我屋企印菲都用過，兩個印尼姐姐、1個菲姐姐，3個都曾經做超過5年
而家個印姐姐係本地請，都做得好好，佢廣東話講得唔好，但聽就完全冇問題
除咗呢3個姐姐，其實都中伏過請到懶嘅、做得唔得嘅，果啲好快就炒，拿拿淋請過第二個，不過以前請姐姐冇而家咁麻煩就真
我覺得印菲都會請到好/唔好，好撞手神，但如果你奶奶唔識英文，就真係請印好啲，我阿媽以前成日投訴同個菲姐姐溝通唔到，姐姐做錯晒嘢
1個讚
我媽請過兩個印，都算係咁，我講明唔可以要求咁高，唔係馬姐呀大佬
聽到少少中文溝通到，地方整齊企理就算
我當時都係body language同畫畫，朋友嚟我屋企會見到我好似開個人畫展咁
諗返起係好笑，但當時心很累。
幾多點餵女食飯，就寫時間，隔離畫碗飯。
4個讚
笑死 你猜我畫
我宜家interview左兩個印姐姐，兩個都係係台灣做過野，所以識國語，唔知有冇伏，問佢點解黎都話係想賺多啲錢。
其實請工人某程度都係搏㗎咋
Interview可以講到天花龍鳳，但實際嚟到先知。一間公司請人都係咁嘅道理。
我屋企請過2個印尼姐姐照顧父母，起初都好好。2個之後都變。第2個仲不斷借錢。
問我哋借，我哋仲可以寫借據，但佢經常向老人家埋手 (已講過無數次唔可以問老人家都唔聽，又成日講到自己好慘，老人家心軟係咁借) 所以佢辭職我哋都唔留。由佢走了。
1個讚
咁你有冇話見幾多個就決定呢？我宜家in左兩個，有啲agent搵左但未interview。
我見基本上所有人都係話睇好唔好彩。
同埋有個姐姐18歲去台灣做左三年，之後就一直無做直到宜家28歲，話照顧小朋友所以當時無再做，佢話宜家印尼覺緊廣東話，係咪red flag定都正常？
無㗎，真係純粹睇眼緣。加上見之前本身都已睇咗揀過工人姐姐資料。
正常Interview得都係有D心儀。
不過我第二個姐姐係疫情時請，所以真係大家爭工人嘅階段。所以當時好快決定請。
若果印姐姐，即管睇吓佢小朋友會否讀中學，有D學校 (我唔肯定是否所有) 學費好貴，真係可能成日會借錢
我工人姐姐個女讀書好叻，2-3個月就借1次幾千元。話要交學費。
不過我屋企人問過印尼華僑朋友，話嗰邊好少少嘅學校，學費堅貴的。
我之前好好嗰個就係台灣做，台灣比香港辛苦，賺少錢所以佢地會揀香港。
1個讚
我見佢一個女6歲, 應該暫時未讀中學。不過佢都有講話想賺錢。
照顧初生嬰兒，唔好請印傭，佢哋衛生意識比較薄弱。
最好請有照顧過初生嬰兒嘅（完成約滿）嘅外傭。
請過 2 菲1 印, 菲乾淨啲,
印係連自己衞生都唔得, 何況幫你湊 new born
但我奶奶要幫我睇住個工人，我奶奶唔識英文，宜家搵到一個識國語既，咁我唯有請住先。可能我奶奶湊多啲new born，工人負責其他。
所以我都十五十六，有啲又話印都好好。不過我個case比較複雜，聽啲agent講好多本地都唔會想做，要請外地，外地又好小會湊過new born又溝通到。
有個菲話湊過new born但之前十年都係係中東做，我估啲湊法都唔一樣？仲要只係識煮中東菜。
Worst case係四大長老都幫手睇住，但交通又係麻煩，兩邊長老住得唔近。Or 再另一個方案就係啲上門姨姨，幫我睇住個工人。
無香港/台灣/新加坡/馬來西亞 經驗嘅工人，一般都唔會識煮中國菜的，預咗要自己教。
樓主如果係第一次請工人，唔建議請有香港經驗嘅old seafood ，怕你handle唔到個工人。
如果係大路嘅語言仲好，起碼有得翻譯, e.g. Tagalog, Cebuano，如果係窮鄉僻壤嘅語言死得！印尼同菲律賓都好多鄉下語言，想搵本字典一隻一隻字查都未必有。
2個讚
原來我打錯字，我想講咩都用Apps翻譯
係呀，我都係想請海外，宜家諗住請一個係台灣做過既識國語，希望順利。