之前已經拎黎傾過, 佢話係因為問佢拎錢,
佢話明明我夠錢讀書點解要問佢拎8000,
點解自己屋企有錢唔拎問老婆拎
再講落去就話因為我係男人
佢好似無一個意識覺得兩公婆需要互相照顧, 咁點解要結婚?
第時生左仔, 有d 開支要分擔, 又叫你番去問你媽拎?
感覺佢個人無咩責任心
好似唔覺得需要為自己人生或家庭負責
一有事只識羨慕隔離飯香, 然後怪你俾唔到好生活俾佢, 但從來唔睇別人背後既付出
(我覺得好似俾說話你聽, 因為你無出色, 我先買唔到靚樓, 到宜家都未生到B 咁樣)
10個讚
感覺樓主老婆係想有個可依靠既老公, 等佢可以做少奶奶, 生個 b 又可以放比工人, 自己日日 high tea …
同埋做人太重比較心真係會好辛苦, 我媽就係人版, 就算佢既比較對象終於差過佢, 佢都會不停揾其他 target 去比較, 然後只 focus 係自己不足 …
呢啲價值觀真係好難攪, 趁未有小朋友… 真係要諗諗繼唔繼續一齊… 
9個讚
其實都有嘅，但係我阿嫂聽完就算。
咁佢哋唔搬走，無理由夾硬扔走佢哋啲嘢㗎嘛？大家屋企人都唔想搞到咁僵
不過我阿嫂自己睇錢都睇得咁緊，佢梗係知道搬出去住開支好大，唔想用咁多錢啦。係我媽咪呢度住，仲有我哋經濟援助。仲要有埋工人用。工人嘅錢亦都係我哋呢邊比最大夠錢。
但係我阿哥夠膽死話佢哋冇分用
一個人無賴起上嚟，真係咩都講得出
我都有個親人係咁, 同阿媽住要阿媽湊 b, 然後大家 “平分” 工人洗費。當事人話佢只比其中一份, 因為個工人係大家請比阿媽用, 阿媽只係 “順便” 幫佢睇 bb, 佢地兩個係無用到個工人既…
呢個親人仲有好多其他事蹟, 都令我會同佢保持一定距離…
下，除名就得架啦，你阿媽係戶主呀嘛
你阿嫂咁睇錢，呢個就係佢致命弱點，同佢講你再係咁就唔該搬出去
其實係你阿媽心軟，搞到自己工人咁
一係就唔要工人，等佢地湊返仔自己做返家務，奉旨咩
5個讚
咁有冇同佢講，請工人個時冇寫佢個b個名，係唔可以湊佢個b架，工人可以告你
佢會話, 工人無湊我個 b 架, 佢只係幫阿媽做家務, 阿媽唔洗湊我個 b 架, 接下返放學之嘛…
通常呢啲人都係有一堆好鍚佢又心軟既屋企人, 先可以長年累月培育到呢啲性格出黎既 
7個讚
其實都feel到大概係咁, 不過有D遲姐
有層地鐵上蓋, 有2個仔女, 加個工人, 應該係佢既dream life
佢都落手落腳做家務既, 應該都會湊下仔未至於掉比工人
睇完, 會諗起身邊既某位朋友
(係咪每個人身體都有D咁既人)
其實好多人都係自私
自己做就得, 人地做就唔得
你地而家咁既情況, 生仔真係唔係好
你老婆又唔安心(無心怡既屋), 老爺奶奶關系又麻麻
睇錢又睇得咁重
我覺得你可以做既就係, 無主見, 唔加意見,
你就算講咩都好, 佢都聽唔入耳, 佢對你應該有D覺得你應該聽晒佢講
因為你做野/做事, 唔岩佢心水,
你對佢仲有感情嗎?
(就算而家唔離婚, 之後都係可預視到既拗大交, 大家感情變淡, 日嘈晚嘈, 為錢銀, 芝麻綠豆既事而嘈)
4個讚
Dream life 都可以自己建立, 唔洗 100% 依賴另一半提供 
事實上好多女人揾錢多過老公, 甚至我身邊有人個老公無返工20年, 一樣咁恩愛…
4個讚
我哋真係唔會做到咁絕
不過最近佢哋終於到搬走了
因為細嫂對屋企人實在太過分，我哋忍唔住出聲
我細哥應該頂唔住屋企人成日投訴
決定搬走
搬走前仲係咁WhatsApp 轟炸屋企人
5個讚
算啦, 要走的留唔住… 唯有嘆句緣淺啦… 多啲關心兩老, 得返兩個住係間屋會好唔慣
3個讚
恭喜哂
所以幾時都話仔要結婚唔該搬出去，唔好帶條女返來篤眼篤鼻，費事自己變工人
15個讚
我係女人都覺得佢好煩，又玻璃心。我同老公都姐弟戀，但無人睇得出，其實係佢自卑先咁介意人哋話佢老。
同佢要換新樓都唔一定要一千萬掛，800萬新樓都唔收貨？咪睇餸食飯。
不過如果就俾錢黎講，我都唔太接受俾錢老公。
1個讚
呢個dreamlife都幾港女，但佢冇諗過要付出咁喎
其實你都已經係加拿大，拎埋pr先算啦，否則讀書讀得唔值，至於呢個老婆，趁今次分左佢啦，同唔到佢過人世架，好好係加拿大重新生活啦
12個讚
認同我都覺得樓主老婆係自己有心魔, 所以好多野都 link 去樓主細過佢…
講真結婚時都知道年齡差距, 男方仲係搏殺期, 除非有家族生意可以繼承, 呢個年紀一般仲係儲緊錢 / 建立緊事業。
莫講話男方細過女方6年… 就算我同老公同年, 都會見到同 d 嫁大年紀既 frd 生活質素有分別…
3個讚
我都覺~
反正呢個老婆已經對兩個人共同生活咁多不滿
第時生左仔先鬧離婚仲慘啦
反而拎PR 先係值得宜家樓主擺時間投資既野
可惜樓主一開頭都寫左佢唔想離婚, 可能仲好愛佢老婆
4個讚
趁而家大家未反面就要處理，唔通想去到陌路人先分咩
已經拗左無數既交淡緊, 再唔做D野或者搵到D咩幫手應該都死得…
琴日講起佢有個前同事, 40歲女同左個28歲男一齊
個男既有情緒問題會係屋企丟野, 咁我小個男既痴L線啦
之後老婆繼續講, 話個女既阿媽本身已經好唔鐘意個男, 差12年, 咁梗係唔鐘意啦, D朋友都唔鐘意, 同埋太細唔識控制情緒
我聽完話下, 係咁架咩, 個女既咁大個人, 自己揀個細12年, 想分手咪直接話佢有情緒病, 點解又要搬阿媽朋友同年齡上枱…如果年齡同控制情緒有關就唔會有荷里活單野
佢唔出聲, 我之後都問係咪嬲阿, 佢話我偏幫個男人…之後冷戰到宜家
大佬評論下姐, 洗唔洗咁, 都唔知點先溝通到, 已經唔係大家都燥底咁傾, 語氣大家都正常
跟住又覺得價值觀唔同