阿女7歲，我地身在外地，讀local school year 2
由細到大都知佢無咩興趣讀書，對學術係零追求
到依家嚟左外地情況仲差
學校已經無功課，淨係每日派本故事書要佢讀
佢都可以讀到拉牛上樹咁，但求讀完十幾頁就算數可以去玩
有生字唔識，佢無興趣去了解字義，甚至我陪佢一齊查字典都嫌悶，更唔好話主動去學習新知識
可以點樣motivate佢對讀書的興趣同埋培養良好的學習態度？
對住唔鍾意睇書嘅小朋友，咁做係大忌
我以前喺學校做家長義工負責講故事，有人會教我地點樣講同家中伴讀，佢地都教，盡量用故事內容去吸引小朋友睇，而唔係用正字去吸引。
你試下戒丫，唔使睇睇下窒住左，話唔定佢會好啲，培養閱讀興趣，同提升語文能力，喺你小朋友目前階段可能未可以一齊進行。想佢鍾意睇書，唔一定要局限英文書，可以係中文、漫畫、甚至係無字嘅繪本。
1個讚
身邊同學學習態度如何？睇唔睇書？呢個年紀好講peer pressure, 如果班內有人做書蟲係怪，或有其他興趣更吸引，咁自然唔會去睇書。樓主不妨先了解下。
另外，香港睇書程度係點？銜接返香港睇開既水平先。如果學校本reader 深過香港睇開既佢想避係好自然既事。
直接迫佢睇，唔睇無得玩。
睇有關佢興趣嘅書先，就算多圖少字都好
盡量唔好judge 書嘅內容字數風格。如果可以的話，佢掂下個書皮都開心地讚佢，目的係associate 睇書係開心事
2個讚
屋企近唔近圖書館？
我諗我會突登帶佢去圖書館，初初逗留一陣，然後過一排又去吓，睇吓佢會唔會有興趣逗留圖書館，有興趣就密啲去同留耐啲。
係香港，有時我都幾鍾意學校要做吓啲閱讀報告（初小好簡單，寫吓個書名同作者＋幾個詞語或一句短句）
咁樣就點都一定要去圖書館。
之前睇過本ib 狀元嘅心得話佢細個都係成績唔標青同唔鍾意睇書，有一次小學家長日後媽媽就開始隔星期帶佢去中央圖書館，佢媽咪冇逼佢睇書借書，但離開圖書館前都會去間delifrance 度食蛋糕，佢都係慢慢由「覺得去圖書館係開心事，唔討厭去呢個地方」去到「不如攞啲書睇吓」去到「自發鍾意睇書」。
我自己好深刻印象因為好佩服佢媽咪冇捉住佢睇書但又引導到佢鍾意睇書
11個讚
其實閱讀真係會有咁大幫助。
講真，我小朋友鍾意睇書，但我睇唔到佢可以應用番出嚟咁，好似叫佢作個句字或寫吓簡單感想，佢就好似腦便秘咁話諗唔到呀。唔好講作短句，叫佢寫番個中文字或英文字佢話唔識。
唔知係咪小一仲係太細個。
input 係一件事，output係另一回事，你呢家係講緊output.
output要練，practice make perfect。sosad講句就係寫多d，做下練習，密d做=操
另外，小朋友睇咩書？質素如何，吸收如何，都好關鍵。
當然，想free d 既話，有睇已經好過無睇了，其他的如果唔心急應該都可以由佢慢慢黎既，岩岩先小一。。。
我小朋友暫時睇老鼠記者(英文版)，但只選擇性睇厚硬皮書。
中文最近睇老夫子。
成日係圖書館都話搵唔到啱嘅書睇，要我幫佢搵，我搵完佢又唔滿意呢樣個樣。
如果唔特登操，小朋友會唔會有一日爆發，定唔會點都要操先得?
因為我都唔想太迫。
咁可以參考下佢學業成績如何，如果無咩操都ok, 咁繼續都得。
但如果仲有d要求，例如識寫識用，grammar 錯少d, 就做返適量練習lor, 唔迫。
睇書個度，問下同學仔睇咩，呢家佢地興睇咩，睇下有無朋輩影響
又或者由鍾意既野入手，如unicorn, rabbit 之類，搵差不多有公仔又彩色既書引佢。
有時圖書館太多書唔知點入手就睇來睇去都個d, 你要插手就要做定功課引導下佢，由佢最埋身同鍾意既引起。
佢唔滿意你既書時都要了解有咩唔鍾意，例如我女話無彩色，太多字，我真係會調教返。
雖然佢其他同學都睇黑白多字，我又唔會去比，有時低能d但睇得開心我都盡量唔阻佢，最多做返2篇reading comprehension 補數
老老實實應該睇書同寫嘢冇咩關係，自問係一個鍾意睇書聽音樂睇畫食嘢嘅人，但我對以上全部嘅making of 都唔識同冇興趣。
但鍾意睇書嘅人通常唔怕睇字，咁對學習嚟講係好好，因為可以睇多好多唔同嘅解釋同例子。
有介紹過，不過我小朋友無視。
禽日係圖書館介紹咗本stick cat，本來佢都無乜興趣望吓個封面就算。我打開本書睇，見本書有提過stick dog唔知仲乜佢叮咗一聲就願意借本stick cat返屋企擺，無錯係擺唔係睇。
你拎黎睇，睇完大聲笑又唔講笑咩，佢一定好想知。
講睇畫，係幫助，因為我識畫畫，有時睇畫係有零感。
1個讚
我有讀俾佢聽，指住個段句字佢自己睇到。
我意思係吊佢癮。佢扔埋一邊即係唔馨香，你就同佢爭本書，唔好餵落口
你依家做乜都好，佢都認定你迫佢讀書。
要從第三者，學校、朋友入手
老師鼓勵讚下、朋友間睇書互動，先會令佢有少少動力拎起本書。
1個讚
諗起家有喜事周星馳中咗陳淑蘭一拳嗰一段
1個讚
身教。以身作則。