ek 呀. ek 唔俾講學校負面野, 大部份學校都唔俾. 特別係個小氣版主本身極鍾意港同, 應該係家教會果類人, 又點會有負面野
1個讚
真係令人難以置信，竟然唔揀男拔揀港同。衰d講，香港間間local school都差唔多，活動極有限。但神校個光環就唔係間間有。好老土，你如果係某間學校出黎，人哋知道會覺得係醒目信得過的代詞。而更重要係，神校功課係超乎想像地少，細路放學後真係可以享受下
2個讚
認同， 識得教係唔駛功課多， 功課多係因為唔識教， 迷失教學方向， 就做大量練習而不求甚解
3個讚
我對神校無感覺，即使到今時今日都係咁諗。不過校名可減少別人不必要嘅關心，是一件好事。
咁你現在唔使俾親友煩咪好囉。
Yes
咁點解嗰陣揀港同？雖然我唔係target 呢間，但我最近都揀緊學校，有時都驚自己一念之差揀咗間冇咁適合。
-
我仔去完幾間open day 後最鐘意港同而我地接觸到嘅學生都好presentable同humble（當時睇ek 被誤導人人有份做ambassador, 但到我小朋友入讀後先知係由老師揀嘅，所以先咁得體）
-
睇太多ek, 誤以為學校少默書無考試好happy
-
當年有rumour面試時有老師提過警察係衰人，學校有出信澄清無呢回事。但我就一廂情願諗住空穴來風，未必無因，以為學校係同道中人，啱晒我呢啲打算讀幾年就走人嘅家庭
-
想仔讀男女校，我唔同時期接觸到嘅LS仔男拔仔除左覺得沙陳得黎無乜料外，無其他感覺，懶係presentable 啲囉。但外國留學返黎嘅非名校生都一樣咁presentable (以上我自己覺得或經歷咋，無興趣引起另一場神校有幾好之戰）
如果你想我俾意見嘅，我好老實同你講，我個細嘅係讀講出黎「嘩」一小聲嘅名校（汲取教訓後咁揀）我又唔會覺得名校師資課程優良功課少，都係咁，只係即使讀得遠，都會少啲人關心你小朋友做乜讀到咁遠而已，因為佢地覺名校讀得遠係值得嘅（但我細嘅讀個間只係10分鐘walking distance)
1個讚
睇黎你對香港教育係徹底失望。 咁小朋友在外國讀私校？ 和香港教育有咩優缺點？
緊係讀state school就近入讀啦
香港名校或要學費嘅直資我經歷過都係要靠父母（你以為名校少功課係教得好？哈，我經歷嘅係學校知你地父母會谷，等你地自己谷飽佢咋）。到頭黎發現最好嘅老師係自己，最好嘅學校係屋企，最想小朋友學嘅係soft skills, 所以已對所有學校嘅野視如浮雲
1個讚
邏輯上，唔係講少功課等於教得好。 而係教得好嘅， 就唔駛多功課。
另外， 你講得啱， 名校的光環， 係家長貢獻的， 最好的老師在家中。
1個讚
我真心覺得我果間少功課得黎教得好，無學術外補都跟得上。當然老師再好都必然有人考第一有人考第尾。
我明白你意思，煮緊飯，打字係亂啲
多謝你詳細回覆，老實講根據呢啲考慮我都會揀港同。尤其係你開放日都去埋，仔仔又對佢觀感正面，我覺得呢樣都好重要，如果有兩個叮噹馬頭嘅選擇，我都會根據呢樣野做決定。
所以問題係將港同同db 二揀一，而呢樣野其中一個原因就係比ek 誤導。我諗我都要借鏡下，大家講自己學校一定有bias，一定會講好嘢，都唔好話其實佢只係同一時期讀一間學校，其實比較唔到。所以用家意見有時都係參考吓… 想贊自己嘅嘢係人性嚟嘅，尤其幫仔女做決定，多多少少都想說服自己呢個唔係一個差嘅決定。
2個讚
x2
小朋友唔係讀以上講既學校，但讀得好開心，學校做晒功課返來又un un腳，好多時間搞自己興趣野，留白既時間好多。
所以差足電，返去又繼續專心上堂，夠考試。如果要成績top 就要外補，我唔駛top 所以無補，見佢咁得閒做下練習就夠。
係，仲係港同時我都唔想同其他人講對港同累積落嚟嘅不滿
Btw 參考用家意見時，千萬唔好聽一二年班家長意見。三年級或以上或見真章。即使spcc, 我朋友一二年級時讚不絕口，到五六年級大失所望遠走加國（佢唔係政治原因走，佢係因個女教育而走）CKY朋友亦如是，而我都係三年級或以上家長。
當然，一間學校咁多人，總有唔同經歷及睇法。所以，同我係其他post提及嘅一樣，父母自私啲啦，如果屋企只係中下產覺得儲多個錢緊要啲，咪讀津校；如果阿媽鐘意名牌嘅，咪向神名校出發；如果阿媽負責接送但又好想瞓耐啲，咪讀樓下算數。
最後就算學校未如所想，以上所提及嘅如留返個錢/面子/瞓耐啲，都仲係到架。總之配合到阿媽生活嘅，個間就係好學校。
4個讚
十分認同，點樣為之好真因人異議，每個人喜好不同，當你滿心歡喜入咗神校名校，隔多一陣咪又係不外如是！咪個名好聴D咁咯！
1個讚
讀讀下港同想轉返出去好難，程度唔夠出面深（即係想再轉勁啲既話）
有朋友小朋友由港同轉去國際學校，而家移咗民啦
可是分享下對spcc點大失所望法