見你打一大篇野幫到盡啦樓主。你換一換角度睇佢其實同隻屁孩差不多。你仲話生仔，攪掂呢隻屁孩再講啦
10個讚
傻啦~佢只識同更好既人比較, 得一想二, 你都識叫佢同蔡天鳳比啦 
其實你宜家都話最快八月先番香港搵工啦, 到搵到工又要做三個月先可以擔保佢買樓, 佢宜家睇樓黎佢都無錢買啦, 睇黎做乜?
我都覺~
或者到時佢又push 樓主"親口承認"想生BB
到時未懷孕又賴係樓主精子有問題云云 
2個讚
我明有咩問題喇 
你講得好好, 我會試下轉mode 
唔洗dhl，我在香港可以親自送，全身鏡都ok 
如果樓主想知你講野有咩問題，就係d尾音。
我明白你打字時好多時加d囉，啫，呀果d只係加強左口語既感覺，但係文字無語氣好易俾對方(同你對話既人，唔係淨係講你太太)覺得係唔耐煩既囉，啫，呀。
點解我知，因為我老公成日都話我一有依幾個字就係唔耐煩，久而久之我發現又真係咁樣。
我估，以佢講野都係咁spin走既話，佢會assume 其他人都會咁。有機會太太係"覺得"(你知啦，女人覺得你係既野就即係事實黎嫁嘛)你唔提或者佢提老依樣事實出黎你就講其他野，佢就"覺得"你係同意佢老。
下次佢再提老你咪順佢意問返佢，大家都係過左幾個生日，年齡距離有無拉開過? 人有得老先好。
老老實實，仲係keep住咁loop，遲早散。依家先6年幾
common，但真係不自量，又唔識搵老細
又無model身材，環姐既樣貌，陳方安生既智慧，單憑煩音同港女格，何得何能有依d野。
5個讚
solution! 可pin!
我都覺得樓主依然好想"cool" 煲
覺得6年情完左好可惜
但問題係樓主眼中就覺得係6年情
樓主老婆就覺得嫁左俾個滿足唔到佢買靚樓生BB 俾佢炫耀既好老公
又唔識叫老爺奶奶抬錢黎幫佢上會
覺得浪費左6年青春響佢眼中無用既男人身上嘛
樓主不如掉轉諗, 佢咁多要求都係$$$, 既然你俾唔到佢, 不如你放生佢去搵個譚仔個仔咁有錢既第二春算啦
3個讚
想拜金但又蠢，想要依d野係搵sugar daddy唔係搵老公。
3個讚
其實再順住樓主老婆講都只係成魔之路，不如認真講下動之以情，話樓主以前鐘意佢係因為xxx，但覺得佢宜家變哂，關係只係得比較，見到人哋好但無覺得自己老公好，日講夜講買樓同嘈以前嘅嘢。
同埋佢似唔見得身邊既人好過佢。
你盡地一鋪話想離開，可能先有轉機。佢會反思下自己性格。(不過唔知佢身邊有冇啲姐妹打樓主毒針，咁就煩)
3個讚
好認同…
我阿媽都係呢啲格, 年紀愈大愈難頂, 我都係用 “順住佢講野” 去應對… 但慢慢發現開始溝通唔到… 因為我唔係真心認同佢講既野, 每次都係答 “哦, 咁幾好呀” / “係啦係啦, 我都覺” / “邊個邊個真係衰”… 慢慢會發現同佢無話題… 佢關心既野我唔認同, 我講既野佢無感覺 
除非樓主可以完全大愛去包容所有野, 但睇佢既應對, 都係據理力爭既人 
3個讚
我都覺, 但樓主就係狠不下心, 仲想挽救, 注定係被老婆一世食住
有心說話叫"置之死地而後生", 我認為樓主要玩到真係一心想離婚, 完全唔想繼續, 老婆講咩都唔理, 先有轉機。
當樓主想豁出去, 話想離婚想走。
到時老婆又會喊住話, 個個結左婚都係買靚樓、生仔架啦。係我宜家就到四十咩都無咋, 係你搞到我咁
樓主又因為6年情心軟, 然後件事就會loop 番轉頭
4個讚
唔repeat 樓上好多都講咗很好既意見
重點唔好放棄個 PR呀！都辛苦咗咁耐，點都攞埋PR先走～
或者你住居緊既city 你唔太鍾意，但加拿大其實好大的！可能你會喜歡另一個city. 係，冇阿媽家人響身邊係慘D，但你有個PR 多個option 比自己。可能你屋企人唔會移民，但佢哋可以過來探你嘛
真人真事：朋友媽咪70幾歲冇諗移民，
