你當我想呻又好, 想發洩下又好, 我都係想救.
心裡面諗會唔會1年後我真係我出足一半首期買到
就雨過天晴
笑咗
我都發現, 明明樓主addressed to the question, 老婆就即刻轉移視線"victimize"自己被人話佢老、loop多次件事、自己唔開心, 咁點傾呀
7個讚
一年後就算比到一半首期, 你到時都已經係PR, 根據你上面講, 即你明年2/3月之前都唔走得, 即就算一年後你返到香港, 你已係PR+tax resident, 你諗下點報稅仲好啦。你有份比首期, 唔會唔落自己名掛。
除非你真係放棄PR
1個讚
多謝你咁詳細回覆
拍拖到結婚完全冇傾過…反而老婆有提出去婚前輔導, 但我果陣覺得多餘
如果唔生仔女, 我覺得大家相處開心就OK, 亦以為結左同拍拖一樣
錢銀我自己都睇得重, 唔講都會想賺多D錢
我仲點敢攻擊佢年齡, 覺得要處理佢驚人話佢老其實已經好吃力
我搵得少就有時講下, 但咁真係少過佢
我過左黎其實先發覺有阿媽同老婆係身邊好重要, 宜家覺得移唔移都冇所謂
我唔知番香港係咪可以乖乖地做豬冇情緒
但過左黎一年, 已經唔會成日都好嬲既狀態, 學識左放鬆同點樣可以開心D
有D野真係好反感, 例如budget 4XX → 5XX → 6XX萬依種加"少少"靚D好住D 既諗法
但一唔講樓同要佢移民, 其他又真係冇乜野
人無完美, 去到邊D位先叫不可接受我真係唔多識度
難保我識過個對手袋好執著…或者要好識哄人
我又唔係抗拒新樓, 大家都儲到錢, 唔係All in, 其實冇乜問題
1個讚
臨走填FORM 轉non-deemed resident
睇黎好多人係加拿大/英國 依個時間回到post
佢chok緊你有無離心，下次直接「好啦，你叫到，咁我試下」，之後收線啦
6個讚
我同老公同ex鬧交最叻就係咁，唔使理性㗎，發爛渣就得，尤其是R著數時
但重點：唔可以長期係咁
個男唔發次勁個女唔識驚
3個讚
洗完碗坐定定覆你呀細佬
1個讚
正常傾到計唔嘈交已經還神.
短既1個禮拜就有野嘈, 長既可能捱到2-3個禮拜
都係頂住先啦, 6年幾感情咁樣完真係唔知jm9
有冇人試過搵counsellor? 會唔會有用
睇完樓主你篇對話，真係身為女人都火滾
最憎人情感勒索，而你老婆每分每秒都勒索緊你
—————
同老爺奶奶同住一屋苑有咩問題，又唔洗你日日走上佢到斟茶跪地，有樓盤岩就睇得買得架啦。
仲係當面講話好憎你老豆，咁樣真係勁冇禮貌。
原因竟然係因為人地話你老，咁你係老，事實唔話得啊？
我同我老公都姊弟戀，我從來都唔會怕同介意啲人會話我老，甚至有時會自嘲添。
——
事實樓主你老婆真心難相處，玻璃心兼港女，人有我又要。佢想要自己會付出都唔緊要，但佢迫緊你，就好似吸血鬼咁，吸緊你血都不特止，佢仲想要你吸埋你屋企人啲錢去供奉佢，買佢心水靚樓去滿足佢。
我知道你老婆哩一刻想要咩啦，佢想要你同佢講，我問我阿爸阿媽借咗錢，你睇岩邊度上蓋我地去買啦～
13個讚
我係女人都覺得你老婆好L煩…. 離婚 真係可以放過自己 同如佢所願比佢搵個有錢佬住500呎新樓。
4個讚
唔好傻啦
一年後你就算比哂成份首期 甚至full pay 到層樓你都唔會雨過天青
由你話佢要400k 到500k 嘅慾望就知啦
到時你有舊大啲嘅錢 佢又要買返大啲
到時可能就話將full pay 舊錢做首期啦
買市區新樓3房2 套啦
一係就買獨立屋添
4個讚
你諗多咗
到時佢就要買600呎新樓
又loop過
佢嘅慾望係無窮無盡
你只會永無止境咁比佢榨乾榨淨
2個讚
樓主同老婆平日傾計內容係咪只得樓？
就咁睇內容好toxic，你要保護自己，正常會勸你斷捨離。
但如果要教化呢個女人，你需要令佢知咁樣怨婦式r著數世上無男人鍾意，而且佢已經去到叫人反白眼同想走佬既程度。
同教仔一樣，先講規矩（重申一次你買樓立場同可幫幾多，講完唔好再提買樓，唔想浪費時間loop），佢一定接受唔到發爛渣，就冷靜收線，第2日再試，仍然keep 規矩，一講樓即收線，不苦纏。
同時你要explore 其他topic 來填滿對話時間，傾下加拿大，你生活，滲下甜言令感情升溫。
如果佢拒絕跟你呢個flow, 死都loop 去買樓同情勒，你要好決絕咁同佢講，再係咁你唔想返黎，你受夠。
樓主，你真係要話比佢知，你到頂既位係邊，而且要佢適可而止。如果界線落晒，佢都唔尊重你，咁都睇清楚個人啦。
而如果你決絕唔到，抵你一世被情勒，唔好呻啦。
以佢性格，離左婚先會覺得你最好。
11個讚
一段關係一定有拉扯，女人要A要B好common，但要識收，唔係無止境，要經營個關係
你將會有PR喺手，工作應該都唔差又有前途，好好珍惜自己個人生
1個讚
搵counselor 要有用，首先要睇下被counsel 嘅雙方誠意有幾多拆掂件事
多數啲counselor 都係facilitate 你哋自己傾掂佢，費事你哋傾傾下變鬧交 or 打交
你可以諗下 1）佢會唔會願意陪你去 counseling 2) counsel 傾完 agree 咗啲嘢會唔會轉頭又反悔
我覺得你哋既問題係佢講咩其實已經預設左佢既立場，佢唔係搵人溝通，係搵人認同佢。想人順住佢講。例如佢話補地價麻煩係想講佢唔鐘意，但你叫佢買。你好明顯一開頭就get唔到佢想講咩。
正所謂崩口人忌崩口碗。你聽到居屋，老，你屋企人呢啲keywords就要alert。我唔係認同佢，不過如果你唔想嘈交就要聽得出玄外之音。
同可能佢自己成日轉彎抹角，佢又覺得其他人都係咁，你明明講個啲唔係咁既意思，佢又get錯你想話佢。結論都係呢個係佢陰暗面。
同有冇得約法三章唔提舊事啊，呢啲嘈一次大既講哂出嚟就好完啦。
同其實宜家港樓都唔會大升大跌啦，可唔可以話買細啲既新樓先，之後再換大？居屋個啲佢一定唔濟嫁啦。
4個讚
同意呀
我結婚前好羨慕我有個朋友婆媳關係好好
結婚後明白到做得幾好都無用
角色上根本有衝突，唔使同住朝見口晚見面已經好好
見面就大家好來好往做場戲。完。
1個讚