如果家長想重學術 for 升中，三間點排 ？ 小朋友係好動活潑、英文強的。 謝謝
tsl>宣小＞港同
tsl同宣小貴為3私一直，谷谷牌，有學術保證，升中靚。
港同，有龍中，家長無咁緊張，學校發掘潛能重於學術。
TSL → APS → 港同
港同咁受歡迎和出名， 點解好似口碑又唔係真係如此 ？
因為你講個小朋友要academics for 升中+ 英文好，外向d，就咁睇tsl 適合d
唔代表港大同差
我個人就鍾意港大同多d
港同>APS>TSL
輪語文能力，港同唔會比不上，但升中一定係最唔傷和氣。一條龍學校最容易建立長遠讀書目標同紀律。其他學校好多時候係 “為了入好中學”，變得父母緊張過仔女。
同埋五六年級呈分失手，大人小朋友都會壓力大情緒爆煲。龍校起碼可以俾小朋友按自己步伐成長，尤其遲熟嘅仔。
2個讚
我認識一個畢業生、成績入不到U、英文也一般。出來工作表現ok,勤力、但老實說沒有名校出來的那份自信及醒目。
Ps 不代表這校不好、只是我個人了解
參考網上d comments , 一般支持者都係因為港同係龍校， 唔駛再煩。呢類新派龍校咁早(小一）就收定中學學生， 中間十幾年教學是如何能QC 到大部分學生有一定高質考試能力？
反而用家對宣小的comments 有d 意外， 原來初小唔谷之餘仲係幾happy , 功課又唔多。 但依然 keep 到咁好升B1 比率。
你都識講，初小 happy，高小大家搏命架！真係數唔到有幾多間冇中學部嘅小學五六年級係唔搏殺。
龍校舊有 DG/SPCC，新有港同/培僑，中小一家親，所有方針同支援方向都一樣。直資錢多啲，拆組都多啲。小學部初小中英有補底小組分開上堂，高小中英數按程度分組上，全部都係單元小組。即係如果老師見到個學生對於圖形拿捏得好差，但計分數冇問題，咁教圖形嗰陣就去單元小組，教分數就去翻正常班，當然亦有人長期小組。有幾多間官津可以咁好照顧？都唔係間間直私做到。
中學部幾乎科科都有拆小組上堂。而且都算係 project-based learning。例如英文教 advertisement，真係會叫學生拍片同埋做製成品做宣傳。動用好多人力物力，老師少啲精力都搞唔掂。咁大量嘅 input 同埋學生為本，抵佢做到成績嘅。
當然，一早收生，唔代表讀到尾，任何一間學校都有呢個問題。但的確港同個環境係值得投一票。經歷過呈分嘅家長都會領悟到有龍讀龍嘅重要性。
至於 APS 好過 TSL，原因只有兩個：1. 九龍城區升中 2. 男仔拔萃推薦
如果問三私一直 ranking，我會投 KTS 多過 APS。兩間實力唔會差好遠，但 KTS 校舍大好多。
TSL 唔差嘅，平價英小，但派位地區就唔算特別靚仔，亦幾尷尬，冇咩靚 Band 2 學校做 buffer 而且得長期 Band 1C/2A 嘅銘基同埋落車嘅循道係男女校，伊中幾乎係女校。
4個讚
當然揀港同，一條龍，很不錯的中學。
陳守仁11個定唔知幾多個入spcc又如何。你有信心在陳守仁呢班學生中做到頭十嗎？入得陳守仁、宣小，我敢講班家長絕大部分都劍指神校
果六年唔係講玩，仲未講要儲證書獎狀。而且，讀港同如果成績好好，亦一樣可以升中再試神校。諗清楚啦！
真的，競爭好大，我囡中英能力不錯，
當時K3已睇中英文小說，我當時懷了第二胎，
基於經濟考慮，選的一條龍傳統津貼學校，
也想如果真的能力不錯，就再中途轉校。
佢成績考得好，但要考第一第二都係要天時地利人和，
所以都係做唔到。
有龍讀龍會較輕鬆，進可攻退可守。
港同只show每級頭10名名次，11-120名係nobody，要努力發掘其他長處，否則一直係nobody, 即使你小朋友只係和級頭10名小朋友嘅每科分數只差0.5分。
而港同對於九龍或新界親朋好友黎講，係nobody school
係一間nobody school做nobody 12年，你接受到嗎？住得近還好，住得遠嘅，甘心嗎？
另外，有心理準備個別老師好差，同學校提倡嘅正向教育根本兩回事
唔洗擔心學校太happy, 根本隔星期就5-8個評估，突擊嘅還好唔洗溫，最慘係星期三通知，仲要講埋作文題目，星期五考。認識嘅某位級頭阿媽係星期三晚即刻搵定補習老師同個仔作一次，背左篇文去考，隔幾星期如是。working mum就理唔到咁多，但長久會影響小朋友自信心，因為老師除左會上堂show 佳作仲會show劣作（唔show名但前後左右同學都會認到）
利申：前家長，小一尾已想轉校，可惜無show名次走唔到。最後悔放左男神及陳守仁offer, 有得再揀我一定揀就近入讀
1個讚
話明評估，點解要提前講埋作文題目…
你放左DB讀港同？
Yes
咁又唔怪得哂學校喎，個媽都好有問題，點會咁處理。呢d就算俾佢拎到級一都只是虛火。
至於你話nobody school，我唔多同意。港同係家長界地位頗高。反而我覺得陳守仁先係被過份吹捧，識人好多一線龍都唔要，揀佢。過度神化
1個讚
小女讀宣小，六年都好開心
沒有補習
已升讀女直資中學
當年沒有報港同，因為太遠，家住九龍
2個讚
揀港同唔要DB真係好少聽
1個讚
DB 都差唔多係龍
兩科主科不合格先升唔到中學
你都識講，家長地位
你問下住九龍新界嘅，又無考過學校嘅，識唔識得港同呀？好老實，我身邊嘅，無個識。仲問你做乜唔讀樓下嘅一二三線學校添