我都放梗屯門三房居屋綠表/白表都可，有興趣pm我啦
行山銀行話睇… 爭成60萬 
其餘果啲就有計既, 先得返咁多多…
唉, 呢個世代買樓, 真係唔想靠屋企人係唔work既… 唔買同佢地住一樣係靠佢地
太早中左個白居二, 都有好多野要重新考慮
Hsbc都係，離晒地架…
1個讚
樓主要市區？budget 幾多呀？
400個左右. 兩房咋
查按揭通常一次過查幾間，行山同HSBC同系統，試下去渣打同BOC check. 渣打通鬆手D.
有查埋BOC, hea我話會覆會覆. 成個星期都冇電話收到
銀行通常一個財政年度完之前追數，所以二、三月跑數會進取D. 你四月去check咪冇咁落力囉。
咁都冇辦法啦…4月先睇到岩心水呀嘛 
你搵星之谷，佢地可以一次過check晒幾間銀行估價
1個讚
哩個價應該天水圍同粉嶺比較多盤
1個讚
如果計得掂條數就上車先啦, 唔買都要租, 放棄左下次唔知幾時先再抽到。
1個讚
唔大諗頭丫…
年輕新婚夫婦想有個屬於自己既家好正常
我識好多朋友, 想上車但又要一手新樓blablabla…
到宜家仲捱緊儲緊個首期
你兩公婆個行穩定,人工仲好穩定咁升
年紀又唔大(應該)
點解仲要猶疑, 白居二係好好既上車門檻
利申: 過來人,捱過左最辛苦既日子
1個讚
我同先生都係啱啱買到私樓上車盤做9成按揭，雖然唔係白居二，之前抽左幾次居屋，正苦首置盤都唔中～
買樓計數，估價，銀行按揭，上網爬文呢個過程都幾漫長同折磨耐性，樓主加油呀！
1個讚
今次放棄左可唔可以再抽？真心而家入市仲要買完剩返幾千蚊，萬一有咩事急用錢咁點算？或者裝修中期出問題要加錢執漏呢？
或者買遠啲平啲細啲，你地做會計遲啲有能力咪換樓囉，好過而家搏咁盡咁辛苦啦，上會後食餐好少少都要就住就住
冇得再抽了. 家人就係擔心斷供問題… 但未補地價又甩唔到身
未補地價好難甩身呀…
未供滿都可以賣返俾白表綠表嫁？
到時有返筆首期+儲蓄可以換私樓？
唔預住一世就買住大西北一房上車盤先囉，到小朋友出世開始讀書先換樓