇，入息供款又好似抆抆地 
一直都好苦惱…有冇過來人分享一下心得？ 
另外…如果買得成，兩公婆可能得返4位數字積蓄 
我仲好唔好用埋呢度30%讀個為興趣﹙有30%機會創副業﹚既課程好？
另一半想我開心就支持既…但我又驚太任性！想多啲過來人比下意見
利申︰岩岩新婚未夠半年、計劃兩/三年後先有小朋友
買完自住計咗小執家俬電器必須品未？點除便都十幾萬…當你本身已經計咗條數兩公婆得返4位數好危危乎，入息供款又危，有冇評估一下兩公婆未來呢一年經濟差保唔保到穩定工作入息？
我覺得唔係關乎係咪入市時機問題，係可唔可以係能力範圍控制到嘅問題…
純粹建議要考慮清楚…
二手居屋樓按一定要睇年份，未補地價居屋，樓齡一到30年得返6成按。例如，幢樓今年已經廿五年，你借9成上車，5年內，你要還足3成按揭錢，c兄諗清楚，計清楚先好
2個讚
咁係計曬既，預左裝修傢俬一舊錢
同埋我地兩個係做會計，應該比較穩陣
所以都唔知係咪太大想頭…
我地都已經係搵啲20年樓齡內既樓 ，
一般銀行就話白居二既按揭好易過壓力測試，
24/25年供款應該可以，
不過…我地又煩緊一個估價既問題，銀行估價係視乎首次發售既折扣率，咁究竟係睇出售證定係樓契呢？
有冇CHing知道呢？
如果計劃2-3年後生b，裝修更加唔可以求其，供樓奶粉錢以外要考慮到時好大機會要請埋工人姐姐
1個讚
我上個月已經收左樓
銀行估價係睇賣家張準賣證個折扣再用市價去計，睇下洗唔洗補錢上會
你可以搵按歇agent幫手，星咩谷果D,經佢地介紹做按揭有多幾千蚊回贈
基本上政府擔保期內，層樓又冇問題的話，按揭有呼吸就會批
行山銀行批得最快，一兩個星期就搞掂
有無再搵平少少？
就咁去地產舖問？
我都想用綠表買居屋
(私人原因一言難盡)
搞清楚了, 應該出售證會表示係重售果個折扣率=樓契.
但業主唔肯比我地用佢地個證去銀行問實按揭成數
再平就要住到離市區好遠, 我地又未必慣… 所以都一直心大心細
一般都肯，你可以問經紀拎
問左. 佢唔肯, 要我地拎埋支票去見佢地先睇得.
我冇理到佢, 暫時唔約佢地住
佢唔肯的話你都可以按佢個地址搵到佢折扣額，銀行估價可能耐少少囉
我覺得如果連估價都要拎支票，多數佢開價同銀行估價有唔細嘅距離，你可能要比多d錢上會
分享一下， 2014年 當時男朋友用單身抽中白居二機會
睇左屯門， 天水圍既樓
最後決定睇定屯門一個居苑， 叫經紀有盤有通知
大大話話都睇左十個左右
但好多時係未睇已經被人買左
好彩最後用20x 萬 買到約584尺 2房單位
月供要8千幾
當時呢個供款係我bf 入息一半
首期20萬， 裝修連傢俬20萬， 律師仲要唔好彩搵左2個， 經紀， 雜費等。。真心要預50萬
當然 到而家都慶幸有自己既家， 幾年後既今日
2百幾萬 真係搵唔到
一般居屋係3-5成折扣率 上網應該check 到
好彩唔好彩佢係重售單位, 有兩個折扣率. 搞左我地勁耐先搞清楚個折扣率估到價喇 
多謝你分享~
聽講而家銀行估價好保守
不過白居二有政府擔保
應該影響唔大
1個讚
政府擔保期內就係
（好似30年）
過左30年既樓就無擔保
借得六成
1個讚
白居二如果樓齡20年內，可以做九成按。因為有政府擔保，銀行基本上唔睇估價架。你可以睇下呢度介紹：
我自己有間沙田愉翠苑三房想賣，可以做到九成按，有興趣可pm我啊
利申：絕非經紀
居屋真係唔了解，但我見樓上有好多位解答，我都學到唔少野。感激。
我諗白居二同私樓一樣都要做壓測，記得一定要先去銀行做預批，唔好茂茂然簽買。如果簽左先發覺上唔到會就大件事。
如果比完首期得返四位數…真心驚嚇，一般家庭起碼要預半年開銷流動資金。
就算唔係，都要預印花、律師費，二手樓又要裝修置傢俱…
好搏下喎… 再計一計數先啦。
2個讚