近排搵緊工人，問過啲agent。
幾間都suggest請外地既印傭黎香港，話本地姐姐唔啱我屋企，呢個我無問題。
但其中一個話海外請返黎既印傭好大機會中英文都唔識，叫我當佢啞既，係真嗎？
因為我奶奶唔識英文所以想請印傭，但中英文都唔識咁溝同唔到。照顧new born印定菲好啲？
菲嘅衛生意識一般比印好。（聽聞，我只用過菲，無用過印）
我只請過1個菲姐，係海外的，佢都未出過國打工，但佢英文好過我好多
（大學英文系）亦好好學，每晚收工返入房學英文
。
可以interview 架係咪？
應該未至於任agent吹咁無保障
我自己以前請菲，全部海外，經驗話比我知佢哋係乾淨啲，屋企連曱甴都冇，我請過四個只係得一個污糟D。奶奶屋企請印傭，㕑房油淋淋，屋企有老鼠。
請過一個菲傭，唔知點解英文溝通唔到（我哋都係外資公司返工，外藉上司，所以英文應該冇問題），呢個工人老實，但係溝通唔到大家辛苦，做咗一年，佢自己辭職。
如果湊要new born要同工人好多溝通，要教，最好工人自己本身有小朋友。如果剩係做家頭細務，你都要教佢點洗、消毒奶樽個D，佢都要聽得明先得
2個讚
啞都唔係問題，撞聾大鑊。聽唔明你指令咁點樣幫你煮飯？一陣就咁 dum 條未融雪嘅魚柳煎，或者洗衫將你件羊毛衫落洗衣機，佢未喊死我先激死。
我自己無請過工人，但有俾菲傭湊過，但我個工人都已經退休啦。
宜家聽聽下agent講我都有啲覺得菲好啲
係呀，所以我先想知海外印傭係咪咁
係真。
我有個海外印，請一次就怕 。佢勉強捱左一年半就自己要求離職。
出左街會盪失路，佢唔知自己喺邊，路牌唔識睇，叫佢影街景俾我去救佢，佢就唔明我講乜，但全部都答知道太太，中伏左兩次就裝定位電話俾佢，起碼知道大概位置。
到離職日都唔太明我講乜，但就唔會表達，到佢做錯，我先知佢唔明，我已經買埋中印翻譯天書指俾佢睇要做啲乜。唯一優點係勤力清潔，三百尺屋仔可以日頭抹到夜晚。
但身邊都有朋友竹印印好叻，嚟到兩個月就流利廣東話，話頭醒尾。
有上述一次吐血請印的經驗，我以為只請菲，起碼溝通得到。
1個讚
之前請過兩個海外印都係台灣做過，識講國語，可能因為識國語，所以好快學識廣東話，同埋識煮中國菜，其中一個湊new born，由細湊到大，足足十年 ，最後做到我移民走佢先走，佢好醒目又有禮貌，所以我走時隔離左右都開高價請佢，不過佢決定返印尼唔再做。
完全新手就未試過。
我個好叻，而且我地好friend 係friend 到會傾心事
佢叻到會自己上youtube search 解決問題，例如點拆冷氣機洗。又會上網學煮野，我小朋友放學有自家蛋糕，donuts 食㗎。
而家走左兩年幾，佢仲有同我仔女facetime
1個讚
咁佢有冇興趣再黎香港做嘢啊？我可以請啊。
萬中無一，你好幸運。
依家嗰啲嚟到做到基本野，做完一個合約已經好好 
1個讚
當年我哋請咗海外印傭，不過佢之前在香港做過，識廣東話，湊我哋個newborn湊得好好，同時間亦要照顧當時戱幾嘅家姐。
我第一個請個工人就係未出過國嘅鄉下印尼女仔，18歲，好乖好純，中英都唔識，Lift都未搭過，不過好快就學識廣東話，幫我做咗八年就返鄉下結婚生仔。
我屋企有長老，所以先放心，如果得佢一個湊小朋友就唔OK啦。
我第1個印姐就係咁。。。真係咩都唔識講。。好乖好乖但下下都要。。。body language…但咁樣真係好攰。。。。
佢賺夠唔返啦，呢十年買左屋買左地，返去生埋仔。做收租婆過活
本來我嚟新加坡，佢返印尼放兩個月假就過新加坡幫我。點知封關封好耐，佢又大肚生左B. 所有計劃改變晒。不過都好替佢開心。
1個讚
係佢好醒，學野好快，同我小朋友一齊學英文，佢可以學到小學程度，中文都識寫同睇少少，我成日話如果佢唔係印尼出世，佢應該係好叻既女強人。
呢啲國家累到女人個個去外地做女傭埋沒個人理想志向，真係好可惜
啲領袖e.g.馬可斯自己老婆就買幾萬對鞋，仔就去英國讀書，要成個國家成就自己屋企
溝通唔到好大鑊㗎 (雖然若果溝通到，都唔一定係好工人)
我有朋友試過呢個Case，咩都有apps翻譯，係會令人崩潰的。
請過印同菲，有個印姐真係好好，打掃得好乾淨，廚房完全無油淋淋，廁所水蹟都無，仲好錫小朋友。佢晤識睇中文，但叫小朋友讀D字俾佢知，然後mark 低併音去幫小朋友默中文，可惜佢做咗一個約就返印尼生仔
請過菲，佢D英文都有啲難聴，打掃唔算乾淨，態度差，所以對菲印象麻麻