唔係wo, 見今年甲部中彩機會都大wo
有人中到lasalle
有25分咪得囉
入宣小必須學樂器，幾年前都仲係小一入去就俾老師分派學生學唔同樂器（唔知而家仲係咪咁），音樂科會將學樂器計埋分。
樂器主要係西樂，運動校隊多，都係傳統校際比賽有嘅大項目啦，近年有咩新活動就唔清楚了，但最出色最多獎嘅都係較傳統嗰啲。
參觀呢我就唔多記得，但佢哋啲功課（常識科Project、音樂報告等等)會設計到要你帶小朋友出去探索社區，增加生活經驗咁嘅。
放DB 入港同?
咁而家去邊間學校?
真係好睇家長target咩學校, 一心唸住讀津小嘅就可能唔識呢D學校or 三私一直
但係一心唸住讀直私嘅家長, 大部人份都識港同 (我都係住九龍), 因為一定會報學校之前做research.
去左外國，輕鬆晒
諗返幾年港同生活，我無誇張，簡直心有餘悸
問題係我唔在乎幾多有「考小學」嘅家長識港同，而家我啲親朋戚友唔識港同呀！！我係被呢批人關心個位呀！！
次次都好關心咁問「乜咁早返學呀，附近無學校收阿仔咩」「阿仔考第幾呀？下無名次架？係咪成績唔見得人所以無名次呀？佢個間仲要唔知咩學校」
著住校服坐車個仔活潑啲，又怕俾人話港同學生曳；相反，男拔或沙呂或油天etc 學生活潑啲，啲人就會話男拔etc 係咁架，咁先醒目呀嘛. 唔怪得人，我仔得幾個月大時見到新派直資學生係地鐵上嘈都係咁諗人。個時以為呢啲學校好似地利亞咁，啲學生讀唔掂但又有幾個錢，先要俾錢讀。
好啦，呢啲都算啦。仔返學開心最緊要！
但佢返學一啲都唔開心喎！呢間學校好醒架，知啲家長鐘意討論默書次數，就減到好少默書，等啲家長以為好輕鬆。點知，無默書但大量assessment呢！一星期4/5個評估呀！我仔寧願一星期2個默書好過！小息又唔俾跑（ok 明白所有香港小學都係咁，但港同唔係sell 活潑嘅咩？原來唔係嘅）港同啲女仔又強勢，小圈子玩杯葛。
講完啦。我以前都唔夠膽講太多，廢事俾人認出，但都已移民啦，仲驚啲乜呀。我知好多睇ek 會以為呢間學校好好，我當年都以係但當我whatsapp再仔細問啲家長，個個支吾以對架，個時唔明，後來當然明晒。
6個讚
我都聽升左上去既人講返原來課程同一般小學一樣
唔係特別活動教學
2個讚
我最近見有個KOL（一個保險阿媽，IG一萬followers)，話自己交棄超級神校揀港同
祝佢好運
1個讚
what?! 唔比跑！！
唔係lor, 好少學校唔比跑架
Really?! 咁睇黎港同先係少數
我仔去左外國不知幾開心， 日日小息玩tag, 踢足球（係港同只可玩射龍門咋，因為唔俾跑）
我個小朋友以前間準校都唔俾跑, 所以一去到英國, 放學第, 句同我講係"原來小息可以係學校跑架, 唔會有老師鬧!"
唔係，勁多小學唔畀跑，更加唔畀玩伏匿匿，兵捉賊，畀玩跳繩同呼拉圈已經好人道。
冇計啦，好多學校小息空間都係走廊，操場都唔一定有得用。外國求其搵間學校都大過唔少香港學校，大把機會跑跑跳跳。
1個讚
港同出名在話活動教學
反而聽返男拔又真係比想像活潑
唔係咁死板
不過兩者校舍仲有好大距離分別
兩間根本無可比性
當年揀學校時係因為個年經歷太多，計劃過幾年就走人(當然如果再遲一年，我會咩學校唔考讀樓下算數），諗住揀間happy school好過咩名氣學校
點會諗到呢個選擇嘅後果係會有咁多人關心
又點會諗到我頂唔順呢啲關心
更加諗唔到happy school原來一啲都唔happy
又，經一事蔡一智，無呢個經歷我都唔會明白到原來對小朋友黎講，就近入讀就係最開心嘅事，可以瞓到7點9、去公園可以撞到同校同學一齊玩、阿媽8點放工返到黎仲可以陪玩陪伴讀多2個鐘而係chur佢快啲瞓！
1個讚
勁sad, 原來咁多人小學都無得跑，我覺得呢樣野好唔人道，點叫個小朋友係校園內散步，發洩唔夠精力個腦都郁得慢d
原本港大同我都好心宜，呢家要諗諗先，反而我覺得多評估無咩所謂，當評估一多你就麻木當食生菜咁做ga la, 咩上堂學幾多做幾多lor, 反正又唔計分。
咩唔計分呀？
計！仲要家長簽名添
真係好無理由
有乜理由小學唔可以跑
但我細個時候已經唔可以
我記得自己因為唔小心跑左被老師罰企
真係好唔人道
純粹管理方便
唔止小息唔俾跑，仲有6歲就要執書包寫手冊做7/8樣功課，我覺得呢啲都唔人道架
我仔讀小一開學無耐同我講，「我好乖呀，阿邊個邊個因小息跑而收黃牌仲俾老師話，我就唔會啦」真係一聽就知不妙，無得跑捉咁你玩咩點識朋友？「食野睇書囉，其他同學會玩摺紙但我又唔鐘意」結果，越讀越摺…仲越肥仔