5，6年前過來探佢時竟然愛上咗呢到，依家佢住得好開心
5個讚
得罪講句
應該係三十歲見到仲未有sugar daddy 要佢, 又見身邊朋友都有著落嫁得出
所以先"唔介意"姊弟戀同左樓主一齊, 然後催當時岩岩出黎做野既樓主兩年內結婚
但樓主兩年內無娶佢, 佢都唔分手, 仲等夠四年等樓主結婚, 即係佢都知自己無市場啦。
個情況同佢想買靚樓, 又一開始買唔起, 樓主家人又唔願意幫手上會一樣, 咪買住佢口中既"垃圾樓"先, 但仍然心有不甘, 一切只屬騎牛搵馬心態。
3個讚
其實佢係煩，但你態度都唔係好囉
同埋冇乜技巧，會令佢想拗贏你咁。
不過欣賞你嘅深情，祝你好運。
5個讚
你一句，我一句
沒完沒了
硬碰硬，無好結果
淨係睇字都覺得煩
2個讚
樓主我覺得你要出大絕先會令你老婆醒覺
而哩個大絕就係離婚，離婚後你老婆就會醒覺，佢係唔可以失去你。到時你咪等你老婆挽回你，仲好，主導權就落返你身啦！
1個讚
正路係咁。但覺得樓主驚玩大左。
同樓主決定畢業返香港係有冇錢銀既concern? 見佢講本身有8000要老婆support。
同如果樓主唔返香港買樓，唔跟老婆個套，佢可能都唔夠錢租樓？會唔會係現實考量所以堅決tum老婆？
我都只係多角度分析。
2個讚
我都想夾錢
樓主，你放過佢放過自己啦。你一定可以有更好選擇。
呢個所謂老婆算吧啦
3個讚
我想改善關係，唔係散
我明你地覺得出大絕大番佢可能得
但我自己覺得係會離左婚之後work
以佢咁鐘意一枝箭衝, 唔諗後果，衝完先後悔既性格
可能會離完婚先覺得我唔係佢諗到咁差
但到時都無意思
我冇錢銀問題，番香港唔做野2，3年都餓唔死
問老婆攞錢一來食老本係好冇安全感，
二來佢講過如果比佢可以繼續係香港番工就可以支持, 總好過2個人都冇收入,
全部都係佢自己講, 點會諗到原來係咁
都係似其他網友講, 果陣佢最想保住既就係份工, 咪試下講完會唔會OK,
我唔係幾百萬未開頭可以完全唔care冇收入
亦一早預左夠數過黎讀書，但冇左收入個戶口係咁扣始終係會不安
我冇果種 “男人應該點，女人應該點既觀念”
覺得佢有收入咪幫輕下，換轉係我
我都會做番一樣既野
我每次聽到你係男人, 所以應該點. 我都覺得好哽耳
咁, 係女人就會係個男人冇收入既時候叫佢夾多D首期等壓測易D過?
係問老婆攞錢, 但係咪咁就係食軟飯?
我又唔係有工唔番躲係屋企, 讀完書有沙紙有PR.
好多謝好多網友戥我唔抵抱不平,
人心肉造, 突然話斬就斬真係唔人人做到,
其實依幾日都愈呻愈灰, 灰到盡頭就會有出路
依種精神狀態我都捱唔得到耐, 一係就好番, 一係就死, 唯有等時間過
不過有你地陪我D時間易過D姐
1個讚
其實一路睇，都知道你會想挽救段婚姻而唔係想分開，其實唔係壞事嚟。
離婚容易，簽張紙就得，而堅持落去係難。
有時呻下都好嘅，呻完，訓醒一覺又係新嘅一日。呢度嘅大門永遠都會打開，呢度嘅朋友都好好。
另外，既然你係想挽救，你要好認真咁同太太講想傾一次，大家要平心靜氣，再嘗試下。但如果真係唔work，希望你唔好再難為自己。
2個讚
樓主 我想講，你老婆係嚴重缺乏安全感，先會變成咁。你去左讀書，佢驚你搵左第二個。
呢樣野好難解，你要話比佢知，但唔係要話比佢知你唔會走，唔會搵第二個，忠心不二，唔係比佢知知佢食住你，你一定唔會走。因為安全感係自己比自己，而唔係人地比。
另外，呢段時間，決定左去諮詢，就冷處理。專心讀書，拎埋pr先好。
p.s. 試過兩段long d
同想同你講，勉強無幸福，有d野work就work,唔work你做咩都你死。同你宜家一樣，講咩都錯。
問心無愧，你最後一次盡力，同自己講呢次唔得，就放手啦。
好好諗清楚你想要既係咩生活，而對方比唔比到你。
3個讚